今日小慈羅左箱 Lego 出黎玩, 仲好醒咁將 d Lego 砌左個大階 L, 跟住仲砌埋大階 T 添! 小朋友真係唔聲唔聲就嚇你一驚架呢!
見佢咁有興趣, 我就教佢砌埋 H, E, F & C, 小慈學得好快呀!
開心到唱晒歌, 唱 Five Little Monkeys 個樣超爆笑! 之後又將個 Lego 箱放係個嘴前面當回音筒咁自己同自己講野! 跟住同我講:
"媽媽, 你毒啞我丫!"
下? 唱歌唱得咁好聽做咩要毒啞你?? 唔通你都覺得自己好嘈? 近期成日講野好大聲?
原來小慈將個 Lego 箱當帽咁笠住自己個頭, 叫我 "篤下" 佢 >0<
"媽媽, 你篤下我丫!"....... 先真...... :DDDDD
2009年7月31日 星期五
2009年7月30日 星期四
弟弟 8 個月出牙喇
今日工人姐姐打電話俾我, 話弟弟出牙喇~~~~~
佢係摸到弟弟下顎左邊正門齒有凹凹凸凸
弟弟仲咬工人姐姐添呀! 一定係牙痕得好緊要!
好得意, 小慈都係出左邊呢隻牙先架! 好奇妙既兩姐弟
不過小慈就 7 個半月大時出, 得 1 隻, 9 個月大先出埋右邊個隻
小慈吽左 2 個星期先爆出佢既第 1 隻牙, 仲要又忟又惡死
唔知弟弟要幾耐先爆到隻門牙仔出黎呢? 好心急呀
佢係摸到弟弟下顎左邊正門齒有凹凹凸凸
弟弟仲咬工人姐姐添呀! 一定係牙痕得好緊要!
好得意, 小慈都係出左邊呢隻牙先架! 好奇妙既兩姐弟
不過小慈就 7 個半月大時出, 得 1 隻, 9 個月大先出埋右邊個隻
小慈吽左 2 個星期先爆出佢既第 1 隻牙, 仲要又忟又惡死
唔知弟弟要幾耐先爆到隻門牙仔出黎呢? 好心急呀
2009年7月28日 星期二
小慈暑假正式結束
上星期五小慈班主任郭老師打俾我, 話下星期一開始學校有活動週, 主題係 "衛生常識", 教小朋友認識 H1N1, 學習注重個人及環境衛生, 預防染病等等.... 會有一連串既活動, 想問小慈會唔會返足一個星期, 就算唔係, 8月3日 (星期一) 都會正式開學, 分番自己班房上堂咁, 9月就會正式升 K1
之前之所以會間歇性返學, 主要原因係因為學校唔教書麻, 返去只係玩下玩具咁所以返唔返都冇所謂, 既然而家有主題, 咁就梗係要返學啦! 所以, 小慈既悠長暑假結束了~~~
百思不得其解, 小慈已經連續兩日返學都喊了 @.@
星期一, 明明係屋企好地地, 落車仲好開心, 返到學校望晒成間學校都唔見佢個班主任郭老師 / 陳老師就開始眼紅紅勒, 話要同媽媽一齊! 跟住到我同佢換完鞋放低書包佢就要媽媽抱, 我抱住佢一陣再交俾其他老師就即刻喊勒!
星期二, 一早已經問我今日駛唔駛返學? 我話要呀, 小慈已經扁嘴, 我即刻同佢講:
"返學好開心架喎! 郭老師同陳老師好錫小慈架, 仲有好多小朋友都一齊返學呢!"
講完小慈都冇反應, 之後成程車都冇出過聲, 返到學校, 今日佢班主任陳老師係度當值, 仲諗住冇事啦, 點知連陳老師抱佢都喊, 話要攬住媽媽, 我過左手俾陳老師梗係唔抱番啦, 仲唔即刻 "bye bye 小慈" 跟住閃咩! 越留得耐個衰妹就越扭計!
之後老師打俾我, 話小慈好攪笑, 佢其實係我走左之後冇耐就收左聲, 不過過程係咁既:
老師抱住小慈請佢安靜
小慈: "我要落地, 我想自己坐低呀..."
老師意會小慈既意思係想自己坐埋一邊冷靜下
老師: "咁我幫你抹眼淚啦!"
小慈: "我想一陣間先呀....."
老師話佢好攪笑, 講野好大人, 唔理佢一陣由佢冷靜下又真係自己收左聲, 跟住全日返學都冇野, 仲好開心添!
我都唔知小慈攪咩, 咩事返學要喊咁淒涼先得架? 返學之麻! 之前全港停課 2 星期返番學都冇事, 咩事而家日日要佢返學就攪成咁先?! 唔理佢呀, 越扭計就越要返! 已經唔駛佢適應新學校都攪成咁, 真係.....
之前之所以會間歇性返學, 主要原因係因為學校唔教書麻, 返去只係玩下玩具咁所以返唔返都冇所謂, 既然而家有主題, 咁就梗係要返學啦! 所以, 小慈既悠長暑假結束了~~~
百思不得其解, 小慈已經連續兩日返學都喊了 @.@
星期一, 明明係屋企好地地, 落車仲好開心, 返到學校望晒成間學校都唔見佢個班主任郭老師 / 陳老師就開始眼紅紅勒, 話要同媽媽一齊! 跟住到我同佢換完鞋放低書包佢就要媽媽抱, 我抱住佢一陣再交俾其他老師就即刻喊勒!
星期二, 一早已經問我今日駛唔駛返學? 我話要呀, 小慈已經扁嘴, 我即刻同佢講:
"返學好開心架喎! 郭老師同陳老師好錫小慈架, 仲有好多小朋友都一齊返學呢!"
講完小慈都冇反應, 之後成程車都冇出過聲, 返到學校, 今日佢班主任陳老師係度當值, 仲諗住冇事啦, 點知連陳老師抱佢都喊, 話要攬住媽媽, 我過左手俾陳老師梗係唔抱番啦, 仲唔即刻 "bye bye 小慈" 跟住閃咩! 越留得耐個衰妹就越扭計!
之後老師打俾我, 話小慈好攪笑, 佢其實係我走左之後冇耐就收左聲, 不過過程係咁既:
老師抱住小慈請佢安靜
小慈: "我要落地, 我想自己坐低呀..."
老師意會小慈既意思係想自己坐埋一邊冷靜下
老師: "咁我幫你抹眼淚啦!"
小慈: "我想一陣間先呀....."
老師話佢好攪笑, 講野好大人, 唔理佢一陣由佢冷靜下又真係自己收左聲, 跟住全日返學都冇野, 仲好開心添!
我都唔知小慈攪咩, 咩事返學要喊咁淒涼先得架? 返學之麻! 之前全港停課 2 星期返番學都冇事, 咩事而家日日要佢返學就攪成咁先?! 唔理佢呀, 越扭計就越要返! 已經唔駛佢適應新學校都攪成咁, 真係.....
2009年7月26日 星期日
小慈學游水 ^^
2008 年暑假, 小慈報名參加香港浸會大學舉辦既親子游泳班, 因為我陀住弟弟唔方便同小慈落水, 於是由爸爸負責同小慈一齊上堂, 我就負責同小慈洗白白, 經過 8 堂既訓練, 證實左小慈係完全唔怕水, 一見到泳池就自己 boom 一聲跳左落水, 真係俾佢嚇餐死, 拿拿聲係水度撈番佢上黎以為佢實大喊啦, 點知係笑到卡卡聲羅.... 咩人黎架?! 第一堂咋, 熱身都未做就攪成咁.... 不過真係估唔到佢咁鍾意水
舊年因為佢得 2 歲 3 個月, 全場最細係佢, 教練講既野佢唔明, 咩吹波波呀, 踢水呀, 小慈都做得麻麻地, 堂堂都攬住爸爸玩水咋! 但賺左既就係無價既親子關係, 成個 course 完左之後小慈已經變左 "痴爸 B", 我幾開心呀 :DDD
機緣巧合, 今年可以同班老友記一齊學游水, 多謝晒搴搴爸爸媽媽既悉心安排, 今日終於上第 1 堂, 天氣仲好好添! 小慈期待左好耐終於有得游水勒~~
上堂之前俾定心理準備小慈, 今次唔係去泳池玩水, 而係去跟教練學游水, 教練叔叔會攬住小慈教游水, 要小慈聽教練話云云..... 小慈都好乖, 我地一直都牙齒當金洗, 小慈應承得過我既野通常都做到既
今日有搴搴, 熙熙同埋瑤瑤姐姐一齊學游水, 仲有心心姐姐表演飛魚式, 幾個小朋友都好興奮呀!
