回歸日去冒險樂園

今日本來約左朋友仔一齊去昂平 360, 但面對 33度高溫怕全體變燒豬, 都係改去室內地方穩陣, 聽聞青衣既冒險樂園係新開, 我地就一行 11 人去踩場

小慈見到個波波池開心到雙眼發晒光, 無懼手足口病既威脅, 照玩!  我地買左套票, 波波池 + 轉轉杯 + 機動車仔 = $35 都叫抵玩 d 啦, 不過波波池得 15 分鐘真係唔夠皮

弟弟太細個呢度冇野岩佢玩, 見到小慈玩轉轉杯佢係都要入去指住大喊, 好心既職員哥哥問弟弟有冇 80cm?  我話 1 個月前已經有 83cm 而家應該唔止, 職員哥哥見弟弟喊得咁凄涼就俾埋佢入去玩, 個衰仔, 真係一坐低眼淚都未抹就笑

每次去冒險樂園都只係俾小慈摸下睇下就當玩左, 呃到佢差不多 4 歲先買代幣, 而家有小慈家姐做頭, 弟弟應該好快學識咩叫入錢玩遊戲....

暫時摸下坐下爬下弟弟已經好開心

呢個咩 post?

小慈最鍾意玩保齡球

我地包場玩踫踫車

開心!