幼潛第 2 期畢業了

話咁快又 10 堂, 小明今日幼潛第 2 期畢業了!!  我近來好懶, 上堂學既野返到屋企都冇再訓練佢, 所以今日既終極測試都唔知弟弟識唔識?!  張姨姨叫名考試前周圍玩下熱身先啦~~

呢個叫醜樣

將所有玩具攞晒出黎望下, 先知道自己想玩咩架麻

測試一 -- 先問弟弟物件既名稱, 包括波波, 車車, 牙擦 (佢叫 brush), 毛巾 (towel 但音唔正), 梳 (佢叫 comb), 又估唔到弟弟全部都識, 工人姐姐功不可沒, 好多英文生字都係佢教弟弟!  認完物件就請弟弟聽指令做動作, 如: "俾車車張姨姨", "俾毛巾媽媽抹面"

弟弟想玩波同埋車件所以要講幾次佢先聽, 但叫佢俾咩都肯俾 --  Pass!

測試二 -- 將木柱插入小孔 -- Pass! 

弟弟又做得好好喎, 手好定, 眼界好準!  打橫插一次, 打直插一次都難唔到佢!  左手右手都插到, 張姨姨都讚佢好叻呀!!  

測試三 -- 穿飲管入絨毛線 -- Pass!

呢個連我都估唔到弟弟識做, 仲要係自己一隻手渣絨毛線, 一隻手穿飲管, 初初掂到絨毛線弟弟縮左一下, 佢都係唔鍾意 d 毛茸茸既野, 不過縮完佢又肯做, 又係左右手都識穿

張姨姨話估唔到小明小手肌咁叻, 平時見佢係課室度不停跑圈, 以為佢一定唔肯坐定定係度做測試,估唔到今日仲要快而準做岩晒, 真係好驚喜!  我話佢係屋企好肯坐, 玩 Lego 玩車車可以玩好耐, 係唔知點解黎到課室就變左隻甩繩馬騮?!

Anyway, All Pass 呀弟弟!!  叻仔!!

大合照, 呢班得 6 個小朋友, 好抵玩呀!

多謝張姨姨同埋 Gi Gi 姐姐

小 b 們合照, 後會有期~~~

呢張相好攪笑, 我問弟弟 "爸爸呢?" 弟弟同甘永澄妹妹一齊手指指, so cute

假期終於見到太陽!  買左副太陽眼鏡俾小明今日大派用場, 係唔係好有型呢?

不過戴左唔夠 1 分鐘就唔肯戴了, 可能睇得唔清楚唔開心

只係試過 1 次係呢個位同弟弟玩 pee-ka-boo, 以後次次行到呢個位都要同佢玩

I see you!