特別慶祝生日

秋秋人如其名在秋天出生, 每逢佢生日天氣都會涼涼地令人好想食好野, 特別係海鮮!  上網搵過一輪, 發覺疫情下步飛冇平到不得止仲要玩配給以確保衛生, 普普通通一個步飛都 5 舊, 一家人成兩千元, 我地又唔係食得多, 真係唔捨得..... 不過生日大曬, 就等我呢位賢妻幫你度掂佢啦!

首先當然係攞假啦, 他他條條送小慈小明返學之後就外賣個靚早餐俾我個心肝食, 食飽飽就同佢過海, 我搵到間泰國姐妹自己開既按摩店, 預約一 part 兩個鐘等佢生日嘆下啦~~

呢度地方細細但好乾淨舒服

換埋件泰國衫, 我地當去左泰國旅行架喇~

姐妹阿 Bee 手法正宗, 佢仲用薑油同秋秋推背等佢血液循環得好 D

好耐都冇按摩秋秋全身骨頭硬晒, 阿 Bee 同佢又踏背又拔罐兩個鐘冇停過, 秋秋推完全身散晒好想瞓, 真係 Thai Relax~~~

返屋企驚喜已經等緊你!!  生日蛋糕同埋禮物已經預備好!  仲有可愛小 DJ 小明子播住生日歌咁等爸爸邁步入屋 ^^

示範生日禮物正確使用方法 :DDD

小慈小明自己作左對對聯, 殖入自己個名, 係對爸爸既生日祝賀黎架!

Make a wish!!

蛋糕意外受傷, 其實我地係寫左 We love you ^8^

我地真係好愛你架, 爸爸!

秋秋攰到要瞓個晏覺!  瞓醒出街食餐好既, 發現爸爸鞋帶鬆左, 黎黎黎~~  等小明子服侍壽星公~~

想食又平又抵既海鮮?  黎鍋心粥啦!  我地已經係第 N 次幫襯喇 ^^

啤啤佢, 賀賀佢!

起筷!  貝殼類要食先

今晚我地揀左龍蝦, 蝦頭用黎餚粥底簡直一流呀!

生蝦太新鮮要特別處理, 小明要逐隻用鉗夾住, 防止佢跳出粥底

等左成晚就係等呢碗海鮮粥!  食唔晒仲打包聽日當 lunch :)

食完飯都未夠九點, 兩個話太飽要行一陣

嘩~  爸爸高大威猛, 頂天立地!

發現無線耳機, 即刻雙眼發光!!

心軟既媽媽又買禮物, 爸爸問: "究竟邊個生日?"  :DDDDD

終於都有屬於自己既高智能無線耳機, 自動連線去手機, 型爆呀!  小慈開心得好緊要!

太高興, 小明仲要預支自己既生日禮物 -- 課金抽寶箱

抽到呢隻恨左好耐既傳奇角色

弟弟仲抽到好多勁野

有個小朋友扁晒嘴, 不停問自己點解生日時唔識爭取.....

有人歡笑, 有人垂淚, 暗角傷心

買啦!  買啦!  唔係預支生日禮物, 係測驗成績好既鼓勵禮物, 當你下星期統測有好成績架喇!

興奮到差 D 瞓唔著

估唔到爸爸生日竟然係皆大歡喜 :DDD

Happy Birthday My Dearest Dearest 老公!!