見到傳聞中既教練, 小慈一 d 都唔驚佢, 仲真係聽足晒佢既吩咐
教練教緊小慈吹波波, 不過小慈吹得太大力, 如果真係游水會好快冇晒氣, 始終都係第 1 堂, 只要小慈唔抗拒, 我就好有信心小慈會學識游水既
戴住泳鏡既小慈好攪笑, 自由活動時仲係池邊玩錫水添! 舊年學游水既記憶又 delete 唔晒喎, 哈~~
舊年因為佢得 2 歲 3 個月, 全場最細係佢, 教練講既野佢唔明, 咩吹波波呀, 踢水呀, 小慈都做得麻麻地, 堂堂都攬住爸爸玩水咋! 但賺左既就係無價既親子關係, 成個 course 完左之後小慈已經變左 "痴爸 B", 我幾開心呀 :DDD
機緣巧合, 今年可以同班老友記一齊學游水, 多謝晒搴搴爸爸媽媽既悉心安排, 今日終於上第 1 堂, 天氣仲好好添! 小慈期待左好耐終於有得游水勒~~
上堂之前俾定心理準備小慈, 今次唔係去泳池玩水, 而係去跟教練學游水, 教練叔叔會攬住小慈教游水, 要小慈聽教練話云云..... 小慈都好乖, 我地一直都牙齒當金洗, 小慈應承得過我既野通常都做到既
今日有搴搴, 熙熙同埋瑤瑤姐姐一齊學游水, 仲有心心姐姐表演飛魚式, 幾個小朋友都好興奮呀!
見到傳聞中既教練, 小慈一 d 都唔驚佢, 仲真係聽足晒佢既吩咐
教練教緊小慈吹波波, 不過小慈吹得太大力, 如果真係游水會好快冇晒氣, 始終都係第 1 堂, 只要小慈唔抗拒, 我就好有信心小慈會學識游水既
戴住泳鏡既小慈好攪笑, 自由活動時仲係池邊玩錫水添! 舊年學游水既記憶又 delete 唔晒喎, 哈~~
2009年7月25日 星期六
弟弟 8 個月大第 1 次影 studio 相
弟弟 8 個月大喇 ~~
呢個月有進步, 終於坐得穩, 識撐高雙手望遠 d, 肯爬 2 步, 仲識用肚腩 360度自轉!
成日 "呀爸, 呀爸! 吾媽, 吾媽!" 咁叫, 尤其係想食野個時, 會手仔拍拍你, 扯下你件衫, 個口係咁梅梅下, 再加埋 "吾媽, 吾媽" 咁叫你, 真係好難忍得手唔俾佢食
不過因為出左玫瑰疹病左成個星期, 今個月都係維持 18 磅半 (45線) 冇重到 >.<
頭仔 46 cm (80線), 身長 74 cm (95線, 好高喎!!) 腳仔 11.5 cm, 肚腩 18" 大脾 10", 望落就仲係大大隻隻, 心口有 d 肉咁, 不過條頸就長左好多
小慈 8 個月既時候我地帶佢去影人生第一輯寫真! 好激架, 飛衫去片影全裸架 :) 今日弟弟都 8 個月大, 又係時候帶佢去影寫真! 不過攝影師唔俾全裸, 可能怕整污漕地方啦, 仲有今日間影樓麻麻地, 冇 heart, 咩野都計錢, 每個造型都計住計住影多張都唔肯, 親子合照姐弟合照更加少得可憐, 我單獨同弟弟既合照 1 張都冇, 弟弟又慢熱要適應三保地方, 又唔鍾意個兩個引佢笑既姐姐仔, 更加怕熱唔 like 蜘蛛 & 八爪魚做型, 仲要喊喊添 @.@ 估唔到愛笑既弟弟一張笑既相都影唔到..... 真係大失所望
Anyway, 都叫做影過 BB 寫真有得留念啦! 等弟弟大個少少再去另一間有 heart 既 studio 再影過!
我最鍾意呢張肉騰騰同埋烈火熊心 look
絕無僅有既姐弟合照
小慈錫到弟弟面容扭曲都好好笑架
係得呢幾張家庭照
弟弟坐得穩陣, 影出黎效果都幾好
小慈心情幾好, 弟弟天然呆
留個記念
呢個月有進步, 終於坐得穩, 識撐高雙手望遠 d, 肯爬 2 步, 仲識用肚腩 360度自轉!
成日 "呀爸, 呀爸! 吾媽, 吾媽!" 咁叫, 尤其係想食野個時, 會手仔拍拍你, 扯下你件衫, 個口係咁梅梅下, 再加埋 "吾媽, 吾媽" 咁叫你, 真係好難忍得手唔俾佢食
不過因為出左玫瑰疹病左成個星期, 今個月都係維持 18 磅半 (45線) 冇重到 >.<
頭仔 46 cm (80線), 身長 74 cm (95線, 好高喎!!) 腳仔 11.5 cm, 肚腩 18" 大脾 10", 望落就仲係大大隻隻, 心口有 d 肉咁, 不過條頸就長左好多
小慈 8 個月既時候我地帶佢去影人生第一輯寫真! 好激架, 飛衫去片影全裸架 :) 今日弟弟都 8 個月大, 又係時候帶佢去影寫真! 不過攝影師唔俾全裸, 可能怕整污漕地方啦, 仲有今日間影樓麻麻地, 冇 heart, 咩野都計錢, 每個造型都計住計住影多張都唔肯, 親子合照姐弟合照更加少得可憐, 我單獨同弟弟既合照 1 張都冇, 弟弟又慢熱要適應三保地方, 又唔鍾意個兩個引佢笑既姐姐仔, 更加怕熱唔 like 蜘蛛 & 八爪魚做型, 仲要喊喊添 @.@ 估唔到愛笑既弟弟一張笑既相都影唔到..... 真係大失所望
Anyway, 都叫做影過 BB 寫真有得留念啦! 等弟弟大個少少再去另一間有 heart 既 studio 再影過!
我最鍾意呢張肉騰騰同埋烈火熊心 look
絕無僅有既姐弟合照
小慈錫到弟弟面容扭曲都好好笑架
係得呢幾張家庭照
弟弟坐得穩陣, 影出黎效果都幾好
留個記念
2009年7月24日 星期五
2009年7月22日 星期三
做錯事
小慈近來太多時間係屋企, 所有玩具都至少俾佢玩左 1 次! 佢又好記性喎, 連我做聖誕老人收埋左既玩具佢都識得叫我羅番出黎玩, 有時仲好好創意咁自己諗新野玩, 例如:
近排就成日都要入去弟弟張網床度, 然後將弟弟既所有波都掉晒出黎, 再吩咐我地執番再掉番入網床俾佢咁
我就梗係唔會咁順灘, 專登瞄準小慈既 pat pat 呀, 頭呀, 肚腩咁掉佢, 掉中其實唔痛既, 不過小慈已經 V 嘩鬼叫, 興奮非常! 一路叫住唔好呀, 一路卡卡聲笑個隻呢
Day 1 已經吩咐左小慈掉波要掉落地下, 拋太高會整爛 d 燈呀, 櫃呀, 講到咁, 大家都知道故事既發展係咩啦!? 今晚其實就唔係拋波, 小慈係羅左一隻佢自己叫 octopus 既野黎玩, 係一個好似海膽咁既樣, 但可以彈下彈下又林林地既軟膠黎既, 有 d 小朋友好怕呢種質感, 但小慈就極度歡喜, 鍊到好過引個隻! 又鍾意逐條鬚咁 meet 佢, 淨係吊住一條鬚成隻 octopus 就會彈高彈低......
案發經過係咁既: 我同秋係 sofa 睇緊新聞重播日蝕過程, 小慈就羅住 octopus 企係 sofa 度, 估計小慈又係吊住 octopus 一條鬚, fing 得大力左就掉左上電視櫃, 咁岩就擊中櫃上面個相架, 相架應聲倒地, 先撞倒電視機再跌落地墊, 一地都係玻璃碎....... 我既即時反應係擰轉頭喝左小慈一聲 "小慈!!!!" 衰妹自己都估唔到咁大件事, 一切發生得太快, 我再喝一喝佢就即刻.... "嘩~~~~~ "
真係吹漲, 我都未鬧佢就喊左先, 好彩弟弟訓左姐, 唔係平時弟弟坐係地墊, 咪成頭都係玻璃碎羅?!! 真係丫! 冇佢咁好氣, 小慈有小慈喊, 我地 3 個大人即刻攞吸塵機, 攞布, 搬開 d 野做清潔, 我地抹咁耐衰妹就喊咁耐, 連好脾氣既爸爸都忍唔住鬧小慈: "做錯事仲喊! 收聲!"
