弟弟食雪梨

弟弟真係好鍾意食野

而家已經係 4 餐奶 (220ml) + 1 餐純米糊, 和光堂純米糊 15g, 一包開晒有成碗咁多架!

每次食完都唔夠皮, 會嘮嘈幾句, 有時悲鳴仲會喊添!  不過我估佢都係因為食得太快, d 野未落到胃以為自己未飽姐!

今晚我地食緊飯後果, 弟弟牛咁眼咁望到實, 於是我就叉住俾舊雪梨佢 lam 下啦!

      嘩 ~~~  不得了, 嗒嗒有聲呀!!!

最終成舊俾佢自己揸住!  雪梨, 你唔好走!

你睇下佢幾肉緊

實在太好味喇!