經過一個星期既沙塵滾滾 + 走難 3 日, 廁所終於裝修完! 呢個廁所主要係工人姐姐同埋小慈用, 浴缸就全家沖涼用損耗都好大, 又多雜物, 住左咁多年舊舊地整下佢都好應該! Da La~~~~~~ 係唔係好靚呢?
換左坐廁, 浴缸, 地磚, 牆磚, 仲有個櫃同埋浴屏未造起
小慈洗白白, 弟弟急不及待入去玩水
就一齊洗白白啦!! 弟弟都係第 1 次同小慈一齊沖涼咋 ^^
弟弟拍水拍到非常激動, 小慈冇眼睇
非常滿意 :)
可能開心, 好有性格既弟弟今晚終於肯叫 "爸爸"!!! 好多野我地估佢識, 但佢偏偏唔做俾你睇, 到你想放棄既時候, 佢又咩都爆晒出黎玩驚喜!! 真係估唔到佢今晚係咁叫 "爸爸" 仲有識講 "No" 好抵死呀佢!
沒有留言:
張貼留言