16 隻牙仔講句子

弟弟 d 牙仔一係唔出, 一出就一堆咁趁熱鬧出晒, 本來紅腫既下顎犬齒, 今日都爆埋出黎喇 !! 

上下左右各有一點白色真係好攪笑, 出埋呢 4 隻犬齒就暫時安樂晒, 因為要到 2-3 歲先再出最後 4 隻大牙就任務完成了! 

出牙既小明非常惡死, 絕對係由一隻天使變左一隻魔鬼 @.@  見到支奶雞飛狗走唔想飲, 大叫 No milk~~~~~~~ 真係冇佢乎!  上次攪左 3 個星期先回復正常, 今次又睇下佢玩幾耐啦!

19 個月既弟弟表達力真係好強, 之前要咩都係 "丫丫丫" 咁手指指, 要我地監佢講 "要 please 謝謝" 先會俾佢, 呢幾日突然同我講:

"I want books"  "I eat 餅餅"  "I want apple" "媽媽 open please" "I want up"  "pat pat down" "I want that one" "爸爸俾麵麵" "I want 包包" "I want 抱抱, 媽媽抱抱"  仲識跟人入廁所指住水嚨頭叫 "I wash"

好清楚!!  再問真 d 佢係唔係要呢樣呀?  如果岩佢心水, 弟弟有時會 "嗯" 一聲好滿意, 如果攞錯左 (你知啦書都有好多本唔知佢要邊款架麻) 佢會望實我俾佢既野, 諗清楚唔係, 然後 "No~~~ There!"  咁答我, 真係好叻仔, 唔讚佢都唔得!

果然屋企人多又有家姐做學習對象, 第二個係真係醒好多架!  弟弟, 好野!