幼潛第 3 期畢業

參加左 3 期幼潛, 今次真係最後一次!  小明有顯著既進步, 由初時堂堂扭眼瞓, 之後不停跑圈, 到而家叫得停, 知規矩, 肯坐定定, 真係每期都有進步!!!

今日終極考試, 弟弟發揮超水準表現, 5 分鐘考完!!  快靚正到張姨姨都無話可說!!  

得出既結論係小明實在太鍾意同人玩, 好鍾意黐人, 反而要佢一個人坐開考試時, 佢就會好專注, 真係咩都識, 又估唔到佢平時有學野!  係囉!  我都係咁話!  佢次次考試都真係考得好好, 平時上堂就好似遊魂, 叫又叫唔停, 又唔肯坐低做, 竟然又識喎!?  呢類打天才波既小朋友係最難教, 希望弟弟大左返學唔係咁啦~

測試一 -- 放砌圖

弟弟塊塊砌圖都想攪, 限佢聽張姨姨指示整完先, 衰仔就扁晒嘴, 不過都聽話

測試二及三 -- 用夾仔夾絨毛球及看圖配實物

Easy job 完全冇難度!

畢業了~~~ 多謝張姨姨 & Gi Gi 姐姐既教導 ^8^

考完試但未落堂可以玩下玩具, 非常嗲既弟弟玩玩下都要坐大脾

盡得爸爸遺傳, 最鍾意飲茶

佢仲可以不停咁飲

難得出尖沙咀, 順道去圓方玩

第一次上呢個平台花園玩

好多設施

小慈身手敏捷, 好靈活呀!

晚飯去食串燒同埋拉麵, 估唔到小慈小明兩個極度鍾意食枝豆, 要 encore 先夠喉!

小明好比心機自己 meet 豆食, 成餐飯坐左個半鐘都冇扭計要落地

全靠粒豆我地先有安樂茶飯食 :D

小慈的暑期班

不經不覺小慈既暑期體操班及綜合球類運動班已經去到尾聲, 靜雞雞觀察, 我發覺小慈好勁!  

單腳平衡, 橫一字碼, 直一字碼, 雙腳放上牆雙手倒立 20 秒, 連續 2 個前滾翻等等, 姿勢快靚準, 仲學識擺靚 pose ^^

先擺預備 pose

再做 2 個前滾翻

小慈個前滾翻碌得好直呀!  叻叻!

跳 4 個呼拉圈後做拱橋

跳 3 下彈床, 雙膝跪木箱, 企定係木箱上再跳落墊, 前滾翻再擺靚 pose, 我睇到眼都突, 導師只係示範一次小朋友就識跟住做, 好厲害!!!

綜合球類運動班介紹左足球, 籃球, 網球, 羽毛球, 乒乓球俾小朋友認識, 仲教識小朋友掃巴腳踢波 

小慈有板有眼, 連我都大開眼界!!

熱爆迪士尼

考慮左好耐, 又忍受唔到小慈同我講: 

"媽媽, 我地好耐都未去過迪士尼喇, 我好掛住巴斯光年呀!  係唔係我乖你就帶我去迪士尼架?"  

於是又買番全年通行証, 4 月到期到而家, 小慈忍左 4 個月先問我, 都算係咁 :DDD

一早同小慈講晏覺瞓到 1:00 pm 我地就出發去迪士尼, 衰妹真係望住個鐘黎瞓覺, 鬧鐘都冇佢咁準真係 1:00 pm 彈起身!  諗住今日有驟雨都應該唔會太熱, 錯!  錯晒!  迪士尼既上空一舊雲都冇, 入場唔夠 15 分鐘已經成頭濕晒~~

見到好鍾意既三眼仔都熱到笑唔出

又熱又多人, 巴斯光年同小小世界都要排 30 分鐘, 都係坐係樹蔭飲啖茶食住爆谷等睇水花巡遊, 弟弟坐左一陣就大叫: "開始~~~~"

爸爸似唔似攬住一個迷你既媽媽呀? ^8^

好心急

痴媽 B 症發作, 明明坐係爸爸大脾好地地都係要黐番去我度坐先安樂

水花巡遊開始喇

Ladies~

大頭 Mickey

分唔到汗定係水, 總之最後全身濕晒啦!

