戒夜片

2 個星期既暑假真係眨下眼就過, 呢個暑假, 小慈過得好充實!  除左周圍去玩之外, 仲要做親子暑期作業, 因為本暑期作業要解題, 小慈往往都要等我得閒係屋企先同佢一齊做, 所以每次一做就係十幾廿頁 XD  

小慈又乖, 真係坐足半個鐘至一個鐘頭, 我唔叫停佢都會繼續做, 真係好乖!

另外一項重要任務就係成功地幫小慈戒夜片!!!  由上星期二暑期一開始就每晚 12:15 am 辛苦工人姐姐抱佢去一次廁所, 到第二朝條片都係乾既!  

之後 5 日都係咁就已經搵到小慈既 wee wee 時間, 我地於是唔再同佢著片, 不過穩陣起見我地買多 2 張冷氣被, 舖埋防水床單, 再墊多塊床墊以策安全!

小慈冇令我地失望, 暫時一次都冇失手, 有一晚自己 11:30 pm 醒左叫工人姐姐帶佢去廁所, 一 take ok!!!!

遲唔會遲, 早唔會早, 時間岩岩好!  揀岩時間做野, 事半功倍!  4 歲就戒左夜片, YEAH ^^