與琳琳姐姐短聚

今日難得地約左琳琳一齊 tea, 我真係好耐冇同過我既契女出街!  不經不覺, 琳琳已經 7 歲, 伶牙俐齒反應又快, 出奇不意地係個手袋仔度攞部 MP3 機出黎同我講:

"我好鍾意聽電燈膽架, 岩岩先聽完紅綠燈!"  

Oh my God~~  琳琳, 冇見你一排成熟左咁多既?  我仲以為自己眼花睇錯你已經 17 歲添!  原來而家 d 小朋友既品味已經與大人無異?!?  我好似琳琳咁大個時, 我仲係唱緊小忌廉 / 藍精靈十分勁咋...... @.@  琳琳, 一直以來契媽都知你係一個非常聰明而又有個性既小朋友, 不過童年好快過架咋, 唔好急住要扮大人呀, 傻妹!

小慈已經唔係好記得琳琳姐姐, 初見面時仲有 d 怕三保要我拖住, 不過好快已經俾琳琳既熱情溶化左, 兩個妹妹一齊食麥樂雞薯條玩點醬笑到收唔到聲, 琳琳仲將條薯條混醬 (甜酸醬 + 茄汁) 咁食, 同我講佢條薯條流鼻血, 真係笑到我碌地, 古靈精怪 XDDDD

琳琳同小慈兩個既身形體重都同佢地既年齡唔成正比, 奀之之

雖然差 4 歲, 佢兩個出奇地岩 key, 真係估唔到

呢隻土耳其雪糕好好味呢

開心!