小慈打電話

我: "喂?"

小慈: "媽媽, 你係邊度呀?  我好掛住你呀!"

我: "依?!  點解你會打俾我既?"

小慈: "係呀, 我好掛住你丫麻, 爸爸俾個電話我自己打俾你架!"

我: "我教左你 3 次咋喎, 你就記得媽媽電話拿?"

小慈: "我記得 9xxx 爸爸提我個 4 字我就記得晒!  你係邊度呀?"

我: "我搭緊巴士, 轉個彎就落車架喇!"

小慈: "你叫巴士司機開快 d 啦, 不過都要好小心唔好撞車架喎!  轉彎落車個時呢, 你唔好跌呀, 出面好大雨呀!  知唔知呀媽媽?  我係屋企等緊你呀!"

我: "好啦, 媽媽好快返架喇!"

聽完呢個電話好窩心又好擔心!  今次係小慈第一次主動打電話俾我, 仲要記得我既電話號碼, 自己撥號, 我真係好驚喜!!  不過都有 d 擔心佢從此之後會唔會成日都打俾我?  傳聞中既奪命追魂 call 以小朋友最厲害, 所以我返到屋企再讚多佢一次叻女之後, 我都要講明唔可以成日打電話俾媽媽, 特別我返工的時候, 要學識 "無事不登三寶殿" 呀!

之後小慈仲表演講故事~

係好耐好耐之前, 有一個公主佢好靚女架, 又有一個國王佢好閃令令既

有一日, 公主好慢好慢咁行去國王身邊, 好溫柔咁同國王講......

"I love you!"  仲錫左國王一啖

Boom~~~~~~~~  國王變左個大人呀!

:)  :)  :)   

太可愛喇你!!!