一年一度天台水池派對

今個暑假靚 B 們既特備節目就係去熙熙屋企天台玩水池!  開水池真係好大陣象, 熙熙媽媽話真係要多 d 小朋友一齊玩先抵 :D  今時唔同往日, 舊年小慈換完件泳衣, 唔知佢係怕人多定係唔想其他小朋友掂到佢, 竟然完全唔肯落水企係天台乾曬 @.@  我見佢咁就嗱嗱聲返入屋玩玩具算數!  

今年就唔同晒喇!  小慈非常期待去熙熙屋企, 我地又誤打誤撞早左 2 個鐘頭去到, 所以熙熙同小慈已經玩到滾瓜爛熟, 忍無可忍等唔到其他小朋友 1:30 pm 即刻衝上天台玩 ^^

你睇佢笑到!

陸陸續續都有小朋友加入

好熱鬧

有水玩, 小明已經進入忘我境界

倒瀉水呀!

平時 11:30 am 要瞓覺既弟弟捱到 2:30 pm 已經頂唔順, 又想瞓又想玩, 好痛苦

不過都差不多皺皮了

未齊人, 不過小慈小明要上水食野瞓覺, 熙熙就由頭玩到尾, 好勁呀!  主場真係唔同 d!