弟弟食腳趾

弟弟已經連續 3 晚都係半夜 3:00 am - 4:00 am 醒!!  仲係已經將張被踢左去床尾, 抱起佢時手腳凍冰冰咁, 都唔知其實佢醒左幾耐先瓜瓜嘈 @.@  心痛又攰死媽媽勒~~  明明開左冷氣可以一覺訓天光架麻, 為咩事突然間又退步半夜醒先得架?!  於是, 我醒起俾個睡袋佢, 咁就算佢踢左張被都唔會露脾丫麻!  就係咁樣紮左佢一晚, 太令人感動, 今朝 6:15 am 先醒, 感謝神呀!!!!

由弟弟 6 個半月發現自己有對腳開始, 我就估佢好快會食腳趾!  果然不出我所料!!  2 個星期後既呢一個早上, 係我抱住弟弟訓練佢坐之際, 佢無端端坐到衰衰咁係咁向前衝, 仲扶極都唔肯起身, 果然就真係 '妹' 緊隻腳趾公!!

你睇弟弟淨係食腳趾公架咋~~

肉緊得佢!!

人間極品!  你都試下啦!