乘風

教會既籃球班起左個新名叫 "乘風" !!  新一季決定成為恆常事工, 除左打風黑雨真係年中無休, 個個星期日 2:20 - 5:30 pm Basement 見!   

太早食完飯又有下場, 一齊返教會等集合

熱下身, 傳下波

姿態都唔錯喎弟弟

籃球班活動內容好精彩, 有時係教會做體能 + 玩 team building 遊戲, 之後基本上大部份時間都會出去籃球場實戰!   弟弟話直接打比賽學到既野真係好多好實用, 一上場就知自己唔識 D 咩, 好正!  好鍾意咁樣學籃球呀!

師母仲送左對籃球鞋俾弟弟, 勁有型呀!

在教會玩建立信任遊戲, 由導師帶矇眼隊員上天台

再交換位置, 隊員帶領導師

小明同進殷哥哥一組

佢話佢冇偷睇 XD

團契今日手工週

做馬賽克杯墊

好靚呀!!  大家都好有創意~

聚會早完又見時間差不多, 我同爸爸決定去探班

見到弟弟奮勇跳起, 小慈轉身射個 2 分波, 中呀!!  我真心覺得佢地勁左好多!

Book 左場唔好徙, 爸爸落場賜教, 1 打 2

兩個好矛咁攬住爸爸唔俾佢上籃, 笑死我 XD

小慈反應好快, 手腳瘦瘦但係鋼條好好力

射到 3 分!!

乘風!!  加油!!

打籃球

經過一個暑假, 小慈參加教會籃球班, 小明參加學校籃球興趣班, 兩個球技都進步左, 亦都對籃球產生莫大興趣!

暑假完結, 教會既籃球事工繼續, 大大隻字寫住 "要人", 仲要今次唔限籃球資歷, 初學到校隊級都可以參加, 小慈小明即刻報名

開波了!!  不過今次冇室內冷氣場, 但踏入初秋天氣都唔太熱, OK 呀!  小慈小明話同教會既進殷哥哥曦曦哥哥真係打波超級開心!

小明對籃球產生極端興趣, 小息係學校會落籃球場同同學仔打波, 著住皮鞋都照打 (同爸爸以前一樣呀!!) 於是星期一問我可唔可以買個籃球俾佢返學校打波?  因為得兩個波而又太多同學, 有時冇得玩.... 嘩~  我個仔叫到, 又想發育中既佢打多 D 波高得更快, 我星期二 lunch time 即刻出去買波放工送番屋企先再出去返學, 等佢地放學參加完跳繩班一入屋就充滿驚喜 XDD

個表示唔錯

笑容幾真摰 :)  衫都未換就開波

星期三仲即刻帶返學

有左個波之後, 弟弟話佢更加受同學歡迎 XDDDDDD 

主日學結業禮翻生

呢一年既主日學大部份時間都係屋企網上舉行, 唔係好多堂可以實體, 有時甚至返到教會都要上網上堂..... 無論以甚麼形式, 我地都冇斷過返主日學啊!!  終於, 一年一度既主日學結業禮又可以 face-to-face 舉行了!!

今日好忙碌, 小慈第一次做少年崇拜主席, 小明就係司事

大大個名印係程序表要記錄一下 ^^

又可以再一次係禮堂結業禮

一齊唱潮州話主日學校歌

今年好好有 5 位結業同學, 創歷史新高!  如果由 3 歲開始計, 佢地已經返左 15 年主日學!! 

最開心既頒獎時刻開始喇~

小明既高一班由岱琳姨姨任教

小慈高二班由婷婷姐姐 & 阮師母交替教導

婷婷姐姐好好, 如果一個月有 5 個星期日就會主日學時段帶佢地出去食早餐

小慈次次都食唔落只係飲杯野

佢地呢班都好穩定, 只係 Jason 去左外國讀書, 佢有影大合照架 XD

我同秋秋都有金獎 ^^

YEAH!

影大合照

跟住嗱嗱聲落去樂道天地幫手, 今日好多小朋友返左黎

每班都要表演, 我地良善信實組作最後綵排

亦要寫心意咭, 小朋友大部份都係寫最鍾意係樂道天地玩遊戲

好開心我第一次任教就教著你地, 好乖, 喜愛神話語既好孩子!!

好叻!  佢地一人一句背晒 12 課金句!!

大人同小朋友都係最開心既頒獎時間 ^^

我班小朋友大部份都升上去溫柔節制組了!  好唔捨得佢地

下個星期我同靜恩就會由教大班變成教細班, 得番大約 10 個小朋友, 差異都幾大架

孖仔仲係度

佢地一樣樣我仲未識分佢地 :)

從小愛讀聖經!  來與真理親近 ^^ 

星期六

差不多日日都要早起身, 除左一至五返工返學星期日返教會, 連唯一既星期六都因為佢地要返學校參加活動而唔可以瞓晏 DD!  無相干啦, 我仲係 keep 住由媽媽 morning call 我既小寶貝, 順便趁佢地未瞓醒俾我勁啜面豬仔 :)

今朝到小慈, 成為團契副團長要受訓, 仲要去到石峽尾咁遠, 好在而家有屯馬線教佢轉車都好方便

受訓完 12:30 pm 再預佢 overrun, 3:00 pm 教會團契就開始, 返屋企再出去連飯都唔使食, 於是我鼓勵小慈同團契職員一齊食 lunch 啦, 點知佢係都要同媽媽食!  好啦, 見你咁識揀, 就同你飛的士去樂園, 始終九龍城先至係我地既地球, 石峽尾真係唔識搵食

正呀!  至正宗既沙嗲牛肉麵!!  配奶茶紅豆冰真係一流架!!

弟弟自己由屋企出發返教會, 咁樣通知我地佢已經上左車

仲話自己並不孤單, 畫左個小慈家姐陪佢 XDDDD

小慈家姐十分認同, YEAH!

我兩個小寶貝真係超級可愛~~