小慈出場

自從小慈上次學校聖誕慶祝會表演過 cat walk 之後, 似乎刺激左佢潛在既表現慾!  最近我地經常玩一個叫 "出場" 既遊戲, 首先小慈係會呢埋係大門既走廊位...

我: "有請 K1 郭恩慈出場~~~" (大力鼓掌)

小慈就會一路揮手一路行出黎, 笑晒咁

我: "恩慈, 你今日會為大家表演咩野呀?"

小慈已經表演過唱歌, 打鼓, 拋高枕頭再接番, 跳繩, 吱弟弟... 等等

今晚既表演更令人喜出望外, 小慈話: 

"我今晚表演飲奶奶~~" 

冇欺場架, 1 分鐘飲晒 1 支 8 安奶  :DDDDD

心情大好既弟弟亦駛出佢既絕招 "電眼"  回饋小慈家姐!  此招一出真係所向無敵, 見過佢電眼既人無不發出會心微笑!!  

弟弟對眼咁大, 咪一半真係殺死人, 不過影相係感覺唔到只係以為佢合埋對眼