踏入青春期, 小慈明顯長高, 除此之外只有鼻鼻長滿走米油脂粒, 我千叮萬囑叫佢一定要忍手, 唔好學似我細個成日攪個鼻令到毛孔曠張成粒士多啤梨咁! 小慈好乖完全冇攪, 但唔知點解佢 D 走米越來越大粒仲食左入鼻翼, 幾粒波波咁十分顯眼, 我企圖同佢吱下但完全冇用, 好死實, 都係要搵專家攪攪佢! 朋友介紹有間細舖既美容師好好, 又唔 sell 客, 學生深層清潔都只係 $138, 平平地就同小慈試下
一隻待宰的羊 :DDDD
美容前~ 見唔見到鼻翼兩邊都有好大粒走米呀? 吉手架
不停流眼水既程序開始了! 美容師比比非常有心機, 同小慈清得好乾淨
估唔到小慈非常忍得痛, 完全冇慘叫過! 好叻叻呀! 你睇下佢個鼻鼻幾多污漕野!!! 平時我自己瞓係度都冇人同我影相, 第一次見美容師做野
消毒完就做保濕導入, 比比俾左部 VIP 機小慈碌, 凍凍地好舒服, 小慈差 D 瞓左
敷埋個面膜就大功告成
小慈個鼻鼻重傷, 要結焦再甩埋皮先會好似剝殼既雞蛋咁啦! 第一次 Facial 既體驗唔錯 :)
沒有留言:
張貼留言