大鬧宜家

本來今日公眾假期有好多地方想去, 不過弟弟病左, 一個晏覺瞓 3 個鐘已經天黑, 冇計啦, 就近近地去宜家玩下就算!  呢度只係停車場範圍, 小慈已經話好舒服, 合晒眼咁享受, 弟弟又配合喎, 好攪笑!!

兩隻小鬼當左呢度係自己屋企咁不知幾自在

我都好耐冇黎過, 原來呢度已經唔同晒樣, 多左好多小朋友遊樂設施

呢張轉轉椅好好玩

小慈非常攪笑

呢座動物山令到兩姐弟愛不釋手, 我幾努力先制止到佢地唔好錫 d 公仔 @.@

弟弟好鍾意大公仔, 咁重, 仲要兩隻都拎得起!!

行到腳軟就去醫肚, 呢間餐廳設計非常好, 大人有大人食, 小朋友有小朋友玩

玩到肚餓就埋黎食一啖又再玩過

我地一去到已經 "登記掛號" 玩呢個兒童天地, 都要等 2 個鐘先有得玩, 食埋飯就岩岩好

小慈小明一個箭步衝入波波池

弟弟雖然唔舒服但都肯玩, 非常開心自在

小慈畫左張 "我的媽媽" 送俾我, 係唔係好靚呢?

呢個廚房仔我都覺得好好玩

弟弟都識炒兩味

媽媽我煮豬肉俾你食呀!  排 2 個鐘玩半個鐘, 不過佢兩個都好似夠晒皮

第一次見到傳聞中既 BB shopping trolley!  點解冇公仔既?

以為小慈小明會一人推一架, 點知弟弟係示意自己坐上去, 小慈推佢 :D

細個既時候我覺得宜家超靚!!  成日夢想將來自己有間屋會學佢咁樣佈置, 不過到我真係有間屋時, 我發覺佢 d 野有時唔係咁岩駛!  好似今日本來想為既廚房添置 d 新野, 但我竟然一樣都睇唔岩, 睇岩個 d 又唔岩 size, 無奈~

開心既係, 走既時候小慈同我地講佢今日玩得好開心, 佢好鍾意呢度下次想再黎過!  

小慈真係一個易滿足既小朋友, 乖女!