教會既籃球班起左個新名叫 "乘風" !! 新一季決定成為恆常事工, 除左打風黑雨真係年中無休, 個個星期日 2:20 - 5:30 pm Basement 見!
籃球班活動內容好精彩, 有時係教會做體能 + 玩 team building 遊戲, 之後基本上大部份時間都會出去籃球場實戰! 弟弟話直接打比賽學到既野真係好多好實用, 一上場就知自己唔識 D 咩, 好正! 好鍾意咁樣學籃球呀!
乘風!! 加油!!
教會暑期籃球班開始喇!! 身為籃球校隊既小慈當然參加啦! 不過疫情下已經一年冇掂過個籃球, 真係水準下降, 好在有 keep 住跳繩體能都叫 OK! 今日有好多新朋友參加, 好熱鬧呀 :)
P.S.
暑期籃球班完滿結束! 牧師師母正計劃將籃球班常規化! 有興趣既朋友可以留意教會網頁
九龍城潮語浸信會 http://www.sbckc.org.hk/
希望藉住籃球可以建立友誼又認識基督, 一齊玩 :)
由 4 歲開始學琴到而家 10 年了, 小慈參加既鋼琴比賽真係寥寥無幾, 除左琴行舉辦既音樂會幫小慈練膽之外, 唯一我會報既比賽就係校際音樂節, 都係志在俾佢踏下台板, 試下公開演奏而已, 當然都想佢攞獎, 不過小慈每次臨場表現都唔好, 總有甩漏, 唯一冇彈錯最叻個次都係得第四, 我都睇到好化, 分數有 merit 有張證書仔媽媽就收貨
升上中學都繼續參加校際音樂節, 報名時學校俾埋聯校音樂大賽既報名表, 咩黎架? 未見過既? 但學校叫得你報名就順便參加埋啦! 好在有報咋, 今年校際因為疫情關係取消所有即場演奏既比賽, 反而聯校大賽接受錄影, 錄影喎! 抵啦, 錄到 perfect 為止! 不過你知我個乖女都有 D 脾氣, 當我錄得 3 次佢已經黑面, 自覺 ok send 得咁話, NO 啦, 連媽媽都聽到你有錯音怎能收貨? 所以最後只能夠搵到一個 version 冇錯音就算
哈! 到 6 月中就收到 email 話小慈得到金獎! 真係喜出望外, 即刻 check 下金獎係咩水平先
Good 呀! 金獎係最高架! 彈左咁多年琴終於都得到認可!! 小慈都估唔到, 以為自己合格多少少喎, 我梗係哼佢啦! Send 佢自己話 ok 個個 version 出去就真係合格多少少喇, 哼!
得獎者獲發獎盃一座及獎狀一張, 原來大會一早已經送左去學校, 但因為停課, 一直要等到復課既今日先送到小慈手上 :)
我地學琴既最終目的係學多 D 技巧去彈奏詩歌, 用音樂去敬拜, 演奏俾天父爸爸聽架! 小慈, 努力!
