每朝出門口同小慈係樓下分手之後, 我地出車就會岩岩好見到佢同工人姐姐過馬路
頭幾次小慈見到我地架車會好激動想衝埋黎, 工人姐姐拉住佢就會大喊! 不過當佢知道我地點都唔會落車只會同佢揮手 bye bye 之後, 佢而家間唔中見到我地架車會好驚喜開心笑 ^^
今日咁岩我有帶相機, 於是即刻影左小慈回頭望我地既樣
你地睇工人姐姐幾辛苦, 又要抱住佢, 又要幫佢揹被袋, 好在小慈都仲堅持自己揹書包咋! 你地見唔見到佢攬住個枕頭呀?
朝早返學都仲想喊架, 次次都要我攬住安慰佢, 小慈又好受安慰架喎, 成個人仔伏左係我度, 我講咩佢都話 "知道" "好" "係" "唸"..... 真係好似好生性好乖女咁! 不過如果唔駛我 "哦" 佢, 自動自覺開心笑仲更加好!
加油呀, 小慈! 你進步緊架 !!
沒有留言:
張貼留言