小慈第一個鋼琴獎項

由 4 歲開始學琴到而家 10 年了, 小慈參加既鋼琴比賽真係寥寥無幾, 除左琴行舉辦既音樂會幫小慈練膽之外, 唯一我會報既比賽就係校際音樂節, 都係志在俾佢踏下台板, 試下公開演奏而已, 當然都想佢攞獎, 不過小慈每次臨場表現都唔好, 總有甩漏, 唯一冇彈錯最叻個次都係得第四, 我都睇到好化, 分數有 merit 有張證書仔媽媽就收貨

升上中學都繼續參加校際音樂節, 報名時學校俾埋聯校音樂大賽既報名表, 咩黎架?  未見過既?  但學校叫得你報名就順便參加埋啦!  好在有報咋, 今年校際因為疫情關係取消所有即場演奏既比賽, 反而聯校大賽接受錄影, 錄影喎!  抵啦, 錄到 perfect 為止!  不過你知我個乖女都有 D 脾氣, 當我錄得 3 次佢已經黑面, 自覺 ok send 得咁話, NO 啦, 連媽媽都聽到你有錯音怎能收貨?  所以最後只能夠搵到一個 version 冇錯音就算

哈!  到 6 月中就收到 email 話小慈得到金獎!  真係喜出望外, 即刻 check 下金獎係咩水平先

Good 呀!  金獎係最高架!  彈左咁多年琴終於都得到認可!!  小慈都估唔到, 以為自己合格多少少喎, 我梗係哼佢啦!  Send 佢自己話 ok 個個 version 出去就真係合格多少少喇, 哼!

得獎者獲發獎盃一座及獎狀一張, 原來大會一早已經送左去學校, 但因為停課, 一直要等到復課既今日先送到小慈手上 :)

表現超卓, 特頒此狀, 以資表揚!  非常有鼓勵性呀!  學校都有送左一個優點俾小慈, 開心!

評判既評語有讚冇彈  :DDDD

我地學琴既最終目的係學多 D 技巧去彈奏詩歌, 用音樂去敬拜, 演奏俾天父爸爸聽架!  小慈, 努力!