中秋做節

中秋節, 最開心既莫過於小朋友, 但個人覺得而家既小朋友過節冇我地細個時咁開心, 至少佢地冇得 "縱火" 先啦, 冇得玩蠟燭真係差好遠!  飯後一人一粒珍寶珠, 多謝姑媽!

會突然爆衝既弟弟一定要拖實佢

係姑媽屋企做節既好處就係食完飯可以落會所玩

三表姐弟跑得超快, 好難先影到佢地三個一齊

弟弟真係好叻仔, 示範一次教佢點行呢個繩網陣, 邊度一定要爬過去之後就完全自動波

我只係需要坐係度等佢經過, 唔駛好似以前小慈細個咁寸步不離

小慈有幫手照顧弟弟, 耐不耐就報告弟弟既行蹤俾我聽

小慈係一個非常稱職, 超級愛錫弟弟既好家姐!!

玩一陣返上樓食應節食品, 我咁大個女第一次食羚角, 都幾好味啊!

祝大家中秋節快樂, 人月兩團圓, 更加重要係注意飲食, 忍口唔食咁多月餅呀~~