睇完巡遊去小小世界, 等候時間 5 分鐘, 呢度又多野睇冷氣又涼, 我地玩左兩轉即刻乾爽番 :D

小慈攞左個相機玩自拍

自己影自己隻鞋真係笑瓜我

不知不覺已經 5:00 pm, 等睇史迪仔反轉大街騷之前醫下肚, 呢條其實係炸魚, 雖然佢好似一條油炸鬼

音樂一響起, 記得 626 舞點跳個個, 係我!  OMG!!

小慈小明最開心就係執米奇紙碎

熱到冇野玩, 玩水最開心

呢位小朋友又肚餓!!  岩岩先食完炸魚薯條而家又左右開弓

等左半日, 巴斯光年都仲係要排 20 分鐘先有得玩, 由於小慈公主太想玩, 排隊加埋 fast pass 我地總共玩左 3 次!  

第 1 次落車, 小明唔肯俾番支槍我大喊!!  

第 2 次落車, 都係唔肯俾不停 I want 槍槍!  

第 3 次, 小明已經知道邊個位玩完自己擺番把槍, 超級乖!!   

學野又快, 全程自己坐係位度射槍, 第 1 次佢有 300 分, 第 2 次佢有 1400 分, 第 3 次有 2200 分, 叻仔!!   

弟弟好享受係迪士尼入面玩, 而佢又好似真係識玩, 3 歲前弟弟係唔駛錢既, 我地張 annual pass 真係抵 :)

今日最終玩左 2 個遊戲, 睇左 3 個表演, 7:30 pm 小慈竟然叫攰話要返屋企, 我地仲以為佢會唔捨得走作戰到 9:00 pm 睇埋煙花添!  既然佢開到聲, 我地即 piss~~~~~~~~~~~ 

令我地最欣慰既係小慈講左 3 次 

"我今日好開心, 多謝媽媽爸爸帶我去迪士尼呀!"  

真係好生性, 抵買全年通行証俾你既, 乖女 ^8^

公園裡

今日放假陪下兩姐弟, 一早已經表現得極度黐身, 小慈走埋我床邊同我講:

小慈: "媽媽, 你今日唔駛返工呀?  好野!  你幾時瞓醒起身同我玩呀?  你瞓左好耐架喇!  睇下, 爸爸都返左工咯你仲瞓覺!"

嗚~~~ 8:30 am 咋, 咁都話我瞓左好耐 !?!  弟弟跟住入黎, 爬左上床

弟弟: "啊~~  媽媽係呢度!  I want 媽媽去梳化丫!  I want 媽媽拖住弟弟丫!"

算罷啦, 放假都係想陪佢地, 起身就起身, 去公園玩啦!

小慈本來教緊弟弟坐係梯級邊扮釣魚

發現左隻蝸牛呀!!

弟弟即時彈起走去執 "武器"

我篤~~~~~~~~~~  勁似小雲呀!

攞支長樹枝再篤, 弟弟個衰樣笑死我 :DDD

可憐既小蝸牛, 你快 d 返屋企啦, 樓梯邊係好危險架

暑假去街街

小慈終於放兩個星期暑假!!  

星期一, 佢好開心架, 不停同工人姐姐講 "Today is Monday, no need to go to school!  I will stay home and play with Dai Dai (弟弟)" 

星期二, 又係一早問我係唔係唔駛返學呀?  我答佢係呀之後見我換衫返工, 即刻問我: "媽媽點解你仲要返工既?  我好想你同我一齊放假呀!"  唔係掛, 放假第二日已經想我陪?  我咪氹佢遲 d 去街街啦

星期三, 又問我駛唔駛返學, 於是我教佢睇屋企既日曆, 今日係 8 月 25 日星期三, 要將日曆揭到 9 月 6 日星期一先返學, 於是小慈就放心晒!  見佢兩個係屋企困獸鬥, 好啦, 今晚就飛去荷里活..... 廣場啦 :D

地下間冒險樂園搬左上三樓之後細左好多仲要好似冇咩岩玩

不過小慈小明玩呢個掉波波玩左 3 次, 弟弟都掉得中

今日玩左 20 個金幣

弟弟掂左當玩左 :D

玩一陣就去隔離既鐵板燒店食晚飯, 小慈睇住叔叔係佢面前煮野食超級開心, 仲有發現原來小慈好鍾意食芽菜, 真係好似我地呀!

目不轉睛咁望住叔叔煮飯

正!