陳老師尋日提議係學校同小慈戒片, 今日就 action! 帶多左幾套衫返學校替換
陳老師匯報小慈今日賴左 2 次尿, 亦都成功屙左 2 次尿落廁所
第 1 次賴尿係 9:50am 大肌肉玩滑梯時
第 2 次賴尿係 11am 轉組換鞋時, 因為 2 次都係企係度, 所以兩對波鞋都賴濕晒
第 1 次成功屙落廁所係食緊飯問佢去唔去佢話去
第 2 次成功係訓醒晏覺去廁所佢又屙左一篤
very good 呀! 加油呀, 小慈!!
10月尾派手冊, 小慈重 11KG (24.2 磅) 身體 91.5cm
陳老師仲俾左 6 個 good 佢呀~~~
- 願意嘗試各種食物
- 飯前便後有洗手習慣
- 有應對能力
- 愛惜玩具及公物
- 自我照顧能力 (穿鞋)
- 能保持衣履及儀容整潔
另外, 小慈已經係連續兩日都著好校服先敲我房門叫我, 終於唔識我朝早趕頭趕命咁氹佢換衫換片探熱食早餐著鞋著襪
出門口返學又好開心, 問佢又識答我爸爸媽媽返工, 小慈返學, 姐姐 go market
小慈終於完全明白, 適應, 接受要返學呢個事實! 多謝天父!!
2008年10月30日 星期四
小慈填詞
呢個星期同小慈講過話返學唔要枕頭, 枕頭係陳老師度, 工人姐姐要 go market 所以小慈返學 bye bye 姐姐唔要喊.... 小慈呢個星期返學真係唔喊!! 係學校換完鞋仔仲會推工人姐姐走趕佢去街市, 開始適應學校生活喇~~ 感謝主!!!
陳老師打電話俾我話想訓練小慈坐廁所! 佢帶左小慈去廁所幾日, 發覺佢肯坐, 有時屙到一兩滴, 又會主動要求去廁所, 會摸住自己下面, 但去到廁所冇尿就估佢係太急已經屙左落片片! 不如同小慈係學校戒片, 只係訓覺時著番, 由得佢賴尿, 帶多幾套衫返學校替換
陳老師, 你真係好好啊~~~~ 其實我地係屋企有訓練佢去廁所架, 不過小慈蝦工人姐姐唔肯去! 而家由學校開始好丫, 返學有群眾壓力, 等老師 train 下佢屋企又監下佢睇下得唔得先
陳老師仲話發覺小慈返學開心左, 冇喊仲笑容滿臉! 好鍾意見到佢笑, 佢笑容好靚, 仲話佢識晒全校咁多個老師, 個個都識叫名仲大大聲講 "早晨~~~" Yeah! 呢個就係我唔喊既小慈喇! 佢唔喊個時真係好可愛架 ^^
而家講野仲笑死人 -- 小慈去廁所完 / 小慈唔開到 / 小慈唔執到 / 開燈左喇 / 大揹書包
仲學我大肚好易攰唔想郁時, 佢學晒我講野:
"小慈唔幫手, 小慈攰攰啊~"
"媽媽開丫, 小慈唔識點樣開呀!" 由佢把聲讀出黎真係笑瓜我 :)
今晚仲俾左個驚喜我, 話說我同緊佢玩幫 BB 沖涼, 教識佢洗衫要用番梘, 小慈羅住 BB 擺上 Bingo 隻耳仔度, 唱:
La La La La 曾芷蔚, 曾芷蔚, 曾芷蔚 (mrdrmmm 瑪莉有隻小綿羊 melody)
又唱我個全名, 跟住呢句先嚇親我, 佢唱:
La La 恩慈飲奶奶, 飲奶奶, 飲奶奶.....
點解小慈識填詞?!! 仲岩音岩拍子呀!!!!
陳老師打電話俾我話想訓練小慈坐廁所! 佢帶左小慈去廁所幾日, 發覺佢肯坐, 有時屙到一兩滴, 又會主動要求去廁所, 會摸住自己下面, 但去到廁所冇尿就估佢係太急已經屙左落片片! 不如同小慈係學校戒片, 只係訓覺時著番, 由得佢賴尿, 帶多幾套衫返學校替換
陳老師, 你真係好好啊~~~~ 其實我地係屋企有訓練佢去廁所架, 不過小慈蝦工人姐姐唔肯去! 而家由學校開始好丫, 返學有群眾壓力, 等老師 train 下佢屋企又監下佢睇下得唔得先
陳老師仲話發覺小慈返學開心左, 冇喊仲笑容滿臉! 好鍾意見到佢笑, 佢笑容好靚, 仲話佢識晒全校咁多個老師, 個個都識叫名仲大大聲講 "早晨~~~" Yeah! 呢個就係我唔喊既小慈喇! 佢唔喊個時真係好可愛架 ^^
而家講野仲笑死人 -- 小慈去廁所完 / 小慈唔開到 / 小慈唔執到 / 開燈左喇 / 大揹書包
仲學我大肚好易攰唔想郁時, 佢學晒我講野:
"小慈唔幫手, 小慈攰攰啊~"
"媽媽開丫, 小慈唔識點樣開呀!" 由佢把聲讀出黎真係笑瓜我 :)
今晚仲俾左個驚喜我, 話說我同緊佢玩幫 BB 沖涼, 教識佢洗衫要用番梘, 小慈羅住 BB 擺上 Bingo 隻耳仔度, 唱:
La La La La 曾芷蔚, 曾芷蔚, 曾芷蔚 (mrdrmmm 瑪莉有隻小綿羊 melody)
又唱我個全名, 跟住呢句先嚇親我, 佢唱:
La La 恩慈飲奶奶, 飲奶奶, 飲奶奶.....
點解小慈識填詞?!! 仲岩音岩拍子呀!!!!
2008年10月25日 星期六
有進步
今朝小慈出門口有扭計要枕頭, 好在我同左陳老師夾口供點樣應付佢!! 我等佢冷靜左先同佢講枕頭係陳老師度, 係被被度記唔記得? 訓覺先要枕頭, 返學唔要喇! 果然有效喎, 小慈明晒 ^^
5:00pm 陳老師都有打電話俾我, 首先佢報告話小慈今日去廁所時玩門夾親右手手指公! 有少少紅瘀不過佢冇喊, 事源係工友姐姐帶小慈同另一位小朋友去廁所, 佢小解另一個大解, 小慈係無人看管既情況下見度門虛掩就走去關門咁就夾親! 返到課室識同陳老師講夾手手, 已經話左佢架喇! 我覺得好小事不過老師有責任要講, 我明, 屋企有 U 型門夾所以小慈從來都冇夾過手, 夾下佢都係好既, 印象深刻
陳老師仲話小慈今日訓得長左, 12:15pm 上床 12:30pm 自己攬枕頭訓著訓到 2:15pm, 訓醒又冇喊, 好安靜, 仲睇住嬸嬸褶被收埋佢個枕頭係被被度先安心晒, 好似好信唔過人咁, 超爆笑!! 又要俾時間佢適應返學放學冇枕頭
食飯方面又有進步, 會自己完成唔會食食下停係度要人餵! 係今日食炒麵比較輪盡要老師幫手, 不過老師話小慈唔肯食湯渣, 會用手攪條脷抹走 d 湯渣! 其實個 d 都唔係真係渣, 係蘿蔔絲, 有時係肉肉要佢食, 小慈都聽話不過睇得出佢唔慣!
