20.10.20

今年係一個好年, 所有 20 號都同 20 年好夾, 早幾日 10.10.2020 星期六仲好多人結婚, 日子特別, 一世難忘~

本來都冇咩野, 只係今日接小慈小明放學時買左包栗子, 弟弟二話不說就成包攞左去剝殼, 仲話唔駛我地掂到隻手整污漕, 等佢一個人污漕晒

剛剛炒起既栗子其實熱到不得了, 但小明子鍥而不捨

餵小慈家姐食唔好整污漕家姐對手, 超級溫馨, 媽媽心心眼感動中~~

偶遇小學同學仔!!  兩姐弟遇見兩姐弟, 非常驚喜開心!  傾到雞啄唔斷, 依依不捨!

弟弟近來真係非常 man, 我揹重野佢會搶住黎揹, 又會開門俾我行先, 成日都拖住媽媽, 好乖好乖, 升上中學唔同晒, 趁好日子更加要記低佢 :)

20.10.20 小慈今日都 14 歲半添呀!  好日子!