話咁快, 小慈已經上左 20 堂 JMC 完成 book 1, 為左培養小朋友對學習音樂既興趣及增加自信心, 今堂係 Class Concert!! 每個小朋友要獨奏 2 首歌, 可以拍攝及錄影仲可以有 2 個大人陪同參加, 小慈請左爸爸黎欣賞佢既第一次個人演出, 為左唔想失禮街坊, 小慈今個星期生性地練左 5 次琴 ^^
小慈今晚有我同爸爸陪佢一齊上堂表現風騷, 一班小朋友準備表演又唱又跳 Pa-pa-pa Parade!
獨奏開始! 跟座位編排決定表演次序, 小慈今日排第三, 佢自己決定彈 I'm a shoemaker 同埋 Tug of War, 課室有電子琴同鋼琴選擇, 小慈自己揀左彈鋼琴, OK 喎, 甩左一個音都要再彈番岩先罷休, 仲自彈自唱扮埋聲分高音低音添!
小慈細心欣賞其他小朋友既表演, 仲唸唸有詞一齊唱
12 個小朋友今日有一個冇返全部都表演晒, 大部份都彈到, 只係有節奏感同冇節奏感既分別, 小慈算係中規中矩, 佢肯自己出去表演俾咁多人睇, 為左呢個表演又有努力練習我已經好欣賞佢, 收貨!! 收貨!!
非常留心上堂既小慈, 抵錫! 抵讚!!
Keep going!!
沒有留言:
張貼留言