我答老師小慈係屋企係飲清湯架, 仲補充話小慈而家係屋企都係跟學校個餐單同埋份量咁食飯, 大約係半個大人碗, 於是陳老師明晒點解小慈會有明顯既進步, 食得快左, 食得多左 :)
仲有呢個星期要求工人姐姐放學帶小慈去公園跑跑跳跳至少半個鐘之後, 小慈夜晚訓覺明顯好左! 係公園放下電發洩下精力個人攰 d 訓得好 d, 冇再半夜大喊拍門要我抱住佢訓了, 全家都有覺好訓, yeah!
難得我同陳老師咁緊密聯繫, 希望家校合作, 令小慈能夠養成良好生活習慣, 食多 d 訓多 d 守規矩講道理
多謝你呀, 陳老師~~
5:00pm 陳老師都有打電話俾我, 首先佢報告話小慈今日去廁所時玩門夾親右手手指公! 有少少紅瘀不過佢冇喊, 事源係工友姐姐帶小慈同另一位小朋友去廁所, 佢小解另一個大解, 小慈係無人看管既情況下見度門虛掩就走去關門咁就夾親! 返到課室識同陳老師講夾手手, 已經話左佢架喇! 我覺得好小事不過老師有責任要講, 我明, 屋企有 U 型門夾所以小慈從來都冇夾過手, 夾下佢都係好既, 印象深刻
陳老師仲話小慈今日訓得長左, 12:15pm 上床 12:30pm 自己攬枕頭訓著訓到 2:15pm, 訓醒又冇喊, 好安靜, 仲睇住嬸嬸褶被收埋佢個枕頭係被被度先安心晒, 好似好信唔過人咁, 超爆笑!! 又要俾時間佢適應返學放學冇枕頭
食飯方面又有進步, 會自己完成唔會食食下停係度要人餵! 係今日食炒麵比較輪盡要老師幫手, 不過老師話小慈唔肯食湯渣, 會用手攪條脷抹走 d 湯渣! 其實個 d 都唔係真係渣, 係蘿蔔絲, 有時係肉肉要佢食, 小慈都聽話不過睇得出佢唔慣!
我答老師小慈係屋企係飲清湯架, 仲補充話小慈而家係屋企都係跟學校個餐單同埋份量咁食飯, 大約係半個大人碗, 於是陳老師明晒點解小慈會有明顯既進步, 食得快左, 食得多左 :)
仲有呢個星期要求工人姐姐放學帶小慈去公園跑跑跳跳至少半個鐘之後, 小慈夜晚訓覺明顯好左! 係公園放下電發洩下精力個人攰 d 訓得好 d, 冇再半夜大喊拍門要我抱住佢訓了, 全家都有覺好訓, yeah!
難得我同陳老師咁緊密聯繫, 希望家校合作, 令小慈能夠養成良好生活習慣, 食多 d 訓多 d 守規矩講道理
多謝你呀, 陳老師~~
2008年10月24日 星期五
夜訪 Bernard
巧巧細佬 Bernard 孝逸出左世喇!! 第一個係柏苗, B仔係七小福第二代入面既呀二, 下一個就輪到小明出世架喇 ^^
我想試下小慈見到咁細個既 BB 有咩反應, 想像下佢遲 d 見到弟弟係點, 於是今晚單拖帶埋佢去巧巧屋企探 Bernard, 果然不負眾望, 小慈好鍾意 BB~~~~~ :)
又要摸又要攬又要錫仲要求抱!! BB 訓覺呀! BB 訓醒喇! BB 喊喊呀!! 全晚都匯報 Bernard 既一舉一動俾我聽
因為我單拖, 小慈成晚都好黐身, 食飯又坐我大脾, 想去玩又要拖埋我去, 寸步不離, 又扭抱, 由停車場抱到巧巧屋企我真係想死!! 其他媽媽幫口話小慈時, 衰妹就想乘機發爛喊! 我唔想佢喊開有條路就抱佢, 但要佢有禮貌態度好我先抱羅 @.@
好耐冇見既詠詠呀
大家都有返學所以好知道要排隊玩玩具
小慈真係好鍾意音樂, 見到電子琴雙眼發光!
仲俾佢搵到 Elmo!! 成晚攬住唔放
大合照~~~ 祝 Bernard 快高長大快 d 戒夜奶, 同巧巧家姐相親相愛
我想試下小慈見到咁細個既 BB 有咩反應, 想像下佢遲 d 見到弟弟係點, 於是今晚單拖帶埋佢去巧巧屋企探 Bernard, 果然不負眾望, 小慈好鍾意 BB~~~~~ :)
又要摸又要攬又要錫仲要求抱!! BB 訓覺呀! BB 訓醒喇! BB 喊喊呀!! 全晚都匯報 Bernard 既一舉一動俾我聽
因為我單拖, 小慈成晚都好黐身, 食飯又坐我大脾, 想去玩又要拖埋我去, 寸步不離, 又扭抱, 由停車場抱到巧巧屋企我真係想死!! 其他媽媽幫口話小慈時, 衰妹就想乘機發爛喊! 我唔想佢喊開有條路就抱佢, 但要佢有禮貌態度好我先抱羅 @.@
好耐冇見既詠詠呀
大家都有返學所以好知道要排隊玩玩具
小慈真係好鍾意音樂, 見到電子琴雙眼發光!
仲俾佢搵到 Elmo!! 成晚攬住唔放
大合照~~~ 祝 Bernard 快高長大快 d 戒夜奶, 同巧巧家姐相親相愛
2008年10月23日 星期四
2 個枕頭
陳老師今日打電話俾我問小慈有冇 2 個枕頭? 如果有就唔駛日日由屋企帶番學校又帶番屋企
呵哈~~~ 好在我一早意識到呢個問題!! 日日帶出帶入我都好驚唔見左 or 係學校唔記得帶番屋企就大件事! 於是上星期已經請嫲嫲車多一個 A 貨枕頭俾小慈, A 枕頭同小慈原本個個 size 係一模一樣既, 只係新綿花比較鬆所以個枕頭肥左, 我再入番小慈最鍾意個個枕頭袋俾小慈試用左 2日, 佢又接受到喎! 冇察覺個枕頭手感上有分別 :p
陳老師打算將小慈個枕頭放係佢學校張床仔入面, 訓覺時會連埋 d 被一齊羅出黎, 會同恩慈講枕頭收落被被度, 都希望我係屋企同佢講枕頭係學校張被被度, 返學唔帶枕頭喇咁! 原來每朝早陳老師會同小慈講: "食早餐喇! 唔要枕頭喇" 咁小慈就會自己將個枕頭放係書包櫃入面, 食完早餐, 小慈會見到枕頭但唔會羅, 好乖
不過食午餐前通常都開始眼訓就會要枕頭, 但同佢講訓覺先俾又 ok! 係學校訓覺而家都訓到 1-1.5 hr, 有時訓醒都會扯大喉嚨喊, 要抱開佢去 office 坐一陣, 到佢醒晒就 ok 番, 氹佢有時會用貼紙, 都試過唔受氹喊好耐, 陳老師就會話: "唔要小慈喇! 將小慈送俾第二個老師喇!" 咁小慈就會即刻乖番! 陳老師認為小慈係好明事理既好孩子! 當然扭緊計時唔會聽, 但一般都 ok
星期二最扭計情緒唔好, 成日話跳舞! 因為形住跳舞媽媽就會出現!! Oh~~~ So CUTE!! 我都估到架喇, 星期一我係學校出現時小慈開心得咁緊要!! 不過就估唔到我出現 1 個鐘, 小慈要用 1 日去平復心情!!
