寶康公園

今日出車去幼潛時觀塘封路, 我地兜左好耐先去到, 好在秋秋好熟觀塘我地先冇盪失路!  兜緊路既時候, 小慈好擔心冇得同弟弟一齊上堂, 成日問住我地而家係邊度?  點解塞車?  會唔會塞車兜路去左沙灘?  爸爸架車去左好遠係唔係去迪士尼?  真係聽到我笑左出黎 :DDD

我問小慈係唔係好想去玩呀?  點解你去 d 地方全部都係玩既?!  小慈直認係 :)   

天氣係好好, 但不足以好到可以去沙灘, 隨時想落雨咁款, 沙灘一定好多蚊實咬死肥美既弟弟!!  都係怕怕!!  我同小慈講, 上完堂去大公園玩啦, 好唔好?  於是落堂後我地就去左寶康公園, 呢副大眼鏡就係寶康公園既標誌

我最鍾意玩千秋, 不過小慈小明竟然玩一陣就要求落地跑

弟弟今次表現得冇咁抗拒千秋, 有進步

嘩~~  Bubbles 呀!!  呢個橙色衫既叔叔好 pro, 兩座 bubbles 機入面有叉電池不停發電, 漫天泡泡, 好靚

小慈玩到又扮食 bubbles, 又扮沖涼洗面, 笑死人呀 :D

我好鍾意呢張相, 小慈玩緊都有照顧弟弟, 起勢摔佢塊肥豬面

小慈所到之處, 弟弟死跟!

小慈行平衡木非常叻叻!!

雙人搖木馬, 正呀!

跑到成頭濕晒, 飲啖水又繼續

弟弟個頭濕到 gel 得起

小慈好鍾意玩呢個 bell, 唔捨得走

唔得喇!!  天黑 d 蚊係頭頂盤旋, 貼左 4 張蚊貼弟弟手臂已中招, 要撤退喇~~~~

We will be back!