攪掂晒 d 野, 我坐番係 sofa, 小慈仲係眼紅紅咁, 我望一望佢又喊! 拉佢過黎訓話
我: "小慈, 知唔知自己做錯咩事?"
小慈流住眼淚好可憐: "octopus 掉左上去爛左玻璃......"
我: "記唔記得媽媽話掉波波要點架?"
小慈: "波波要掉落地下...."
我: "咪係羅! 波波要掉落地下, 掉得太高會整爛燈燈記唔記得呀? 出去公園玩就可以拋到 d 波波好高都得, 但係我地屋企細, 掉得太高就會整爛 d 野, 而家整爛相架羅, 點算呀?"
小慈: "下次要掉落地下, 爸爸媽媽要掃地, 爛晒咯....."
我: "係呀, 爸爸媽媽要掃地, 成地都係玻璃碎! 弟弟同埋小慈踏到腳仔會損晒, 流血架! 下次仲整唔整爛相架呀?"
小慈: "唔整爛......sorry 媽媽, sorry 爸爸!"
我: "小慈乖喇, 媽媽攬番你, 錫番啦, 下次要好小心喇, 知唔知?"
小慈要到我肯攬番佢先唔喊, 諗番起咁耐以黎, 小慈今次先係第 1 次整爛屋企既野! 佢一直都係一個好定, 好穩陣, 好斯文既小朋友, 又好珍惜所有玩具, 而我地屋企都好少會整爛野
檢討自己, 我今次反應都大, 小慈又唔係專登, 佢真係甩手之麻..... 不過我地今次咁大陣象, 小慈一定刻骨銘心, 以後拋波怕且都會有陰影......
近排就成日都要入去弟弟張網床度, 然後將弟弟既所有波都掉晒出黎, 再吩咐我地執番再掉番入網床俾佢咁
我就梗係唔會咁順灘, 專登瞄準小慈既 pat pat 呀, 頭呀, 肚腩咁掉佢, 掉中其實唔痛既, 不過小慈已經 V 嘩鬼叫, 興奮非常! 一路叫住唔好呀, 一路卡卡聲笑個隻呢
Day 1 已經吩咐左小慈掉波要掉落地下, 拋太高會整爛 d 燈呀, 櫃呀, 講到咁, 大家都知道故事既發展係咩啦!? 今晚其實就唔係拋波, 小慈係羅左一隻佢自己叫 octopus 既野黎玩, 係一個好似海膽咁既樣, 但可以彈下彈下又林林地既軟膠黎既, 有 d 小朋友好怕呢種質感, 但小慈就極度歡喜, 鍊到好過引個隻! 又鍾意逐條鬚咁 meet 佢, 淨係吊住一條鬚成隻 octopus 就會彈高彈低......
案發經過係咁既: 我同秋係 sofa 睇緊新聞重播日蝕過程, 小慈就羅住 octopus 企係 sofa 度, 估計小慈又係吊住 octopus 一條鬚, fing 得大力左就掉左上電視櫃, 咁岩就擊中櫃上面個相架, 相架應聲倒地, 先撞倒電視機再跌落地墊, 一地都係玻璃碎....... 我既即時反應係擰轉頭喝左小慈一聲 "小慈!!!!" 衰妹自己都估唔到咁大件事, 一切發生得太快, 我再喝一喝佢就即刻.... "嘩~~~~~ "
真係吹漲, 我都未鬧佢就喊左先, 好彩弟弟訓左姐, 唔係平時弟弟坐係地墊, 咪成頭都係玻璃碎羅?!! 真係丫! 冇佢咁好氣, 小慈有小慈喊, 我地 3 個大人即刻攞吸塵機, 攞布, 搬開 d 野做清潔, 我地抹咁耐衰妹就喊咁耐, 連好脾氣既爸爸都忍唔住鬧小慈: "做錯事仲喊! 收聲!"
攪掂晒 d 野, 我坐番係 sofa, 小慈仲係眼紅紅咁, 我望一望佢又喊! 拉佢過黎訓話
我: "小慈, 知唔知自己做錯咩事?"
小慈流住眼淚好可憐: "octopus 掉左上去爛左玻璃......"
我: "記唔記得媽媽話掉波波要點架?"
小慈: "波波要掉落地下...."
我: "咪係羅! 波波要掉落地下, 掉得太高會整爛燈燈記唔記得呀? 出去公園玩就可以拋到 d 波波好高都得, 但係我地屋企細, 掉得太高就會整爛 d 野, 而家整爛相架羅, 點算呀?"
小慈: "下次要掉落地下, 爸爸媽媽要掃地, 爛晒咯....."
我: "係呀, 爸爸媽媽要掃地, 成地都係玻璃碎! 弟弟同埋小慈踏到腳仔會損晒, 流血架! 下次仲整唔整爛相架呀?"
小慈: "唔整爛......sorry 媽媽, sorry 爸爸!"
我: "小慈乖喇, 媽媽攬番你, 錫番啦, 下次要好小心喇, 知唔知?"
小慈要到我肯攬番佢先唔喊, 諗番起咁耐以黎, 小慈今次先係第 1 次整爛屋企既野! 佢一直都係一個好定, 好穩陣, 好斯文既小朋友, 又好珍惜所有玩具, 而我地屋企都好少會整爛野
檢討自己, 我今次反應都大, 小慈又唔係專登, 佢真係甩手之麻..... 不過我地今次咁大陣象, 小慈一定刻骨銘心, 以後拋波怕且都會有陰影......
後記
果然係有後遺症! 今朝起身, 小慈坐係 sofa 指住電視櫃同我講:
小慈: "媽媽, 爛左勒! 冇左相架喇....."
我: "點解會冇左相架既?"
小慈: "小慈頭先羅 octopus 掉左上去, 相架跌左落黎爛晒咯...."
我: "小慈尋晚唔小心係唔係呀? 下次仲會唔會呀?"
小慈: "我下次會乖喇, 掉爛電視機媽媽冇得睇羅!"
我: "小慈都冇得睇啦!"
估唔到經過左一晚, 小慈訓醒第一件事都係諗番起尋晚既野.... 真係刻骨銘心呢
跟住夜晚仲攪笑, 小慈玩神奇畫板, 失驚無神識自己渣筆, 仲畫左個我識睇既公仔
似模似樣!! 小慈畫左個唔開心既小朋友! 問佢點解小朋友會唔開心既?
小慈: "因為佢曳曳打爛野, 爸爸媽媽嬲佢所以佢唔開心羅!"
我: "咁小朋友點先開心番呀?"
小慈: "爸爸媽媽錫番佢就開心架勒!"
2009年7月21日 星期二
天氣
今年第 1 個 8 號風球好不幸地係星期六懸掛, 原本安排左好多節目都因為呢個莫拉菲而取消, 打完風仲繼續有驟雨, 所以都係乖乖地留係屋企啦!
打風都有好處架, 我一日內教識左小慈好多野...
- 學識 1, 3, 8, 9 號風球既標誌
- 學識行雷, 閃電, 天陰, 落雨既標誌
- 抬頭望天知道邊舊雲黑色會落雨
- d 雲郁得好快係好大風
- 識得睇天氣報告
- 打風點解要係玻璃門 & 玻璃窗度貼膠紙打交叉
厲害呢!?!
教曉左小慈睇天氣標誌之後, 佢日日都好關心天氣
見到個間中天晴但又驟雨既標誌, 小慈問 (係佢未背熟個答案自己未識講之前, 佢係會問好多次既) 咁我照解俾佢聽啦...
我: "呢個標誌有太陽, 有雲, 有落雨痴埋一齊, 代表今日有太陽, 但又會落雨喎! 可能仲會天陰添...."
小慈: "我唔要落雨呀!! 我要去公園呀!"
我: "咁我地向天父祈禱啦! 天父, 今日請你落雨落少少, 出好多好多太陽, 俾小慈可以去公園玩, 奉主名求, 阿門....."
小慈: "唔係呀~~~ 唔要好多好多太陽呀! 1 個夠勒.... "
我: "哈?! 1 個太陽夠拿? 唔要好多太陽呀?"
小慈: "係呀, 1 個太陽夠勒, 太多好熱好曬架!"
我: ".........."
小慈你真係好可愛呀~~~~ ^^
打風都有好處架, 我一日內教識左小慈好多野...
- 學識 1, 3, 8, 9 號風球既標誌
- 學識行雷, 閃電, 天陰, 落雨既標誌
- 抬頭望天知道邊舊雲黑色會落雨
- d 雲郁得好快係好大風
- 識得睇天氣報告
- 打風點解要係玻璃門 & 玻璃窗度貼膠紙打交叉
厲害呢!?!
