畫班第 6 堂

一早見我羅個畫袋出黎就已經眼紅紅, 非常淒涼咁流左兩行眼淚哀求我陪佢一齊上畫班, 真係已經冇晒反應喇我, 好冷血咁同小慈講:

"我係課室出面等你, 喊就冇得去冒險樂園, 你自己諗清楚" 

入到課室都仲喊緊, Miss Wong 黎到我就走, 5 分鐘後返去裝佢, 完全冇事啦, 仲同攪笑姐妹係度玩緊邊個畫第一?!  果然真係喊俾我睇!!!  你睇佢上完堂開心到?!  仲話自己冇喊可以有 10 個 coins 去冒險樂園玩

第 6 堂既作品

小慈唔喊既時候真係好可愛!  好似尋日搭火車返學, 出門口前小慈要求食蘋果, 慢吞吞既佢去到火車站都未食完, 於是催佢

小慈: "媽媽, 火車入面寫住不准飲食喎!"

我: "所以我咪叫你快 d 食埋個蘋果攞"

小慈: "我食完喇~~"  擘大個口俾我睇  "我識得遵守規則架!"

我: "咁就係好孩子"

小慈: "呢度仲有寫住不准吸煙, 我好聽標誌話架, 所以我日日都冇吸煙!"

@.@  哈哈哈哈哈~~~