開始有進步, 弟弟今堂偷走跑圈既時間大幅縮減, 至少有大半堂都肯坐定定, 最遠只係走去門口掉垃圾掉完都識自動自覺坐番埋黎, 真係太令人感動!! 不過我懷疑係佢瞓少左一轉覺所以叉唔夠電冇力跑 :)
遊戲一 -- 聽一聽
張姨姨為小朋友逐一介紹不同樂器如: 非洲鼓, 漏斗型沙鎚, 搖鈴, 響板, 搖鼓....刺激小朋友聽覺, 引發佢地想摸想玩想研究探索樂器的好奇心, 小明最鍾意既樂器竟然係沙鎚既 "沙~~ 沙~~" 聲, 我仲估佢會攬住個非洲鼓添 :P
遊戲二 -- 夾夾仔
請小朋友用夾糖果既細夾 or 跤位比較鬆既衣夾, 去夾毛毛球 / 綿花 / 縐紙粒 or 膠珠, 以發展手指既靈活性! 弟弟非常攪笑, 佢識渣住個糖夾, 但唔識控制開合, 於是佢係用個夾插住 d 綿花當自己夾左 :DDDD
遊戲三 -- 毛巾運公仔
兩個小朋友一組用毛巾仔運送毛公仔, 以發展社交合作, 不過 2 歲前既幼兒唯我獨尊, 並未有一齊玩既概念, 要兩個小朋友一人一邊渣住毛巾變相係要佢地面對對方, 除非係孖仔孖女否則小朋友較少機會平望自己咁上下 size 既人仔, 仲要咁近!
小明竟然唔 LIKE >.< 同小慈玩左兩轉都冇問題, 一要佢同小朋友一齊玩就可憐地喊, 真奇怪!!
沒有留言:
張貼留言