教曉左小慈睇天氣標誌之後, 佢日日都好關心天氣
見到個間中天晴但又驟雨既標誌, 小慈問 (係佢未背熟個答案自己未識講之前, 佢係會問好多次既) 咁我照解俾佢聽啦...
我: "呢個標誌有太陽, 有雲, 有落雨痴埋一齊, 代表今日有太陽, 但又會落雨喎! 可能仲會天陰添...."
小慈: "我唔要落雨呀!! 我要去公園呀!"
我: "咁我地向天父祈禱啦! 天父, 今日請你落雨落少少, 出好多好多太陽, 俾小慈可以去公園玩, 奉主名求, 阿門....."
小慈: "唔係呀~~~ 唔要好多好多太陽呀! 1 個夠勒.... "
我: "哈?! 1 個太陽夠拿? 唔要好多太陽呀?"
小慈: "係呀, 1 個太陽夠勒, 太多好熱好曬架!"
我: ".........."
小慈你真係好可愛呀~~~~ ^^
2009年7月18日 星期六
弟弟坐得好穩陣喇
近排弟弟成日坐係搖搖椅度都 '中' 個身向前, 如果唔係有安全帶綁住, 怕且成個人仔已經真係 '中' 左落地!
估計佢腰仔開始有力, 於是吩咐工人姐姐多 d 放佢落地幫佢練習下坐先!
練左一個星期, 真係有成績! 見住弟弟腰骨挺到直一直咁, 真係坐得好靚, 唔駛再做不倒翁左搖右擺, 就算就黎跌, 都識得用隻大脾拉番自己上黎, 真係笑死我喇! 弟弟自己都好興奮, 一開心就舉高雙手係咁笑, 咁大動作都唔跌喎, 平衡力真係好左! 叻仔
終於有樣野叻過小慈家姐勒! 小慈家姐一直到 8 個月都未算識坐, 而家弟弟 7 個月零 3 個星期就坐得好穩陣喇, yeah
黎緊呢個星期六 25/7 就足 8 個月既弟弟, 同小慈家姐一樣, 我係會帶佢去影 studio 相, 上次我地要用毛巾圍住小慈 pat pat or 頂住佢條腰 or 俾佢扶住 d 野先可以坐到影相, 希望弟弟今次又叻過小慈家姐, 自己坐得靚靚之餘, 仲希望弟弟影張張相都笑, 唔好學家姐做 "COOL 慈" 呀!!
估計佢腰仔開始有力, 於是吩咐工人姐姐多 d 放佢落地幫佢練習下坐先!
練左一個星期, 真係有成績! 見住弟弟腰骨挺到直一直咁, 真係坐得好靚, 唔駛再做不倒翁左搖右擺, 就算就黎跌, 都識得用隻大脾拉番自己上黎, 真係笑死我喇! 弟弟自己都好興奮, 一開心就舉高雙手係咁笑, 咁大動作都唔跌喎, 平衡力真係好左! 叻仔
終於有樣野叻過小慈家姐勒! 小慈家姐一直到 8 個月都未算識坐, 而家弟弟 7 個月零 3 個星期就坐得好穩陣喇, yeah
黎緊呢個星期六 25/7 就足 8 個月既弟弟, 同小慈家姐一樣, 我係會帶佢去影 studio 相, 上次我地要用毛巾圍住小慈 pat pat or 頂住佢條腰 or 俾佢扶住 d 野先可以坐到影相, 希望弟弟今次又叻過小慈家姐, 自己坐得靚靚之餘, 仲希望弟弟影張張相都笑, 唔好學家姐做 "COOL 慈" 呀!!
2009年7月16日 星期四
I love you, Baby First!
弟弟發高燒出玫瑰疹, 為免弱不禁風既弟弟出街吹風再病多兩錢重, 連帶小慈都冇得返學! 本來小慈呢個星期間歇性返學既, 但我唔想弟弟出去接小慈放學, 於是打左電話返學校同老師請假, 可能呢個星期都唔返學住
冇得返學, 連街市公園我都唔俾去, 直情係唔想弟弟出街, 太高燒喇真係! 我返工前已經吩咐定小慈, no market, no playground, ok? 講到明唔准扭姐姐去街, 叫小慈等我放工返屋企我先同佢出去, 好在小慈都好明白係因為弟弟發燒唔舒服先冇得出街, 完全冇扭計! 乖女
咁, 街都冇得出係屋企做咩好呢? 大家唔駛擔心, 小慈係好多玩具玩既! 我成日都做聖誕老人架麻, 將 d 玩具收埋, 隔一排又再羅番出黎玩就係新玩具一樣
小慈仲厲害, 除左玩玩具, 近排仲做埋電視精 (怕且全港學童都係咁)! 一早起身就問我夠鐘做 Baby First 未? 話好掛住 Harry the Bunny.... 我咪教佢睇鐘羅, 支短針指去 8, 長針指去 12 就做 Baby First 架勒, 個衰妹都好快學識, 之後係咁望住個鐘, 又望住個電視機, 夠鐘上映時就歡呼大叫~~~
小慈: "有喇~~ 開始喇~~ 真係有 Baby First 喎, 媽媽! 睇完 Baby First 一陣就到 Sesame Street 架勒, 仲有 Scooby-Doo, 知唔知?"
真係勁! 好似背左電視台個節目表咁! 一見到個隻 Harry the Bunny 竟然開心到話:
"I love you, Baby First~~~"
駛唔駛咁呀..... 又唔見佢一望到我就同我講 I love you, 媽媽?! 哼
小慈既發音一直都係唔差既, 至少外人都聽得明佢講咩, 唔駛我翻譯, 不過有幾個音唔知點解佢發極都發唔到喎?! 例如:
- "姑媽" 小慈會讀成 "之媽"
- "鎖匙" 就次次都講左 "see saw" (攪到我幾次都誤會左佢想去公園玩搖搖板)
- "銀行" 會讀左 "民航" (不過呢兩個音我會放過佢, 好多大人都讀唔準啦! 遲 d 再糾正佢)
小慈近排又好鍾意著裙, 去邊度都話要著, 但佢有既裙仔真係寥寥無幾, 遲 d 要買多 d 俾佢先!
一著住條裙就好開心, 仲走去照鏡又要求影相, 我細個有一段時間都好鍾意著裙架, 係大左先 like 著褲, 方便麻
有一日好攪笑, 又係預備出街, 同小慈著左條裙, 佢好 high, 因為我個日都係著裙, 佢話同媽媽一樣就好開心, 跟住轉頭望到爸爸, 就同爸爸講:
"爸爸, 我同媽媽一樣著裙呀, 你有冇著底褲呀?"
嘩哈哈哈~~~~~ 笑到我同秋噴飯!! 點解佢無端端會咁講既? 深究之後, 發覺其實佢係想講 "短褲"!
"爸爸, 你有冇著短褲呀?" :DDDDD
冇得返學, 連街市公園我都唔俾去, 直情係唔想弟弟出街, 太高燒喇真係! 我返工前已經吩咐定小慈, no market, no playground, ok? 講到明唔准扭姐姐去街, 叫小慈等我放工返屋企我先同佢出去, 好在小慈都好明白係因為弟弟發燒唔舒服先冇得出街, 完全冇扭計! 乖女
咁, 街都冇得出係屋企做咩好呢? 大家唔駛擔心, 小慈係好多玩具玩既! 我成日都做聖誕老人架麻, 將 d 玩具收埋, 隔一排又再羅番出黎玩就係新玩具一樣
小慈仲厲害, 除左玩玩具, 近排仲做埋電視精 (怕且全港學童都係咁)! 一早起身就問我夠鐘做 Baby First 未? 話好掛住 Harry the Bunny.... 我咪教佢睇鐘羅, 支短針指去 8, 長針指去 12 就做 Baby First 架勒, 個衰妹都好快學識, 之後係咁望住個鐘, 又望住個電視機, 夠鐘上映時就歡呼大叫~~~
小慈: "有喇~~ 開始喇~~ 真係有 Baby First 喎, 媽媽! 睇完 Baby First 一陣就到 Sesame Street 架勒, 仲有 Scooby-Doo, 知唔知?"
真係勁! 好似背左電視台個節目表咁! 一見到個隻 Harry the Bunny 竟然開心到話:
"I love you, Baby First~~~"
駛唔駛咁呀..... 又唔見佢一望到我就同我講 I love you, 媽媽?! 哼
小慈既發音一直都係唔差既, 至少外人都聽得明佢講咩, 唔駛我翻譯, 不過有幾個音唔知點解佢發極都發唔到喎?! 例如:
- "姑媽" 小慈會讀成 "之媽"
- "鎖匙" 就次次都講左 "see saw" (攪到我幾次都誤會左佢想去公園玩搖搖板)
- "銀行" 會讀左 "民航" (不過呢兩個音我會放過佢, 好多大人都讀唔準啦! 遲 d 再糾正佢)
小慈近排又好鍾意著裙, 去邊度都話要著, 但佢有既裙仔真係寥寥無幾, 遲 d 要買多 d 俾佢先!