都知呢個衰妹好黐我, 我係學校出現肯定佢唔會跟其他人, 所以我淨係開學個 3 日陪佢返學之外, 每朝都係工人姐姐送佢返學就係咁解..... 我不知幾想同佢唱住歌送佢返學咁架麻.....
順便問埋陳老師氹佢地訓覺有冇程序, 因為小慈成日都唱打開蚊帳爛訓豬? 陳老師答我話訓覺有程序架, 請小朋友除鞋除襪, 放好鞋仔, 上床, 冚被, 合埋眼, 熄燈, 放純音樂, 一定唔會唱歌, 因為一唱歌一定唔會訓覺, 打開蚊帳係之前同佢地上堂用鋼琴玩既遊戲, 小慈好深刻印象入晒腦所以返黎唱俾我聽!
小慈返學開心啦, 陳老師咁錫你 ^8^
呵哈~~~ 好在我一早意識到呢個問題!! 日日帶出帶入我都好驚唔見左 or 係學校唔記得帶番屋企就大件事! 於是上星期已經請嫲嫲車多一個 A 貨枕頭俾小慈, A 枕頭同小慈原本個個 size 係一模一樣既, 只係新綿花比較鬆所以個枕頭肥左, 我再入番小慈最鍾意個個枕頭袋俾小慈試用左 2日, 佢又接受到喎! 冇察覺個枕頭手感上有分別 :p
陳老師打算將小慈個枕頭放係佢學校張床仔入面, 訓覺時會連埋 d 被一齊羅出黎, 會同恩慈講枕頭收落被被度, 都希望我係屋企同佢講枕頭係學校張被被度, 返學唔帶枕頭喇咁! 原來每朝早陳老師會同小慈講: "食早餐喇! 唔要枕頭喇" 咁小慈就會自己將個枕頭放係書包櫃入面, 食完早餐, 小慈會見到枕頭但唔會羅, 好乖
不過食午餐前通常都開始眼訓就會要枕頭, 但同佢講訓覺先俾又 ok! 係學校訓覺而家都訓到 1-1.5 hr, 有時訓醒都會扯大喉嚨喊, 要抱開佢去 office 坐一陣, 到佢醒晒就 ok 番, 氹佢有時會用貼紙, 都試過唔受氹喊好耐, 陳老師就會話: "唔要小慈喇! 將小慈送俾第二個老師喇!" 咁小慈就會即刻乖番! 陳老師認為小慈係好明事理既好孩子! 當然扭緊計時唔會聽, 但一般都 ok
星期二最扭計情緒唔好, 成日話跳舞! 因為形住跳舞媽媽就會出現!! Oh~~~ So CUTE!! 我都估到架喇, 星期一我係學校出現時小慈開心得咁緊要!! 不過就估唔到我出現 1 個鐘, 小慈要用 1 日去平復心情!!
都知呢個衰妹好黐我, 我係學校出現肯定佢唔會跟其他人, 所以我淨係開學個 3 日陪佢返學之外, 每朝都係工人姐姐送佢返學就係咁解..... 我不知幾想同佢唱住歌送佢返學咁架麻.....
順便問埋陳老師氹佢地訓覺有冇程序, 因為小慈成日都唱打開蚊帳爛訓豬? 陳老師答我話訓覺有程序架, 請小朋友除鞋除襪, 放好鞋仔, 上床, 冚被, 合埋眼, 熄燈, 放純音樂, 一定唔會唱歌, 因為一唱歌一定唔會訓覺, 打開蚊帳係之前同佢地上堂用鋼琴玩既遊戲, 小慈好深刻印象入晒腦所以返黎唱俾我聽!
小慈返學開心啦, 陳老師咁錫你 ^8^
2008年10月21日 星期二
開心活力操
今日下晝要去小慈學校學跳 "開心活力操"
連續三個星期一既放學時間都會有老師教家長跳呢隻活力操, 因為 11月8日係學校既聯校旅行, 6 間分校超過 1000 人會一齊跳, 好熱鬧啊~~ 我只係得今日得閒學咋, 所以我帶埋相機一陣錄影老師點跳, 返屋企再苦練!!
我早左好多到學校, 老師好好人見我大住個肚咁辛苦就俾我入 office 坐, 咁我就有機會同何校長傾計, 以下呢番說話係何校長講既...
校長:
"今年呢班 N1 小朋友好叻, 好快就全班都唔喊, 有規矩, 都有 d 小朋友本來唔喊又番喊, 不過都好快 ok, 係恩慈比較嗲要特別照顧, 好在呢班 N1 乖, 咁老師就有時間有能力特別照顧恩慈, 恩慈好嗲好黐人, 佢喊緊同佢講野, 佢會突然收聲聽下你講咩先, 又唔算爛喊喎, 不過要氹! 情緒問題係要等時間過, 要俾耐性"
我聽校長講野聽到面紅耳赤有 d 尷尬呀!! 咩事你個女要人特別照顧先?! 估唔到小慈 d 衰野連校長都知!! 唉~~ 不過聽到校長話老師好錫小慈我又好開心, 我梗係想多 d 人錫我個女啦! 好在暫時小慈都仲受氹, 叫做有方法對付佢, 求神繼續作工, 幫小慈適應融入學校生活!!
4:10pm 夠鐘跳舞, 老師帶左小慈出黎, 小慈見到我開心得好緊要好緊要! 佢好驚喜呀!!
攬住我對腳黐到我實一實, 再抬頭望住我叫 "媽媽~~ 媽媽" 個樣超嗲, 周圍望下又攬番我媽左我幾次!! 見到佢個超級滿足樣都氹到我都好開心 ^^
呢隻舞叫開心世界, 幾乎每一個見到我既老師都同我講 "恩慈跳舞好叻呀! 好有音樂感! 好快學識跳得好叻!!" :DDD 果然真係喎!! 老師示範跳舞時小慈都有跟住跳, 真係跟到 8 成架 ^^
跳完舞就揹書包放學
你睇個衰妹幾開心~~
都知道平時工人姐姐接小慈放學時有俾零食餅仔佢一路食一路行番屋企, 姐姐話佢冇野食就唔肯行要抱先出此下策! 於是我今日都早有準備買左朱古力手指! 一早預告佢只可以食 5 條, 其實佢咳應該一條都唔食得, 點知個衰妹食完 5 條唔夠皮又知我個袋仲有就開始扭計 @.@ 我唔俾手指佢就停左係條街度唔行!! 我行 2 步回頭同佢招手, 小慈對我擰擰頭示意唔肯行, 我唔理佢照行, 仲專登行去一個轉角位等佢睇我唔到 (我都算毒!?!) 我見 d 路人個個見到佢一個小妹妹企左係度就撩佢, 又話帶佢搵媽媽, 不過小慈平時就算心情好都唔睬陌生人架啦, 而家發緊脾氣仲望都唔望人地添呀!
