同嫲嫲去沙灘

上星期已經好想去沙灘點知忽然掛 1 號風球, 打風唔成三日雨, 本來諗住獅子山會令香港天氣變差, 等左幾日都冇咩動靜仲日日都酷熱天氣警告, 唔理咁多, 想做就做!  

於是今朝就預告俾小慈聽媽媽放工就會帶佢去沙灘玩, 開心得幾緊要呀小慈!!  不過佢自首話因為好想快 d 去沙灘好心急所以晏覺瞓得好少, 上次一早同佢講去迪士尼已經係咁, 下次都係早一個鐘通知佢, 俾驚喜佢就算喇!  嫲嫲第一次同小慈小明去沙灘 ^^

弟弟今次叻仔左好多!  只係踏出第一步時有 d 抗拒, 再放佢係沙上面已經冇野

玩沙玩到成面成頭都係, 第 3 次去沙灘已經完全冇事, excellent ^^

濕沙一 pat pat 都冇有怕

仲非常有探索精神, 不停將 d 沙放入桶, 又掉 d 石仔入去, 玩到不亦樂乎

今日沙灘得小貓幾隻

同小慈家姐玩石仔

兩個係度分 super big rock and very small rock

小慈真係搵到舊 super super big rock

Small rock 俾媽媽

7:00 pm 就天黑, 兩姐弟照舊玩到唔捨得走, 不過小慈一聲號令弟弟莫敢不從!!  令我最安慰既係佢兩個企係沙灘沖身處沖涼冇喊不特止, 仲係淋水淋到卡卡笑, 個花灑一停左唔出水, 弟弟係會即刻示意我地再禁水俾佢, 佢兩姐弟真係超攪笑!

洗完白白去西貢食海鮮, 佢兩個見到 d 超級大魚呀, 龍蝦呀, 興奮到不得了!

嫲嫲今日冇落過水陪乖孫乾曬, 所以要食餐好既慰勞下!  未上主菜小慈食花生已經半飽

弟弟就頂唔順瞓左, 我懷疑係 d 海水刺眼

開心!