一著住條裙就好開心, 仲走去照鏡又要求影相, 我細個有一段時間都好鍾意著裙架, 係大左先 like 著褲, 方便麻
有一日好攪笑, 又係預備出街, 同小慈著左條裙, 佢好 high, 因為我個日都係著裙, 佢話同媽媽一樣就好開心, 跟住轉頭望到爸爸, 就同爸爸講:
"爸爸, 我同媽媽一樣著裙呀, 你有冇著底褲呀?"
嘩哈哈哈~~~~~ 笑到我同秋噴飯!! 點解佢無端端會咁講既? 深究之後, 發覺其實佢係想講 "短褲"!
"爸爸, 你有冇著短褲呀?" :DDDDD
2009年7月14日 星期二
弟弟出玫瑰疹
星期五 -- 放工返屋企, 弟弟發燒! 唉~~ 之前 d 傷風明明已經好得 7788, 點解會發燒架? 好在屋企有退燒水, 點知一食退燒水就冇事, 4 個鐘後又燒過! 半夜 2:00 am 喊醒, 一摸佢成個火爐仔咁, 仲已經燒到 39.9 度 (即係差少少 104 度呀!) 嚇到我死, 即刻又餵退燒水, 用濕毛巾同佢抹身, 換片, 用退熱貼貼額頭, 開大 d 個冷氣...... 攪左成個鐘見佢有退燒既跡象先安心 d...
星期六 -- 捱到 9:00 am 醫生開門即刻同佢睇! 呢個兒科醫生都幾好架, 小明由細睇到大, 小慈都由 2 歲睇到而家, 近近地, 有咩事都可以即刻搵佢麻! 醫生好鎮定, 一聽到小明燒下唔燒下, 又冇鼻水, 冇咳, 冇任何病徵, 已經好肯定小明係出玫瑰疹了!
真係估唔到小明 7 個月就出, 小慈 1 歲先出呢! 醫生話玫瑰疹只係過濾性病毒, 可以由 6 個月至 2 歲既期間出, 有 d 小朋友 3 歲都會出, 有 d 出完又再出, 所以弟弟都唔算好早, 又係個句, 第 2 個 bb 咩病都會早過人.... 醫生淨係開左高低燒藥水, 知道小明吽出疹個心都定 d, 平時小明病都好少會發高燒架麻!
星期日 -- 雖然已經有心理準備, 但弟弟餐餐食完退燒水都仲係燒到 39.7 就真係好擔心, 高燒藥水都食左幾次! 但弟弟精神又冇咩野喎, 冇扭計冇喊, 撩佢都仲笑咪咪, 奶奶又全部飲晒, 玩具都肯玩, 只係唔鍾意食藥, 成日要我抱, 訓得好少好容易醒, 不過 3:00 pm 既時候就恐怖羅~~ 睇住弟弟手指腳趾連口唇都變晒紫色!!! 全身起雞皮, 但探熱又得 37.5 度喎!?! 仲諗緊係唔係冷氣太大凍親之際, 著完長褲外套就黎料勒...... 破紀錄既 40.5 度呀~~~ 癲架?!! 駛唔駛咁高呀?! 嚇到我地都標冷汗, 俾完高燒藥即刻掉弟弟落浴缸! 仔呀仔, 唔好嚇呀媽呀!! 個衰仔都唔知係唔係病到 short 左, 同佢沖涼竟然笑, 我就真係笑唔出, 好在弟弟只係嚇左我半粒鐘跟住退燒, 手指腳趾嘴唇都變番粉紅色......
捱左 5 日, 今日終於見到陳小姐了 (玫瑰疹, 英文名係 Rose Chan)
本來醫生話燒 3-5日, 退左燒就會出疹. 咁弟弟真係咁好彩燒足 5 日, 仲要出左疹都繼續發燒到 38.2 喎!! 小慈個時燒 3日, 仲要燒左 1 次 39 度咋, 所以個個反應都唔同呢~~ 弟弟出疹既位置係耳仔後面, 心口 & 肚臍對落最多, 淺粉紅色, 遠睇唔覺架!
穩陣起見我都打俾醫生問個究竟, 醫生只係反問我, 弟弟有冇燒到尋日咁高呢? 我答, 咁又冇, 尋日下下都燒到過 39 度架, 今日 38.2 or 38.3 咁羅! 醫生就話已經叫做退緊燒, 只係弟弟退得比較慢 d, 唔駛太擔心, keep 住餵退燒水就冇問題.... 問完醫生就放心晒
連續 4 晚都要半夜起身餵弟弟飲退燒水, 仲要弟弟訓得唔好有時要抱住佢好耐, 我而家成個人都好似慢左半拍, 對眼隨時合得埋.... 真係好攰, 希望弟弟今晚一覺訓天光啦!
不過呢幾日都有新發現!! 第 1 就係有時弟弟抱極都喊時, 只要我拍住佢背脊哼 "The Wheels on the Bus" 佢就會即刻靜晒, 有時仲望住我笑添! 萬試萬靈, 好攪笑架 :D
第 2 就係弟弟學識 180 度擰頭 -- 即係快速以及大幅度咁將個頭由右轉向左再轉向右!! 7 個月大既 BB suppose 係能夠快速地跟隨物件移動既, 而弟弟就將呢項技能應用係食藥上面, 每次見到支針筒, 佢就會 180 度大幅度擰頭企圖避開我地餵藥..... 真係.... 佩服
星期六 -- 捱到 9:00 am 醫生開門即刻同佢睇! 呢個兒科醫生都幾好架, 小明由細睇到大, 小慈都由 2 歲睇到而家, 近近地, 有咩事都可以即刻搵佢麻! 醫生好鎮定, 一聽到小明燒下唔燒下, 又冇鼻水, 冇咳, 冇任何病徵, 已經好肯定小明係出玫瑰疹了!
真係估唔到小明 7 個月就出, 小慈 1 歲先出呢! 醫生話玫瑰疹只係過濾性病毒, 可以由 6 個月至 2 歲既期間出, 有 d 小朋友 3 歲都會出, 有 d 出完又再出, 所以弟弟都唔算好早, 又係個句, 第 2 個 bb 咩病都會早過人.... 醫生淨係開左高低燒藥水, 知道小明吽出疹個心都定 d, 平時小明病都好少會發高燒架麻!
星期日 -- 雖然已經有心理準備, 但弟弟餐餐食完退燒水都仲係燒到 39.7 就真係好擔心, 高燒藥水都食左幾次! 但弟弟精神又冇咩野喎, 冇扭計冇喊, 撩佢都仲笑咪咪, 奶奶又全部飲晒, 玩具都肯玩, 只係唔鍾意食藥, 成日要我抱, 訓得好少好容易醒, 不過 3:00 pm 既時候就恐怖羅~~ 睇住弟弟手指腳趾連口唇都變晒紫色!!! 全身起雞皮, 但探熱又得 37.5 度喎!?! 仲諗緊係唔係冷氣太大凍親之際, 著完長褲外套就黎料勒...... 破紀錄既 40.5 度呀~~~ 癲架?!! 駛唔駛咁高呀?! 嚇到我地都標冷汗, 俾完高燒藥即刻掉弟弟落浴缸! 仔呀仔, 唔好嚇呀媽呀!! 個衰仔都唔知係唔係病到 short 左, 同佢沖涼竟然笑, 我就真係笑唔出, 好在弟弟只係嚇左我半粒鐘跟住退燒, 手指腳趾嘴唇都變番粉紅色......
捱左 5 日, 今日終於見到陳小姐了 (玫瑰疹, 英文名係 Rose Chan)
本來醫生話燒 3-5日, 退左燒就會出疹. 咁弟弟真係咁好彩燒足 5 日, 仲要出左疹都繼續發燒到 38.2 喎!! 小慈個時燒 3日, 仲要燒左 1 次 39 度咋, 所以個個反應都唔同呢~~ 弟弟出疹既位置係耳仔後面, 心口 & 肚臍對落最多, 淺粉紅色, 遠睇唔覺架!