我等左一陣, 我都唔知點同呢個衰妹鬥硬頸, 好在小慈一發覺見唔到我就即刻追上黎! 我就即刻拉住佢話佢企係條街度唔行唔岩架, 唔見左媽媽好危險架! 媽媽話左 last 5 朱古力手指唔得扭計架麻, 咳咳唔食得咁多架麻.... 云云...... 小慈又話知又話 ok 咁.....
唉~~ 呢 d 事終於發生係我既身上!! 小慈 2 歲半咋!!! 今次兵行險仗我贏左! 如果我處理得唔好, 小慈分分鐘係個 d 係玩具反反城唔買玩具唔肯走訓地大喊要家長抱走個 d 小朋友!!! @.@
不過我都好硬頸架, 凡事既開頭係好緊要, 我相信如果今次小慈企係條街度逼我就範而我屈服既話, 相信工人姐姐以後既日子好難過!! 好在好在~~
連續三個星期一既放學時間都會有老師教家長跳呢隻活力操, 因為 11月8日係學校既聯校旅行, 6 間分校超過 1000 人會一齊跳, 好熱鬧啊~~ 我只係得今日得閒學咋, 所以我帶埋相機一陣錄影老師點跳, 返屋企再苦練!!
我早左好多到學校, 老師好好人見我大住個肚咁辛苦就俾我入 office 坐, 咁我就有機會同何校長傾計, 以下呢番說話係何校長講既...
校長:
"今年呢班 N1 小朋友好叻, 好快就全班都唔喊, 有規矩, 都有 d 小朋友本來唔喊又番喊, 不過都好快 ok, 係恩慈比較嗲要特別照顧, 好在呢班 N1 乖, 咁老師就有時間有能力特別照顧恩慈, 恩慈好嗲好黐人, 佢喊緊同佢講野, 佢會突然收聲聽下你講咩先, 又唔算爛喊喎, 不過要氹! 情緒問題係要等時間過, 要俾耐性"
我聽校長講野聽到面紅耳赤有 d 尷尬呀!! 咩事你個女要人特別照顧先?! 估唔到小慈 d 衰野連校長都知!! 唉~~ 不過聽到校長話老師好錫小慈我又好開心, 我梗係想多 d 人錫我個女啦! 好在暫時小慈都仲受氹, 叫做有方法對付佢, 求神繼續作工, 幫小慈適應融入學校生活!!
4:10pm 夠鐘跳舞, 老師帶左小慈出黎, 小慈見到我開心得好緊要好緊要! 佢好驚喜呀!!
攬住我對腳黐到我實一實, 再抬頭望住我叫 "媽媽~~ 媽媽" 個樣超嗲, 周圍望下又攬番我媽左我幾次!! 見到佢個超級滿足樣都氹到我都好開心 ^^
跳完舞就揹書包放學
你睇個衰妹幾開心~~
都知道平時工人姐姐接小慈放學時有俾零食餅仔佢一路食一路行番屋企, 姐姐話佢冇野食就唔肯行要抱先出此下策! 於是我今日都早有準備買左朱古力手指! 一早預告佢只可以食 5 條, 其實佢咳應該一條都唔食得, 點知個衰妹食完 5 條唔夠皮又知我個袋仲有就開始扭計 @.@ 我唔俾手指佢就停左係條街度唔行!! 我行 2 步回頭同佢招手, 小慈對我擰擰頭示意唔肯行, 我唔理佢照行, 仲專登行去一個轉角位等佢睇我唔到 (我都算毒!?!) 我見 d 路人個個見到佢一個小妹妹企左係度就撩佢, 又話帶佢搵媽媽, 不過小慈平時就算心情好都唔睬陌生人架啦, 而家發緊脾氣仲望都唔望人地添呀!
我等左一陣, 我都唔知點同呢個衰妹鬥硬頸, 好在小慈一發覺見唔到我就即刻追上黎! 我就即刻拉住佢話佢企係條街度唔行唔岩架, 唔見左媽媽好危險架! 媽媽話左 last 5 朱古力手指唔得扭計架麻, 咳咳唔食得咁多架麻.... 云云...... 小慈又話知又話 ok 咁.....
唉~~ 呢 d 事終於發生係我既身上!! 小慈 2 歲半咋!!! 今次兵行險仗我贏左! 如果我處理得唔好, 小慈分分鐘係個 d 係玩具反反城唔買玩具唔肯走訓地大喊要家長抱走個 d 小朋友!!! @.@
不過我都好硬頸架, 凡事既開頭係好緊要, 我相信如果今次小慈企係條街度逼我就範而我屈服既話, 相信工人姐姐以後既日子好難過!! 好在好在~~
2008年10月20日 星期一
小慈 2 歲半
小慈 2 歲半喇~~~~
身高 91cm 體重 11kg (24.2磅) 著 80 碼既衫 (舊年到而家!?!) 95 碼既褲 腳仔 15cm
語言方面:
由 2 歲開始已經進步飛快! 返左學之後更加多元化, 生活經驗多左, 講野既內容都豐富左好多! 再加上工人姐姐好有心機咩都會教小慈, 所以小慈近來識多左好多生字, 最長既句子係 "Bird fly up in the sky!" 中文句子暫時最長個句係 "太陽伯伯出黎玩, 好曬呀!" 佢既童言童語真係好多, 幾乎日日都有, 有時仲好爆笑添~~
唱歌既拍子感, 音樂感都好好, 佢係學校學既歌好多時我都知佢唱咩, 跟到佢一齊唱甚至同佢一齊彈鋼琴係最開心既! 我希望培育小慈既音樂感, 於是排左好耐隊報 Tom Lee 既 Music Toddlers, 11 月中開始上堂, 我陪到小慈入院為止, 之後就由爸爸陪佢上堂啦! 基本上小慈既表達能力係唔錯既, 之前有段時間成日手指指丫丫聲咁要野, 經過我訓話要佢嘴仔講丫丫丫媽媽唔知你要咩之後, 而家再冇發生呢 d 情形喇
情緒方面:
小慈正值係傳聞中既 trouble two 高峰期!! 又要適應學校生活變得情緒波動, 易發脾氣, 時喊時笑, 極度需要安全感, 穩定既生活習慣, 好黐身, 鍾意人讚, 富想像力, 當左 Elmo, BB 公仔係親人, 去邊都帶住佢地, 咩都一齊做仲要攬住訓覺添! 好在小慈都講道理, 會知錯, 肯 say sorry, 知道大聲講野唔岩, 未有耐性, 要個樣就即刻要得個樣! 有時同佢講一陣先, 等媽媽 xxx 之後先 xxx, 好記性既小慈追到天腳底都會問你羅既! 唔好打算握佢
大小肌肉方面:
會快跑, 急停, 自行上落樓梯, 踏三輪車, 推車, 拍波, 拋波, 踢波, 碌波, 會用叉匙筷子, 可以自行進食, 用杯飲水, 著鞋著襪, 手眼協調 ok! 識扭蓋, 開門, 插鎖匙, 拉拉錬, 執筆可以寫 1 字, 打圈, 點點點, 填色塗鴉都得!
