良好品格獎勵計劃記錄簿

學校派左一本 "良好品格獎勵計劃記錄簿", 分別記錄小朋友係學校同埋屋企既好行為, 每一個好行為都會有一個貼紙, 貼滿幾多個就有小禮物 

在學校的好行為包括:

自己交齊功課 / 自己進食 / 珍惜物品 / 遵守課室規則

在家裡的好行為包括:

自己做功課 / 自己進食 / 珍惜物品 / 早睡早起

呢個記錄簿真係威力宏大, 小慈非常緊張, 每日都提我要 "剔" 佢本簿, 記錄佢既好行為, 佢又老實喎, 近來自己食飯, 自己做功課, 仲話如果媽媽同埋工人姐姐餵佢食一啖飯都唔可以剔, 所以佢要自己食晒, 連平時最 enjoy 我同佢一齊做既故事幼塗樂佢都成頁 A4 紙自己油晒, 仲同我講

"媽媽, 你同弟弟玩啦, 我自己做功課得架喇, 你同弟弟玩得開心 d 啦~~~" 

真係史無前例呀!!!!  平時只會嫌弟弟嘈住佢做功課, 而家大方成咁!!

今晚我夜左返屋企, 返到去小慈已經上床準備瞓覺, 見到我即刻彈起同我講:

 "媽媽, 有一頁活動冊我唔識做呀!"  

我見佢都已經碌左上床, 我咪同佢講聽朝早 d 起身做, 而家要瞓覺喇, 小慈都聽話, 點知過左 10 分鐘, 我聽到佢係房入面大叫姐姐, 我咪裝下佢發生咩事, 原來姐姐唔記得同佢著片片瞓覺, 基本上小慈而家條夜片都係乾既, 但我仲未買到防水床單, 所以我地唔敢搏都係同佢著片穩陣 d 

於是帶小慈去廁所著番條片就瞓, 點知小慈一個箭步係廁所走出廳攞功課袋, 仲揭俾我睇就係呢頁活動冊唔識做, 原來小慈做唔晒功課瞓唔著啊~~~  真係估唔到!  於是我問小慈係唔係想做埋功課先瞓覺呀?  小慈話係!  廳都熄晒燈, 我就叫小慈去爸爸間電腦房度做啦, 功課係唔難既, 只係工人姐姐唔識睇中文先教唔到小慈, 基本上老師係學校都已經講解左功課點做, 不過穩陣派小慈係唔會亂做功課俾機會老師交叉佢又冇印仔, 所以寧願漏空

一頁紙好快做完, 小慈終於安心瞓覺, 同爸爸 say good night 時, 小慈話:

"多謝爸爸你頭先讓個位俾我做功課呀, 唔該晒爸爸~~ 早抖~~"

嘩~~~~ 超乖呀!!  邊個教佢講架??!!!  真係乖到冇人有呀!!  我地好開心!!  咁有責任心一定要做晒功課先瞓覺已經乖, 仲要識得感恩咁有禮貌!!

小慈, 你真係爸爸媽媽既乖女, 弟弟既好家姐, 錫晒你呀~~~