穩陣起見我都打俾醫生問個究竟, 醫生只係反問我, 弟弟有冇燒到尋日咁高呢? 我答, 咁又冇, 尋日下下都燒到過 39 度架, 今日 38.2 or 38.3 咁羅! 醫生就話已經叫做退緊燒, 只係弟弟退得比較慢 d, 唔駛太擔心, keep 住餵退燒水就冇問題.... 問完醫生就放心晒
連續 4 晚都要半夜起身餵弟弟飲退燒水, 仲要弟弟訓得唔好有時要抱住佢好耐, 我而家成個人都好似慢左半拍, 對眼隨時合得埋.... 真係好攰, 希望弟弟今晚一覺訓天光啦!
不過呢幾日都有新發現!! 第 1 就係有時弟弟抱極都喊時, 只要我拍住佢背脊哼 "The Wheels on the Bus" 佢就會即刻靜晒, 有時仲望住我笑添! 萬試萬靈, 好攪笑架 :D
第 2 就係弟弟學識 180 度擰頭 -- 即係快速以及大幅度咁將個頭由右轉向左再轉向右!! 7 個月大既 BB suppose 係能夠快速地跟隨物件移動既, 而弟弟就將呢項技能應用係食藥上面, 每次見到支針筒, 佢就會 180 度大幅度擰頭企圖避開我地餵藥..... 真係.... 佩服
2009年7月11日 星期六
Music Toddlers Advanced Course 畢業了
為期 9 個月專為 2 - 3 歲既親子班制音樂課程 Music Toddlers 今日最後一堂了, 小慈一黎到呢度就好自在, 經常跑來跑去開心到彈起
課程透過歌唱及身體律動表達個人情感和享受音樂的樂趣, 小慈一唱歌就非常投入
感受音樂的節奏與速度, 和家長一起學習身體律動
在互動遊戲中學習包括強弱、快慢等不同的音樂元素, 以及基本的音樂知識
小慈會 check 住我地有冇跟住做動作架
自製 shaker
透過敲擊樂器以增強節奏感及大小肌肉的協調
Singing with the bear 梗係要出動我地既私家熊熊
扮緊大笨象條 long trunk
頒發證書一張
多謝 Miss May 教導小朋友學會欣賞音樂
Big Hug 中, will miss you~~~
課程透過歌唱及身體律動表達個人情感和享受音樂的樂趣, 小慈一唱歌就非常投入
感受音樂的節奏與速度, 和家長一起學習身體律動
在互動遊戲中學習包括強弱、快慢等不同的音樂元素, 以及基本的音樂知識
小慈會 check 住我地有冇跟住做動作架
自製 shaker
透過敲擊樂器以增強節奏感及大小肌肉的協調
Singing with the bear 梗係要出動我地既私家熊熊
扮緊大笨象條 long trunk
頒發證書一張
多謝 Miss May 教導小朋友學會欣賞音樂
Big Hug 中, will miss you~~~
2009年7月9日 星期四
間歇性返學
由上星期四開始, 轉眼間小慈已經復課 1 星期, 本來仲擔心緊冇返學咁耐, 小慈會唔鍾意返學 or 扭計又攬住我喊咁..... 點知 1 次都冇!! 真係大個女了, 小慈好乖呀, 朝朝早都好合作咁起身返學, 日日都好順灘咁同我 bye bye, 乖到不得了 ^8^
反而係工人姐姐呢個星期明顯變殘, 佢話要趕住湊放學, 弟弟呢個星期傷風又痴身成日要抱, 冇小慈家姐係屋企分散下弟弟既注意力真係辛苦左好多!
呢 d 都唔係大問題, 最令我肉痛既反而係呢個星期落完雨日日出太陽, 今日沙田仲錄得 35 度高溫!! 連酷熱天氣警告都出埋, 湊弟弟出去接小慈放學咪熱瓜我隻肥豬仔?! 3, 4, 5 點真係好熱架喎, 又冇理由叫姐姐搭的士.....
忽發其想, 既然小慈返學唔返學都咁乖, 學校又講到明唔教書, 咁返唔返學都應該冇所謂啦?! 打番學校問下老師咁樣得唔得先!?
老師好好呀, 佢地好明白我既情況. 仲話其實佢地有同小朋友講 H1N1, 小朋友亦明白而家返學情況唔一樣, N1 + K1 會混齡上堂, 暫時唔分享, 要一人一份玩具, 要單向坐仲要坐開 d, 不過遲 d 真正返學就唔可以扭計, 又要同小朋友分享玩具, 小朋友知道晒咁話
於是我就放心勒! 初時仲擔心會俾壞榜樣小慈, 以為可以幾時想返學就返學, 既然佢地係學校都 sense 到同平時返學有分別咁我就易做好多, 而家決定小慈間歇性返學, 淨係返星期二同星期四, 其他時間係屋企同弟弟相處多 d 培養下感情, keep 住耐唔耐要返學等小慈習慣就 ok
暫時決定係咁, 唔 work 到時又再改變策略啦! 我地要返工真係幫唔到幾多
好耐冇曬過相, 平時影影埋埋 post 左上網就算, 係之前爺爺要返鄉下, 叫我曬 d 相俾佢帶番去俾人睇我先曬左 1 次咁大把..... 真係唔想再曬, 小慈出世個時又係狂影狂曬, 填滿左 10 本相簿之後真係唔想再曬相, 冇位放相簿 @.@
我既婆婆, 即係小慈小明既太婆 (我地鄉下叫亞白) 今個月 80 大壽, 於是我就 dick 起心肝曬 d 相寄俾佢睇, 寄之前又順便俾埋我 d 同事睇
估唔到一致好評, 個個都話弟弟好可愛, 讚到佢天上有, 地下冇, 攪到我呢個做呀媽既都沾沾自喜 ^u^
節錄同事朋友們對弟弟既評語:
- 你個仔攣毛架?!
- 好靚仔呀~~ 可以拍 BB 廣告呀~~
- 好肥呀你個仔, 你睇佢個面珠躉脹到成隻老虎狗咁!
- 好抵打呀佢! 好想啜佢一啖!
- 白雪雪成個女仔咁, 快 d 生多個, 下個一定係女!
- 嘩~~ 你睇佢碌脾, 真係好想搣佢呀~~
- 條眉長過對眼, 係聰明仔黎架喎!
- 成個醒目仔咁, 第時一定蝦家姐!
- 好可愛, 好得意呀你個仔! 你睇佢對眼大到!
- 兩個 b 都似爸爸喎! (係啦, 真係唔抵!!)
- 肥仔媽, 你工人湊得好好呀!
多謝晒你地呀~~~ ^^
反而係工人姐姐呢個星期明顯變殘, 佢話要趕住湊放學, 弟弟呢個星期傷風又痴身成日要抱, 冇小慈家姐係屋企分散下弟弟既注意力真係辛苦左好多!
呢 d 都唔係大問題, 最令我肉痛既反而係呢個星期落完雨日日出太陽, 今日沙田仲錄得 35 度高溫!! 連酷熱天氣警告都出埋, 湊弟弟出去接小慈放學咪熱瓜我隻肥豬仔?! 3, 4, 5 點真係好熱架喎, 又冇理由叫姐姐搭的士.....
忽發其想, 既然小慈返學唔返學都咁乖, 學校又講到明唔教書, 咁返唔返學都應該冇所謂啦?! 打番學校問下老師咁樣得唔得先!?
老師好好呀, 佢地好明白我既情況. 仲話其實佢地有同小朋友講 H1N1, 小朋友亦明白而家返學情況唔一樣, N1 + K1 會混齡上堂, 暫時唔分享, 要一人一份玩具, 要單向坐仲要坐開 d, 不過遲 d 真正返學就唔可以扭計, 又要同小朋友分享玩具, 小朋友知道晒咁話
於是我就放心勒! 初時仲擔心會俾壞榜樣小慈, 以為可以幾時想返學就返學, 既然佢地係學校都 sense 到同平時返學有分別咁我就易做好多, 而家決定小慈間歇性返學, 淨係返星期二同星期四, 其他時間係屋企同弟弟相處多 d 培養下感情, keep 住耐唔耐要返學等小慈習慣就 ok
暫時決定係咁, 唔 work 到時又再改變策略啦! 我地要返工真係幫唔到幾多
好耐冇曬過相, 平時影影埋埋 post 左上網就算, 係之前爺爺要返鄉下, 叫我曬 d 相俾佢帶番去俾人睇我先曬左 1 次咁大把..... 真係唔想再曬, 小慈出世個時又係狂影狂曬, 填滿左 10 本相簿之後真係唔想再曬相, 冇位放相簿 @.@
我既婆婆, 即係小慈小明既太婆 (我地鄉下叫亞白) 今個月 80 大壽, 於是我就 dick 起心肝曬 d 相寄俾佢睇, 寄之前又順便俾埋我 d 同事睇
估唔到一致好評, 個個都話弟弟好可愛, 讚到佢天上有, 地下冇, 攪到我呢個做呀媽既都沾沾自喜 ^u^
節錄同事朋友們對弟弟既評語:
- 你個仔攣毛架?!