社交方面:
小慈都係屬於慢熱怕羞既小朋友, 佢唔會抗拒同人玩, 但一定要我 or 爸爸陪住拖住一齊去先得, 自己一個唔敢走遠! 開始表現獨立, 咩都會自己嘗試, 知道規矩, 亦識同人分享, 不過大多數時間都係各自各玩, 通常都係俾自己份玩具人地玩然後自己走左去, 易妒嫉, 唔鍾意我攬住依偎住爸爸, 可能咁樣係分薄左我對佢既愛, 經常要我注意佢, 有時會有對抗性行為, 佢大叫 No! 冇! 一陣先! 不過都肯接受勸導
之前因為佢食得慢吞得辛苦就整粥仔俾佢食, 點知小慈公主食到厭 @.@ 怕左呢個衰妹而家餐餐整客飯俾佢食
飯餸分開又用靚碟, 小慈識得自己食飯
自己飲湯
呢個就係佢至愛既 BB 喇, 每日放學返屋企鞋都未除就大叫 "BB~~~"
呢個 BB 俾佢玩到殘晒起晒毛粒, 於是錫到佢燶既嫲嫲幫 BB 度身, 車左 2 套可以替換既衫俾 BB, 呢套係夏天, 仲有一套冬天, 手工極之好呀!!
要越來越乖先得架!
身高 91cm 體重 11kg (24.2磅) 著 80 碼既衫 (舊年到而家!?!) 95 碼既褲 腳仔 15cm
語言方面:
由 2 歲開始已經進步飛快! 返左學之後更加多元化, 生活經驗多左, 講野既內容都豐富左好多! 再加上工人姐姐好有心機咩都會教小慈, 所以小慈近來識多左好多生字, 最長既句子係 "Bird fly up in the sky!" 中文句子暫時最長個句係 "太陽伯伯出黎玩, 好曬呀!" 佢既童言童語真係好多, 幾乎日日都有, 有時仲好爆笑添~~
唱歌既拍子感, 音樂感都好好, 佢係學校學既歌好多時我都知佢唱咩, 跟到佢一齊唱甚至同佢一齊彈鋼琴係最開心既! 我希望培育小慈既音樂感, 於是排左好耐隊報 Tom Lee 既 Music Toddlers, 11 月中開始上堂, 我陪到小慈入院為止, 之後就由爸爸陪佢上堂啦! 基本上小慈既表達能力係唔錯既, 之前有段時間成日手指指丫丫聲咁要野, 經過我訓話要佢嘴仔講丫丫丫媽媽唔知你要咩之後, 而家再冇發生呢 d 情形喇
情緒方面:
小慈正值係傳聞中既 trouble two 高峰期!! 又要適應學校生活變得情緒波動, 易發脾氣, 時喊時笑, 極度需要安全感, 穩定既生活習慣, 好黐身, 鍾意人讚, 富想像力, 當左 Elmo, BB 公仔係親人, 去邊都帶住佢地, 咩都一齊做仲要攬住訓覺添! 好在小慈都講道理, 會知錯, 肯 say sorry, 知道大聲講野唔岩, 未有耐性, 要個樣就即刻要得個樣! 有時同佢講一陣先, 等媽媽 xxx 之後先 xxx, 好記性既小慈追到天腳底都會問你羅既! 唔好打算握佢
大小肌肉方面:
會快跑, 急停, 自行上落樓梯, 踏三輪車, 推車, 拍波, 拋波, 踢波, 碌波, 會用叉匙筷子, 可以自行進食, 用杯飲水, 著鞋著襪, 手眼協調 ok! 識扭蓋, 開門, 插鎖匙, 拉拉錬, 執筆可以寫 1 字, 打圈, 點點點, 填色塗鴉都得!
社交方面:
小慈都係屬於慢熱怕羞既小朋友, 佢唔會抗拒同人玩, 但一定要我 or 爸爸陪住拖住一齊去先得, 自己一個唔敢走遠! 開始表現獨立, 咩都會自己嘗試, 知道規矩, 亦識同人分享, 不過大多數時間都係各自各玩, 通常都係俾自己份玩具人地玩然後自己走左去, 易妒嫉, 唔鍾意我攬住依偎住爸爸, 可能咁樣係分薄左我對佢既愛, 經常要我注意佢, 有時會有對抗性行為, 佢大叫 No! 冇! 一陣先! 不過都肯接受勸導
之前因為佢食得慢吞得辛苦就整粥仔俾佢食, 點知小慈公主食到厭 @.@ 怕左呢個衰妹而家餐餐整客飯俾佢食
飯餸分開又用靚碟, 小慈識得自己食飯
自己飲湯
呢個就係佢至愛既 BB 喇, 每日放學返屋企鞋都未除就大叫 "BB~~~"
呢個 BB 俾佢玩到殘晒起晒毛粒, 於是錫到佢燶既嫲嫲幫 BB 度身, 車左 2 套可以替換既衫俾 BB, 呢套係夏天, 仲有一套冬天, 手工極之好呀!!
要越來越乖先得架!
2008年10月19日 星期日
大埔海濱公園
終於考完我個急救牌一身鬆晒!! 年紀越大真係越怕考試! 為左呢個牌我連續 4 個星期五都冇返屋企陪小慈, 好大犧牲架! 好在秋秋都話小慈乖, 不嬲都係我係屋企先扭計喎!?! 秋秋仲注意到小慈返左學之後講野大聲, 動作大, 笑得誇張又衝動, 好似要吸引人注意咁! 唔知係唔係要係學校突出自己等老師留意佢呢? 仲有有時玩玩下會無端端講: " 唔睬你! 老師嬲佢!" 然後會自己入房關門! 唔知咩事呢, 又得閒問下老師先~
之前幾日天陰陰涼涼地秋高氣爽, 於是約左成班朋友仔一齊去大埔海濱公園玩仲攪大食會! 點知出發時竟然 30 度高溫, 我地仲要約 11:00am 最熱最曬啊~~~
不過今日 7 小福齊晒人, 一齊玩 bubbles 機, 一齊踏三輪車, 一齊踢波, 一齊野餐, 好開心
今日主要影小慈既右面, 避開個出事雲精 @.@
呢個大草地真係好舒服
搴搴爸爸仲教小慈踢波
小慈識踏單車喇! 不過第一腳好自然咁向後踏先會再向前, 但都叫識踏郁架車
開餐喇, 一家人整一樣食物
我地負責烚粟米因為係小慈既至愛
飯後甜品
俾小慈偷拍到我個巨肚樣
食飽飽, 秋抱小慈行公園, 呢個海濱公園真係好大, 仲有昆蟲館, 小慈睇左 3 次都唔捨得走, 同我講 bugs 好靚呀, 媽媽! 又話自己最鍾意 yellow flowers, 最靚呀咁!
