喊醒隔離個同學

食左藥休息左一日, 小慈已經好番好多, 至少一覺訓天光如果唔係全家都冇命呀真係!  我連續兩晚訓得唔好, 今朝個樣都嚇親自己, 遲 d 都唔知點湊弟弟, 點樣半夜起身餵夜奶呢.....

唔想小慈又連續 4 日唔返學, 於是今日見佢好少少就寧願學校幫手餵藥都要佢返, 學校逢 12:00pm / 4:00pm 餵藥, 我揀 12:00pm 等小慈食完藥就訓覺, 1:30pm call 陳老師都係話小慈好扭計!  平時訓覺俾個枕頭佢會自己碌碌下訓左, 今日就攬住枕頭都大喊仲喊醒隔離床個同學仔!!  要拍佢先訓番, 不過都係訓半個鐘就醒, 而家陳老師係攬住小慈同我傾電話!

陳老師仲俾個電話小慈聽, 小慈聽陳老師話竟然同我講: 

"媽咪, 我係恩慈呀!" 

真係笑瓜我, 平時小慈叫我媽媽架, 所以我估小慈係聽唔到我講野既, 只係陳老師叫佢講咩佢就講 :)

早兩日仲好笑呀, 我打返屋企問工人姐姐小慈既情況時, 姐姐又係俾個電話小慈聽, 不論我問小慈咩都好, 小慈都係答我: 

"Yes, Mum!"  

學足晒平時工人姐姐點樣同我講野 ^^