- 好靚仔呀~~ 可以拍 BB 廣告呀~~
- 好肥呀你個仔, 你睇佢個面珠躉脹到成隻老虎狗咁!
- 好抵打呀佢! 好想啜佢一啖!
- 白雪雪成個女仔咁, 快 d 生多個, 下個一定係女!
- 嘩~~ 你睇佢碌脾, 真係好想搣佢呀~~
- 條眉長過對眼, 係聰明仔黎架喎!
- 成個醒目仔咁, 第時一定蝦家姐!
- 好可愛, 好得意呀你個仔! 你睇佢對眼大到!
- 兩個 b 都似爸爸喎! (係啦, 真係唔抵!!)
- 肥仔媽, 你工人湊得好好呀!
多謝晒你地呀~~~ ^^
2009年7月7日 星期二
媽媽, 我下次唔敢勒....
小慈 3 歲之後真係乖左好多, 好生性, 好聽話, 而家仲識睇人眉頭眼額添!
近期佢講得最多既係: "媽媽, 我下次唔敢勒, 唔好嬲我呀...."
好多時都只係我冇笑容 or 語氣粗少少 or 縐住條眉, 又或者冇望佢之麻, 都唔係鬧佢佢已經咁講, 攪到我好內疚, 對住佢要打醒十二分精神因為呢個女好敏感呢!
今朝又係, 我換緊衫返工, 小慈眼紅紅咁入黎, 我即刻問佢咩事?!
小慈話: "姐姐嬲我呀..... " (即刻大大滴眼淚流出黎)
我: "係唔係小慈曳曳唔聽話所以姐姐嬲呀?"
小慈: "我洗面...... 跟住姐姐行左去羅.... 唔睬我呀...."
咁岩姐姐行番黎, 我問佢咩事? 工人姐姐話小慈唔肯洗面, 佢想幫小慈但佢唔俾, 姐姐咪行開由得佢自己洗.... 啊~~ 我都即刻想像到當時既情況, 梗係小慈擰歪面啦! 有時佢會想自己擦牙, 洗面, 著鞋, 本來係好既, 但有時佢既態度好衰, 會搶 / 會避 / 會推開你 / 撥開你隻手咁... 我都有話過佢咁樣冇禮貌
於是我同佢講: "姐姐唔係嬲你, 姐姐想幫小慈洗面丫麻, 你睇下你隻眼仲有眼屎! 你頭先係唔係擰歪面推開姐姐先? 咁樣冇禮貌記唔記得呀? 姐姐好錫你架, 你下次想自己洗面, 你要同姐姐講 " I can do it! " 知唔知呀? 而家快 d 去錫番姐姐, 攬番佢同佢 say sorry 先!"
咁個衰妹先破涕為笑, 小朋友心靈係好弱小, 真係要好小心處理, 從佢既角度出發, 顧及佢既感受..... 而家已經叫做好左 d, 至少唔係咩都擘大喉嚨喊, 但小慈真係好薄皮, 好易流眼淚, 眼紅紅好似好淒涼咁....
今晚又同小慈講 bed time story, 又係指定要睇 First Experiences 既 Going to School, 我真係已經講到曉背
咁我都明白小朋友係重覆又重覆咁學習, 所以只要佢一日肯聽, 我都會繼續講
我都算醒, 每次都會係同一個故事入面順帶講埋其他野, 例如: 故事入面小朋友返到學校, 咁我就會問小慈 "今日邊個冇返學呀?"
咁小慈就會答: "亨亨, 許樂瑤, 馮英倫同埋陳老師都冇返學!"
我: "點解陳老師冇返學既? 佢係唔係病左呀?"
小慈: "唔係呀, 陳老師去左第二間學校度同其他小朋友上堂呀!"
我估小慈既意思係陳老師去左第 2 間分校度交流 or 觀課
講完一個故事, 小慈唔夠皮要再聽多一個, 於是我講埋 Moving House, 故事話小朋友要搬屋, 因為屋企唔夠住, 呢個小朋友屋企有爸爸, 媽媽, 哥哥同埋妹妹, 仲有個就黎出世既弟弟, 貓貓 & 狗狗, 我又順帶問埋小慈, 你屋企有咩人呀?
小慈答我: "有爸爸人, 媽媽人, 弟弟人, 姐姐人, 仲有小慈...."
嘩哈哈哈~~~~ 真係笑到我碌地 :)
近期佢講得最多既係: "媽媽, 我下次唔敢勒, 唔好嬲我呀...."
好多時都只係我冇笑容 or 語氣粗少少 or 縐住條眉, 又或者冇望佢之麻, 都唔係鬧佢佢已經咁講, 攪到我好內疚, 對住佢要打醒十二分精神因為呢個女好敏感呢!
今朝又係, 我換緊衫返工, 小慈眼紅紅咁入黎, 我即刻問佢咩事?!
小慈話: "姐姐嬲我呀..... " (即刻大大滴眼淚流出黎)
我: "係唔係小慈曳曳唔聽話所以姐姐嬲呀?"
小慈: "我洗面...... 跟住姐姐行左去羅.... 唔睬我呀...."
咁岩姐姐行番黎, 我問佢咩事? 工人姐姐話小慈唔肯洗面, 佢想幫小慈但佢唔俾, 姐姐咪行開由得佢自己洗.... 啊~~ 我都即刻想像到當時既情況, 梗係小慈擰歪面啦! 有時佢會想自己擦牙, 洗面, 著鞋, 本來係好既, 但有時佢既態度好衰, 會搶 / 會避 / 會推開你 / 撥開你隻手咁... 我都有話過佢咁樣冇禮貌
於是我同佢講: "姐姐唔係嬲你, 姐姐想幫小慈洗面丫麻, 你睇下你隻眼仲有眼屎! 你頭先係唔係擰歪面推開姐姐先? 咁樣冇禮貌記唔記得呀? 姐姐好錫你架, 你下次想自己洗面, 你要同姐姐講 " I can do it! " 知唔知呀? 而家快 d 去錫番姐姐, 攬番佢同佢 say sorry 先!"
咁個衰妹先破涕為笑, 小朋友心靈係好弱小, 真係要好小心處理, 從佢既角度出發, 顧及佢既感受..... 而家已經叫做好左 d, 至少唔係咩都擘大喉嚨喊, 但小慈真係好薄皮, 好易流眼淚, 眼紅紅好似好淒涼咁....
今晚又同小慈講 bed time story, 又係指定要睇 First Experiences 既 Going to School, 我真係已經講到曉背
咁我都明白小朋友係重覆又重覆咁學習, 所以只要佢一日肯聽, 我都會繼續講
我都算醒, 每次都會係同一個故事入面順帶講埋其他野, 例如: 故事入面小朋友返到學校, 咁我就會問小慈 "今日邊個冇返學呀?"
咁小慈就會答: "亨亨, 許樂瑤, 馮英倫同埋陳老師都冇返學!"
我: "點解陳老師冇返學既? 佢係唔係病左呀?"
小慈: "唔係呀, 陳老師去左第二間學校度同其他小朋友上堂呀!"
我估小慈既意思係陳老師去左第 2 間分校度交流 or 觀課
講完一個故事, 小慈唔夠皮要再聽多一個, 於是我講埋 Moving House, 故事話小朋友要搬屋, 因為屋企唔夠住, 呢個小朋友屋企有爸爸, 媽媽, 哥哥同埋妹妹, 仲有個就黎出世既弟弟, 貓貓 & 狗狗, 我又順帶問埋小慈, 你屋企有咩人呀?
小慈答我: "有爸爸人, 媽媽人, 弟弟人, 姐姐人, 仲有小慈...."
嘩哈哈哈~~~~ 真係笑到我碌地 :)
2009年7月6日 星期一
弟弟食粒粒餅
弟弟同小慈家姐真係好唔同, 弟弟真係為食好多! 通常晚飯之後我地就會食飯後果, 弟弟次次都望到眼甘甘, 吞晒口水
而家既我真係比小慈當年放鬆左, 以前好跟指示去湊小慈, 6 個月先俾糊仔, 1 歲先食橙, 樽裝糊仔 / 罐裝果汁唔新鮮一定唔俾, 連加水開稀既米糊都唔想俾, 怕有添加防腐劑, 餅仔糖果呢 d 雜糧更加好少俾, 因為個時既心態係 -- 小慈 2 個月大已經厭奶, 每次餵奶都想喊, 餵成個鐘不特止, 仲要橫抱, 直抱, 噯佢訓住飲, 企係度餵, 用杯飲, 用飲管飲, 用針筒餵, 用匙羹餵.... 都係飲得 120-130 ml, 真係已經好氣餒, 如果俾其他野佢食, 試過咁好味既野咪仲更加唔飲奶?! 不過當時唔識諗得樂觀 d, 其實應該係咩都俾佢試, 要引起佢對食物既興趣先岩丫麻! 唔變通湊到自己咁辛苦.....