真係要俾小慈多 d 機會親親大自然睇多 d 花草樹木增廣見聞先~
之前幾日天陰陰涼涼地秋高氣爽, 於是約左成班朋友仔一齊去大埔海濱公園玩仲攪大食會! 點知出發時竟然 30 度高溫, 我地仲要約 11:00am 最熱最曬啊~~~
不過今日 7 小福齊晒人, 一齊玩 bubbles 機, 一齊踏三輪車, 一齊踢波, 一齊野餐, 好開心
今日主要影小慈既右面, 避開個出事雲精 @.@
呢個大草地真係好舒服
搴搴爸爸仲教小慈踢波
小慈識踏單車喇! 不過第一腳好自然咁向後踏先會再向前, 但都叫識踏郁架車
開餐喇, 一家人整一樣食物
我地負責烚粟米因為係小慈既至愛
飯後甜品
俾小慈偷拍到我個巨肚樣
食飽飽, 秋抱小慈行公園, 呢個海濱公園真係好大, 仲有昆蟲館, 小慈睇左 3 次都唔捨得走, 同我講 bugs 好靚呀, 媽媽! 又話自己最鍾意 yellow flowers, 最靚呀咁!
真係要俾小慈多 d 機會親親大自然睇多 d 花草樹木增廣見聞先~
2008年10月16日 星期四
講多左野
每朝早都要勞氣小慈飲奶換衫換片返學, 令我最激氣既係小慈屙左便便都可以大叫話 "冇呀" 唔肯換屎片 @.@
於是今朝我好嚴厲咁話佢 "有要話有, 唔係冇呀冇呀, 係有!!" .... 命苦既我就係咁由一個天真活潑可愛既少女變成一個日哦夜哦非常長氣既媽媽 V_____V
而家出門口返學 bye bye 我唔喊喇, 連 look sad 都冇, 不過返到學校同工人姐姐 bye bye 時喊到七彩, 又要同老師商量下攪攪佢先!
不過小慈返左學之後多左好多野講....
- 識得分你我, 識講 唔係你架! 俾我!
- 瑤瑤喊喊呀! 跌親呀!
- 唔好喊啦! 要唔要抹抹抹呀?
- 係床度等, 唔落地架!
- 望住! 望住!
- 渣住隻碗! 恩慈快 d 啦~~~
- 恩慈早晨! 多謝丫!
- 唔 lur 野架
- 合埋小慈隻腳
- 好叻喎, 知唔知道?
- 指住鋼琴話係 "琴姐姐", 會唱 "小朋友早晨 (音 drmfs ) "小朋友早晨 (音 sfmrd ), 亦會改歌詞唱 "郭恩慈早晨, 郭恩慈早晨" 仲有曾芷慰 / 溫希倫 / 許樂瑤 / 殷煥妍 / 陳老師 / 爸爸 / 媽媽.....
今晚超爆笑!! 爸爸係梳化小睡片刻, 小慈會同爸爸話:
"爸爸訓覺, 合埋眼丫! 要唔要被呀? 要唔要枕頭呀?" 跟手真係入房羅被羅枕頭
"媽媽羅枕頭啦, 小慈唔夠高呀!"
我羅左俾佢又真係同爸爸蓋被, 仲拍佢心口噯佢訓覺唱
"打開雪櫃, 打開雪櫃, 爛訓豬, 爛訓豬. 快 d 快 d 起身, 快 d 快 d 起身, 唔~~ 唔~~"
真係笑到我同秋秋肚攣呀 ^^
於是今朝我好嚴厲咁話佢 "有要話有, 唔係冇呀冇呀, 係有!!" .... 命苦既我就係咁由一個天真活潑可愛既少女變成一個日哦夜哦非常長氣既媽媽 V_____V
而家出門口返學 bye bye 我唔喊喇, 連 look sad 都冇, 不過返到學校同工人姐姐 bye bye 時喊到七彩, 又要同老師商量下攪攪佢先!
不過小慈返左學之後多左好多野講....
- 識得分你我, 識講 唔係你架! 俾我!
- 瑤瑤喊喊呀! 跌親呀!
- 唔好喊啦! 要唔要抹抹抹呀?
- 係床度等, 唔落地架!
- 望住! 望住!
- 渣住隻碗! 恩慈快 d 啦~~~
- 恩慈早晨! 多謝丫!
- 唔 lur 野架
- 合埋小慈隻腳
- 好叻喎, 知唔知道?
- 指住鋼琴話係 "琴姐姐", 會唱 "小朋友早晨 (音 drmfs ) "小朋友早晨 (音 sfmrd ), 亦會改歌詞唱 "郭恩慈早晨, 郭恩慈早晨" 仲有曾芷慰 / 溫希倫 / 許樂瑤 / 殷煥妍 / 陳老師 / 爸爸 / 媽媽.....
今晚超爆笑!! 爸爸係梳化小睡片刻, 小慈會同爸爸話:
"爸爸訓覺, 合埋眼丫! 要唔要被呀? 要唔要枕頭呀?" 跟手真係入房羅被羅枕頭
"媽媽羅枕頭啦, 小慈唔夠高呀!"
我羅左俾佢又真係同爸爸蓋被, 仲拍佢心口噯佢訓覺唱
"打開雪櫃, 打開雪櫃, 爛訓豬, 爛訓豬. 快 d 快 d 起身, 快 d 快 d 起身, 唔~~ 唔~~"
真係笑到我同秋秋肚攣呀 ^^
指揮老師
陳老師下晝非常緊張咁打俾我問小慈個 "雲精" 咩事? 於是我由頭到尾講一次事發經過俾佢聽, 傷口已經結焦, 唔攪佢應該好快好番既, 唯一希望唔好留下烙印破相 @.@
陳老師話小慈好有主見會指揮老師, 特別係代課老師! 指人地幫佢羅書包, 又要貼紙, 又要攬住噯佢訓... 等, 陳老師會要求小慈訓醒都要坐係床度等, 但其他老師就會遷就小慈, 所以小慈係唔敢 "蝦" 陳老師, 要佢做咩小慈都會聽話
嘩~~ 衰妹精甩邊呀!! 係屋企佢都係蝦工人姐姐同埋爸爸架, 我一發惡佢就知死梗, 之前同秋秋有共識, 邊個教緊小慈另一個係唔會出聲! 費事幫口會變嘈交, 小慈亦會無所適從, 一個人鬧夠喇
陳老師仲話小慈專登扭計! 上星期見佢唔舒服會就下佢, 呢兩日好番就冇再就, 明明唔要枕頭係冇事既, 但佢專登扭計, 特別係食飯既時候係都要攬住枕頭, 比較情緒化, lunch 食食下會停左要人餵唔係好合作, 不過都有食晒, 茶點就會自己完成
不過小慈都有佢可愛既地方, 陳老師讚佢會聞歌起舞 :DDDD
黎緊學校 11月 8日有旅行, 教緊小朋友跳 "開心活力操", 佢話小慈已經識唱! 平時只要小慈聽到課室播緊呢隻音樂, 佢都會即刻停低做緊既活動聞歌起舞~~ 全班得佢一個係咁, 小慈真係好鍾意唱歌跳舞 ^^
陳老師話小慈好有主見會指揮老師, 特別係代課老師! 指人地幫佢羅書包, 又要貼紙, 又要攬住噯佢訓... 等, 陳老師會要求小慈訓醒都要坐係床度等, 但其他老師就會遷就小慈, 所以小慈係唔敢 "蝦" 陳老師, 要佢做咩小慈都會聽話
嘩~~ 衰妹精甩邊呀!! 係屋企佢都係蝦工人姐姐同埋爸爸架, 我一發惡佢就知死梗, 之前同秋秋有共識, 邊個教緊小慈另一個係唔會出聲! 費事幫口會變嘈交, 小慈亦會無所適從, 一個人鬧夠喇
陳老師仲話小慈專登扭計! 上星期見佢唔舒服會就下佢, 呢兩日好番就冇再就, 明明唔要枕頭係冇事既, 但佢專登扭計, 特別係食飯既時候係都要攬住枕頭, 比較情緒化, lunch 食食下會停左要人餵唔係好合作, 不過都有食晒, 茶點就會自己完成
不過小慈都有佢可愛既地方, 陳老師讚佢會聞歌起舞 :DDDD
黎緊學校 11月 8日有旅行, 教緊小朋友跳 "開心活力操", 佢話小慈已經識唱! 平時只要小慈聽到課室播緊呢隻音樂, 佢都會即刻停低做緊既活動聞歌起舞~~ 全班得佢一個係咁, 小慈真係好鍾意唱歌跳舞 ^^
2008年10月14日 星期二
意外
返左學一個半月, 第 1 次!! 第 1 次由起身飲奶, 換片, 換校服, 出門口 bye bye 我同爸爸去搭火車, 一直到學校門口 bye bye 工人姐姐都冇喊啊~~~ ^^
不過陳老師話小慈唔知係唔係食藥都仲有唔舒服, 係學校有扭計, 鍾意就喊下咁! 又訓得麻麻, 醒左又係大喊要抱佢入 office 怕佢嘈醒其他小朋友, 好在俾貼紙氹下佢都乖乖!!
