今朝當爸爸嘆茶之際, 弟弟眼定定望住佢好耐, 跟住爬左上去爸爸度我以為佢想飲爸爸杯茶啦, 點知佢一個轉身竟然好舒服咁坐左係爸爸大脾一齊睇新聞!
除左爸爸個樣非常眼訓之外, 張相係好 sweet 既 ^^
弟弟而家仲識講 "媽媽早晨" and " I love you", 我教左 2 次咋 :)
跟住返幼潛
遊戲一 -- 滑板遊戲
請小朋友坐係一塊小正方型滑板上由家長協助向前推訓練平衡力, 再請小朋友趴上滑板上用手向前爬發展四肢協調能力, 對將來寫字或用雙手操作物件非常重要, 係屋企可以同小朋友玩 "人力車" -- 捉住小朋友雙腳要佢地用手向前爬都可以達到同一目的
遊戲二 -- 摺毛巾
教小朋友對摺毛巾仔, 由自己既身邊推雙手出去訓練小手肌及伸手技巧, 增加趣味性可以將毛巾放入盒入面請小朋友打開, 發展解難能力
遊戲三 -- 配對實物
將物件如牙刷 / 杯 / 玩具 / 梳... 等先行拍照, 請小朋友抽出照片再配對相同物件, 19-21 個月既小朋友應該可以同一時間配對 8 樣不同物件, 小明呢個活動最專心做得最好, 真係配岩晒架!
沒有留言:
張貼留言