一直都想買個靚煲, 有說用 STAUB 煲一個鐘已經有老火湯既效果, 炆野易入味又林又多汁仲要夠快, 煤氣都慳唔少云云..... 我知, 我明! 個煲係靚, 但價錢仲靚呢! 我真係唔捨得.....估唔到真係會越賣越平! SOGO 賣緊 28cm round $1499, 真係史無前例咁平咁話, 於是我不惜拋夫棄子咁過海去搶購, 後知後覺, 今日都已經係 promote 既第 3 日, 可能好野都俾人搶晒, 抱住隨緣既心態, 買到就買, 買唔到就算啦! 果然 $1499 一早已經賣晒! $1 多一件要用正價先買到, 同 STAUB 唔係好熟既我當堂企左係度, 一場黎到又唔想空手而回, 咁點先? 朋友即刻叫我轉戰 26cm round $1280, 煲唔係太多料既湯如青紅蘿蔔都 ok, 細個 d 會易用 d, 炆野又好, 煲仔飯都唔錯, 好! 就買一個試下先啦, 見佢灰色都幾靚仔!
Da La~~~~~~~~~~ 我既第一個 STAUB ^^
勁呀! 勁呀! 我地一齊為 STAUB 鼓掌, 成功喇~~ 成功喇~~ 一樣既煮法, 今次出黎既清湯腩真係好好好好好多, 秋秋俾 95 分我呀!! 雖然都係要煮 3 個鐘頭, 但我係用一點火, 感覺好似好慳煤氣, 同埋 STAUB 真係好厲害, 滾起完全冇煙!! 我唔打開個蓋都唔知佢已經滾左, 靜英英咁煲野完全冇聲又唔駛睇火真係唔係好慣
攪掂!!! 每餐飯小慈都要飲湯, 為左佢加多左水當埋湯飲, STAUB 原封不動俾番咁多水我, 開飯喇~~ 真係好林好好味呀!!
秋秋要求 encore 香茅胡椒羔蟹, d 蟹羔頂晒角, 食晒呢碟蟹同清湯腩都飽到上心口, 飯都唔駛食
正正正!! 不過咁食法會肥噃 :DDD
開煲: 用洗潔精洗乾淨抹乾後搽少少生油在煲邊及煲內, 第2日洗淨可用
TIPS: 可在煲內爆香食材, 將油倒入煲內先加熱 4-5 分鐘, 煎食物就唔會黐底! 煮食用中細火, 煲滾後轉最細火, 炆好食物焗 15 分鐘才開蓋亦唔會黐底
沒有留言:
張貼留言