只係維持左 1 日, 今朝小慈返學又扭計, 又黐身, 同我講: "媽媽 come here!" 又話一陣先返學, 一陣先食藥, 一陣先換片... 咩都一陣先咁駛出拖字訣, 我先唔會俾機會你呀, 衰妹!
放工返屋企見到小慈個額頭 "雲精" 位又紅又損!! 大驚失色問工人姐姐發生咩事?! 姐姐話小慈入廚房玩櫃門, 咁岩佢拉左個煮飯寶出黎裝完飯冇推番晒入去個爐頭入面, 小慈就撞左埋去, 因為個煮飯寶好熱就係咁樣燙損左, 已經用水同佢敷左, 頭先冇咁腫既!! @.@
我真係嬲呀!!! 出事又唔即刻打電話俾我同我講, 要我問起時仲講到咁輕描淡寫!! 雲精位, 差少少就落眼呀, 盲架大姐! 點可以俾小慈入廚房架, 仲要咁冇手尾?!! 我都未得閒鬧佢, 即刻叫秋秋落街買燙火膏, 我就 dick 左小慈入廁所再同佢沖水洗傷口, 小慈又好勇敢呀, 佢同我講頭先喊左少少而家唔痛
工人姐姐係好乖好聽我話, 但佢真係唔醒目, 唔識分事情既輕重, 怕麻煩我就好多野都唔會主動同我講! 上任半年都仲係驚驚青青, 唔計呢單意外, 上星期五原來佢俾小慈激, 嬲到打左佢手仔一下跟住呢左入廚房喊! 事緣係小慈食粥曳曳, 含住成個鐘都唔吞真係餵到人都癲!! 連小慈都識講:
"小慈曳曳食粥粥喊喊, 姐姐唔開心!"
之後都有乖番, 自己主動走去廚房同姐姐 say sorry, 又攬番姐姐咁..... 事發時我唔係屋企因為我要過海上 First Aid, 大住個肚都要續番個急救牌, 過左 3 年期唔補考番我要由頭讀過 30 小時, 秋秋都冇我咁好氣 :p
於是, 我今晚同工人姐姐好好地溝通溝通, 我一直視工人係我屋企既一份子, 我絕對尊重佢亦都教小慈尊重同埋錫工人姐姐既, 小慈曳一定要同我講, 我會諗方法去解決, 去教好小慈, 但你唔講我聽我一定唔會知你既困難, 我唔會覺得你冇用, 反而 d 野要由我去發現我會仲嬲! 冇人想發生意外既, 不過有事就一定要即刻講俾我知! 工人姐姐聽到喊晒啦....
凌晨 1:00 呀! 我將小慈學校既餐單翻譯左做英文俾工人姐姐參考翻譯到凌晨 1:00 呀!! 希望姐姐有 d 新意煮野俾小慈食, 唔好為左餐 dinner 整到小慈喊晒口, 成個鐘頭都未食完凍晒都冇益啦! 寧願小慈小食多餐又整多 d 花款希望佢開胃 d, 聽日開始唔再食粥!!
俾心機呀姐姐, 我仲有個初生 BB 要靠你架......
不過陳老師話小慈唔知係唔係食藥都仲有唔舒服, 係學校有扭計, 鍾意就喊下咁! 又訓得麻麻, 醒左又係大喊要抱佢入 office 怕佢嘈醒其他小朋友, 好在俾貼紙氹下佢都乖乖!!
只係維持左 1 日, 今朝小慈返學又扭計, 又黐身, 同我講: "媽媽 come here!" 又話一陣先返學, 一陣先食藥, 一陣先換片... 咩都一陣先咁駛出拖字訣, 我先唔會俾機會你呀, 衰妹!
放工返屋企見到小慈個額頭 "雲精" 位又紅又損!! 大驚失色問工人姐姐發生咩事?! 姐姐話小慈入廚房玩櫃門, 咁岩佢拉左個煮飯寶出黎裝完飯冇推番晒入去個爐頭入面, 小慈就撞左埋去, 因為個煮飯寶好熱就係咁樣燙損左, 已經用水同佢敷左, 頭先冇咁腫既!! @.@
我真係嬲呀!!! 出事又唔即刻打電話俾我同我講, 要我問起時仲講到咁輕描淡寫!! 雲精位, 差少少就落眼呀, 盲架大姐! 點可以俾小慈入廚房架, 仲要咁冇手尾?!! 我都未得閒鬧佢, 即刻叫秋秋落街買燙火膏, 我就 dick 左小慈入廁所再同佢沖水洗傷口, 小慈又好勇敢呀, 佢同我講頭先喊左少少而家唔痛
工人姐姐係好乖好聽我話, 但佢真係唔醒目, 唔識分事情既輕重, 怕麻煩我就好多野都唔會主動同我講! 上任半年都仲係驚驚青青, 唔計呢單意外, 上星期五原來佢俾小慈激, 嬲到打左佢手仔一下跟住呢左入廚房喊! 事緣係小慈食粥曳曳, 含住成個鐘都唔吞真係餵到人都癲!! 連小慈都識講:
"小慈曳曳食粥粥喊喊, 姐姐唔開心!"
