食臭襪?!?

今朝 6:00 am 俾弟弟既 "依依 呀呀 噢噢 嗚嗚" 聲嘈醒, 於是我靜雞雞去羅相機, 諗住錄低佢把聲

點知我一望到弟弟個樣, 真係笑死我, 佢竟然係度食緊隻襪!!!!!

之前幾日係因為弟弟成日係搖椅度磨腳掌, 唔知點整就攪到右腳最尾 2 隻腳趾損晒仲流血, 為免病情惡化, 我地已經同佢貼左膠布, 再穩陣 d 著埋對襪咁, 等佢磨都冇磨得咁傷麻, 點知會造就佢除襪俾自己食 @.@

依?  你好面善喎?  係邊度見過你呀?

味道唔錯

有冇可以幫我剪細小小?

弟弟近排就成日玩腳仔, 雙腳成日伸到直晒有時仲會舉高, 手仔就成日四圍摸, 我估佢今朝醒左自己係床仔度玩腳, 隻手摸到隻襪就扯左出黎, 有理冇理擺左落口先算

真係笑死人呀~~