父親節快樂^^

雖然今日係父親節, 我已經盡我所能咁俾秋秋訓到 10:30am 先叫醒佢起身幫手湊仔架勒 ^^

冇辦法啦, 10:30am 係一個 critical moment, 因為弟弟夠鐘飲奶, 小慈又開始肚餓想落街買野食順便去公園, 我一個人得一雙手, 攪得掂弟弟黎就滿足唔到小慈咁多願望, 一定要叫醒爸爸啦!
尋晚小慈已經好想去公園踏單車, 我要佢食完飯先准去, 佢都知自己食到太陽落山都未食完, 所以之後都冇要求, 點知今朝一起身已經話要去公園踏單車, 等左成朝爸爸終於起身, 於是我教佢講:

"父親節快樂~~"  跟住就拉爸爸去公園玩, 一玩就玩左成個鐘, 30 度呀今日!!  2 個返到黎面紅耳赤, 成身成頭濕晒~~ 真係辛苦晒爸爸

爸爸話今日去晒 3 個公園玩, 好盡慶!  攰到小慈死死下, 晏覺即刻訓左 2 個鐘!
因為停課既關係, 小慈學校都 send 左封 e-card 俾爸爸祝佢父親節快樂, 雖然唔係由小慈親手送, 但學校都好有心, 多謝老師

 

父親節快樂~~  爸爸, I Love You ^8^