之後都有乖番, 自己主動走去廚房同姐姐 say sorry, 又攬番姐姐咁..... 事發時我唔係屋企因為我要過海上 First Aid, 大住個肚都要續番個急救牌, 過左 3 年期唔補考番我要由頭讀過 30 小時, 秋秋都冇我咁好氣 :p
於是, 我今晚同工人姐姐好好地溝通溝通, 我一直視工人係我屋企既一份子, 我絕對尊重佢亦都教小慈尊重同埋錫工人姐姐既, 小慈曳一定要同我講, 我會諗方法去解決, 去教好小慈, 但你唔講我聽我一定唔會知你既困難, 我唔會覺得你冇用, 反而 d 野要由我去發現我會仲嬲! 冇人想發生意外既, 不過有事就一定要即刻講俾我知! 工人姐姐聽到喊晒啦....
凌晨 1:00 呀! 我將小慈學校既餐單翻譯左做英文俾工人姐姐參考翻譯到凌晨 1:00 呀!! 希望姐姐有 d 新意煮野俾小慈食, 唔好為左餐 dinner 整到小慈喊晒口, 成個鐘頭都未食完凍晒都冇益啦! 寧願小慈小食多餐又整多 d 花款希望佢開胃 d, 聽日開始唔再食粥!!
俾心機呀姐姐, 我仲有個初生 BB 要靠你架......
2008年10月13日 星期一
白石 BBQ
Cherrie 姨姨生日, 天氣太好大家都想多 d 戶外活動, 於是就決定去白石 BBQ!!
我地等埋小慈公主訓醒晏覺先出發, 去到都 3:45pm, 同何柏曦 social 左一陣就到佢訓晏覺, 反而小慈同 Wendy 姨姨玩 1 2 3 jump 跳路駁跳到好 high, 呢度都大大地可以俾小慈跑下吹下 bubbles
小慈好耐冇 bbq 喇, 對上一次係一年前同埋昊昊都係黎呢度, 個時仲係乖乖地坐定定俾嫲嫲一人一啖餵蕃薯, 今年大個女做左 '不求人' 咩都要自己黎!
燒腸仔, 燒粟米, 咩都要自己叉住黎燒, 燒左都冇 1 分鐘就同我講 "食得喇~~ 小慈 um 丫!" 真係俾佢食就毒瓜佢呀!
又坐唔定, 爸爸抱佢出去行個圈返黎雙手一定有野渣住!! 烏龍茶啦, bubbles 啦, 雪條啦.... 見到其他人有咩佢又要, 秋秋又真係買俾佢!!! 名副其實 "慈父" 啊~~~ 縱壞晒
唔~~~ 雪條好凍.... 但又要食
到秋秋燒野食時就到我帶小慈出去玩下 bubbles 啦, 玩下狗仔啦, 白石呢度真係好多人放狗! 小慈見到 d 狗狗真係太熱情, 不停咁摸人地 d 狗又攬又錫, 有隻狗仔頂唔順咬左小慈隻手仔一下, 好在唔係太大力冇流血.... 我目睹整個過程, 不過我唔想大叫太大反應怕小慈從此怕狗, 所以我只係話 "走喇! 狗狗攰喇, 我地俾狗狗休息啦!" 反而係狗主人鬧佢隻狗咬人 No 佢時, 小慈聽到又加把嘴話: "狗狗曳曳唔咬小慈架!" 即係佢都知狗狗真係咬佢 @.@ 影低凶手個樣先
由天光跳到跳黑, 好 high
好玩!
我地等埋小慈公主訓醒晏覺先出發, 去到都 3:45pm, 同何柏曦 social 左一陣就到佢訓晏覺, 反而小慈同 Wendy 姨姨玩 1 2 3 jump 跳路駁跳到好 high, 呢度都大大地可以俾小慈跑下吹下 bubbles
燒腸仔, 燒粟米, 咩都要自己叉住黎燒, 燒左都冇 1 分鐘就同我講 "食得喇~~ 小慈 um 丫!" 真係俾佢食就毒瓜佢呀!
又坐唔定, 爸爸抱佢出去行個圈返黎雙手一定有野渣住!! 烏龍茶啦, bubbles 啦, 雪條啦.... 見到其他人有咩佢又要, 秋秋又真係買俾佢!!! 名副其實 "慈父" 啊~~~ 縱壞晒
唔~~~ 雪條好凍.... 但又要食
到秋秋燒野食時就到我帶小慈出去玩下 bubbles 啦, 玩下狗仔啦, 白石呢度真係好多人放狗! 小慈見到 d 狗狗真係太熱情, 不停咁摸人地 d 狗又攬又錫, 有隻狗仔頂唔順咬左小慈隻手仔一下, 好在唔係太大力冇流血.... 我目睹整個過程, 不過我唔想大叫太大反應怕小慈從此怕狗, 所以我只係話 "走喇! 狗狗攰喇, 我地俾狗狗休息啦!" 反而係狗主人鬧佢隻狗咬人 No 佢時, 小慈聽到又加把嘴話: "狗狗曳曳唔咬小慈架!" 即係佢都知狗狗真係咬佢 @.@ 影低凶手個樣先
由天光跳到跳黑, 好 high
好玩!
2008年10月12日 星期日
創舉 -- 影大肚相
31 周, 本來想同小慈一樣都係 8 個月 32 周先影大肚相既, 一來 book 唔到, 二來我個肚都已經好巨, 未夠 8 個月已經有 9 個月既巨肚, 所以真係睇唔出既 ^^
小慈當年我都有影架, 不過係小本製作 $500 有找個隻, 質素麻麻地又娘娘地只係當係做個記錄, 今次就想全家一齊影靚 D 留個紀念, 亦都當同小慈影寫真咁, 本來秋秋唔肯影, 但佢點捨得我唔開心先得架, 所以今日一家 3 口連埋未出世既弟弟就做左呢個創舉了!! Yeah!!!
你睇下我個肚, 似唔似就生得呀?! 弟弟真係好大隻!!
你睇小慈幾開心
古靈精怪
小慈要做家姐了 :D
錫弟弟
仲有個零月就一家四口
小慈影相都係麻麻地合作架咋, 不過比起佢以前影既 studio 相扭計到要敗走, 佢今次已經好乖好乖, 至少張張都笑先啦
愛情結晶品 2.0
秋秋本來想同我一齊展示肚腩, 不過太 fit 展示唔到.... 呵呵呵~
我自問都陀得幾靚架
唔睇下半截係冇人知我大肚的
好想快 d 見到你呀, 弟弟~~~
小慈當年我都有影架, 不過係小本製作 $500 有找個隻, 質素麻麻地又娘娘地只係當係做個記錄, 今次就想全家一齊影靚 D 留個紀念, 亦都當同小慈影寫真咁, 本來秋秋唔肯影, 但佢點捨得我唔開心先得架, 所以今日一家 3 口連埋未出世既弟弟就做左呢個創舉了!! Yeah!!!
你睇下我個肚, 似唔似就生得呀?! 弟弟真係好大隻!!
你睇小慈幾開心
古靈精怪
小慈要做家姐了 :D
錫弟弟
仲有個零月就一家四口
小慈影相都係麻麻地合作架咋, 不過比起佢以前影既 studio 相扭計到要敗走, 佢今次已經好乖好乖, 至少張張都笑先啦
愛情結晶品 2.0
秋秋本來想同我一齊展示肚腩, 不過太 fit 展示唔到.... 呵呵呵~
我自問都陀得幾靚架
唔睇下半截係冇人知我大肚的
好想快 d 見到你呀, 弟弟~~~
訂閱：
文章 (Atom)