Art Jamming Party

靚 B 會暑假第一擊!!  我地去北角木星街陶畫籽開 Party, 靚 B 們開始長大, 係時候接觸不同類型既活動!  一呼百應, 大家帶埋自己既朋友仔一齊玩, 我地叫埋琳琳, 總共 21 個大人 14 個小朋友加 6 個 BB 齊齊出發, 非常熱鬧!  小慈今日好開心~

今日工人姐姐放假, 小明發高燒都要帶埋佢黎 Art Party, 好在佢只係齋燒冇任何病徵, 除左黐身 d 之外佢心情好到不得了

一去到見到有彈床同大量車仔供應, 小朋友蜂擁而上

小明細細個都埋堆同哥哥一齊玩

好耐冇見既 QQ

大小明兩個月既 Bernard

預備整 cookies

揀個靚位坐好先

聽導師講解整 cookie 既材料, 小朋友們好留心

邊個想幫手攪牛油?  小慈好乖咁舉手

用力!!

小慈唔夠力吱花要爸爸幫手

吱完花加朱古力做裝飾, 琳琳整古做怪

影張合照先

小慈既製成品 -- 龜仔  交叉  圓圈

小慈家姐整緊 cookies 弟弟冇份, 唯有影下相啦

細 B 們都係要阿媽抱住先得

Cookies 焗緊既時候, 我地就準備去做小小畢卡索畫油畫!  今日總共有 14 個畫架, 好壯觀

架生齊全

預備好喇, 好緊張呀~~

同琳琳姐姐一齊坐

塑膠彩沾上皮膚可以洗, 但沾上衫褲就洗唔甩, 好好保護自己先

先聽導師講解畫油畫既步驟, 跟住就出去揀顏色, 少少地揀住 5 隻

小慈家姐畫油畫, 弟弟都唔執輸畫 marker, 仲雙龍出海添

終於有機會俾佢塗鴉, 開心到唔記得吞口水

開心晒

唔執輸既兩位小 B

自由創作時間, 首先教小慈用手指點顏色 feel 下咩叫塑膠彩, 之後發覺每次抹手太麻煩都係用畫筆開心 d, 你估小慈畫咩?

由媽媽善後, 呢個係花園黎架!  導師話小慈幅畫用色大膽, 第一次畫不過不失

其他小朋友既作品

用風筒吹乾就可以帶油畫返屋企

時間岩岩好, 半個鐘後 cookies 焗起食得!  下次唔好整咁薄, cookies 好易燶, 不過小朋友話燶左仲好味, 吹漲~

畫完畫食埋餅就到整陶瓷, 今次分開 2 張枱, 4 歲一張, 4 歲以上一張, 小慈今次同巧巧一齊坐

小慈準備中, 弟弟又想攪攪震

俾塊餅駛開佢

完全坐唔定

爸爸鎮壓中

睇完導師示範就開工, 小慈當泥膠咁玩, 一起手就壓平左舊泥

我同爸爸好辛苦先搓番圓舊泥, 擠番晒 d 空氣出黎整個兜, 實用 d 麻!  父女合作, 非常努力

我地既傑作 -- 哈哈笑兜兜!

我以前仲學過拉坯添架, 非常考耐性, 好好玩!

導師話佢會幫我地上色, 兩個星期後就可以攞番

琳琳今日都好開心

2 個半月既琛仔第一次加入我地既大家庭, 小明不停指住佢叫 BB

由 2:00 pm 玩到 6:00 pm, 4 個鐘頭都係同一個地方, 小明既忍耐力已經去到極限, 不停要我抱住又指住門口叫 bye bye, 發燒病緊黎計, 佢真係已經好乖好乖!!

今日好忙碌但好開心, 小慈獻出左佢好多個第一次, 有機會再玩過!