所以而家既我係放鬆左好多, 由陀住弟弟已經係咁, 完全冇戒過口, 仲冇咩當自己係大肚婆, 一來弟弟又大大隻隻, 食得好, 訓得好就更加咩都冇所謂, 二來弟弟個為食樣真係令人忍唔住咩都俾佢食, 而家既心態係 -- 試少少冇所謂啦, 哈!
今晚又係咁, 我地本來食緊蘋果, 都已經俾弟弟咬左幾啖, 點知個衰仔仲係呱呱嘈扭計! 咁岩我又買左盒粒粒餅諗住遲 d 先開俾弟弟試既, 就而家開黎塞住弟弟把口先~
嘩~~~ 不得了呀! 弟弟簡直係搶住食! 仲好有節奏咁 '咬', 冇牙既佢識得咬野真係笑死人, 仲食唔停要我地一粒接一粒咁餵, 我地手腳慢 d 都俾佢鬧.....
為食既弟弟真係勁勁勁可愛 ^8^
而家既我真係比小慈當年放鬆左, 以前好跟指示去湊小慈, 6 個月先俾糊仔, 1 歲先食橙, 樽裝糊仔 / 罐裝果汁唔新鮮一定唔俾, 連加水開稀既米糊都唔想俾, 怕有添加防腐劑, 餅仔糖果呢 d 雜糧更加好少俾, 因為個時既心態係 -- 小慈 2 個月大已經厭奶, 每次餵奶都想喊, 餵成個鐘不特止, 仲要橫抱, 直抱, 噯佢訓住飲, 企係度餵, 用杯飲, 用飲管飲, 用針筒餵, 用匙羹餵.... 都係飲得 120-130 ml, 真係已經好氣餒, 如果俾其他野佢食, 試過咁好味既野咪仲更加唔飲奶?! 不過當時唔識諗得樂觀 d, 其實應該係咩都俾佢試, 要引起佢對食物既興趣先岩丫麻! 唔變通湊到自己咁辛苦.....
所以而家既我係放鬆左好多, 由陀住弟弟已經係咁, 完全冇戒過口, 仲冇咩當自己係大肚婆, 一來弟弟又大大隻隻, 食得好, 訓得好就更加咩都冇所謂, 二來弟弟個為食樣真係令人忍唔住咩都俾佢食, 而家既心態係 -- 試少少冇所謂啦, 哈!
今晚又係咁, 我地本來食緊蘋果, 都已經俾弟弟咬左幾啖, 點知個衰仔仲係呱呱嘈扭計! 咁岩我又買左盒粒粒餅諗住遲 d 先開俾弟弟試既, 就而家開黎塞住弟弟把口先~
嘩~~~ 不得了呀! 弟弟簡直係搶住食! 仲好有節奏咁 '咬', 冇牙既佢識得咬野真係笑死人, 仲食唔停要我地一粒接一粒咁餵, 我地手腳慢 d 都俾佢鬧.....
為食既弟弟真係勁勁勁可愛 ^8^
2009年7月5日 星期日
挪亞方舟
機緣巧合之下, 終於有機會去想去左好耐好耐既地方 -- 挪亞方舟 ^^
今朝一起身就執野預備出門口, 小慈好少可飲完奶奶就可以即刻出街所以好興奮! 對佢黎講去邊已經冇所謂, 總之係出街就得架勒, 就算係落街市買餸都係開心既, 總之全日只係出一轉街就 OK 唔會再扭, 好乖好攪笑架佢!
不過去方舟之路真係太遙遠, 我地由沙田飛的士去葵青劇院, 再搭單層巴士到馬灣已經用左我地 1 個鐘! 自己去其實冇咩野, 不過要帶埋小慈小明, 又要揹背囊, 又要推車仔, 舟車勞頓, 天氣又焗, 去到已經成身汗得番半條人命......
但係值得既! 方舟真係好宏偉~~~~~ 我好感動!! Amen!
今日都好多人黎參觀
1:1 比例既方舟
在 5000 年前, 憑挪亞一家 8 口用左 120 年既時間做出一隻 3 層高, 長 135 米, 寬 22.5米、高 13.5 米咁大既船坐滿 35,000 種陸上動物
想像下要獅子老虎混埋山羊白兔相安無事咁相處左成 200日, 唔係神蹟係咩?!
呢度環境好靚, 好舒服
弟弟同小慈都好開心, 影相笑嘻嘻 ^^
天氣雖然好焗, 但冇猛烈既陽光已經好好, 至少影相唔會開唔到眼先啦! 仲有一落大雨我地就呢入場館入面玩, 好多野睇呀!
呢個 "多媒體博覽館" 一定要去, 入面有個 180 度環迴影院可以親身感受大洪水既威力 & 了解方舟之迷, 仲有要戴眼鏡睇既 4D 立體影院, 都好好玩
呢個 "幻彩生命廊" 有好多小動物睇, 好似去左海洋公園咁呢
跟住我地又去左" 珍愛地球館", 呢度總共有 15 個展覽區
我地走馬看花咁睇左 d d, 唔同既館入面有好多野睇好多野玩, 不過唔係全部都岩小慈咁細個, 大 d 再黎玩過啦!
呢個 "表演劇場" 小慈玩得最開心, 有得扮佢最愛既 Flamingo, 仲逼我扮豬豬添
同場加映弟弟扮醬爆小白兔, 笑到肚痛
玩左大半日, 弟弟都訓左幾轉
弟弟訓完到小慈訓, 係時候返去喇~~
係柏麗灣搭船出荃灣, 俾小慈見到咁大個沙灘即刻雙眼發光, 拉住我地玩埋先走
開心到飛起既小慈 ^^
等佢地大個 D 一定會再黎呢度, 係基督徒都要到此一遊啦!
今朝一起身就執野預備出門口, 小慈好少可飲完奶奶就可以即刻出街所以好興奮! 對佢黎講去邊已經冇所謂, 總之係出街就得架勒, 就算係落街市買餸都係開心既, 總之全日只係出一轉街就 OK 唔會再扭, 好乖好攪笑架佢!
不過去方舟之路真係太遙遠, 我地由沙田飛的士去葵青劇院, 再搭單層巴士到馬灣已經用左我地 1 個鐘! 自己去其實冇咩野, 不過要帶埋小慈小明, 又要揹背囊, 又要推車仔, 舟車勞頓, 天氣又焗, 去到已經成身汗得番半條人命......
但係值得既! 方舟真係好宏偉~~~~~ 我好感動!! Amen!
今日都好多人黎參觀
1:1 比例既方舟
在 5000 年前, 憑挪亞一家 8 口用左 120 年既時間做出一隻 3 層高, 長 135 米, 寬 22.5米、高 13.5 米咁大既船坐滿 35,000 種陸上動物
想像下要獅子老虎混埋山羊白兔相安無事咁相處左成 200日, 唔係神蹟係咩?!
呢度環境好靚, 好舒服
弟弟同小慈都好開心, 影相笑嘻嘻 ^^
天氣雖然好焗, 但冇猛烈既陽光已經好好, 至少影相唔會開唔到眼先啦! 仲有一落大雨我地就呢入場館入面玩, 好多野睇呀!
呢個 "多媒體博覽館" 一定要去, 入面有個 180 度環迴影院可以親身感受大洪水既威力 & 了解方舟之迷, 仲有要戴眼鏡睇既 4D 立體影院, 都好好玩
呢個 "幻彩生命廊" 有好多小動物睇, 好似去左海洋公園咁呢
跟住我地又去左" 珍愛地球館", 呢度總共有 15 個展覽區
我地走馬看花咁睇左 d d, 唔同既館入面有好多野睇好多野玩, 不過唔係全部都岩小慈咁細個, 大 d 再黎玩過啦!
呢個 "表演劇場" 小慈玩得最開心, 有得扮佢最愛既 Flamingo, 仲逼我扮豬豬添
同場加映弟弟扮醬爆小白兔, 笑到肚痛
玩左大半日, 弟弟都訓左幾轉
弟弟訓完到小慈訓, 係時候返去喇~~
係柏麗灣搭船出荃灣, 俾小慈見到咁大個沙灘即刻雙眼發光, 拉住我地玩埋先走
開心到飛起既小慈 ^^
等佢地大個 D 一定會再黎呢度, 係基督徒都要到此一遊啦!
訂閱：
文章 (Atom)