工人姐姐尋晚返左黎, 小慈小明好開心衝晒去門口迎接, 小慈仲問我掛住既英文係咩? 我教佢 I miss you, 佢就走去同姐姐講: "I miss you 姐姐~~" 姐姐開心到暈咁滯 :D
開心還開心, 弟弟都仲係黐到我實, 餵奶換片噯瞓覺全部都係 I want Ma Ma! 我已經好醒目咁預左有呢種情況出現, 所以攞多兩日大假, 果然弟弟一見我係屋企又係寸步不離, 連姐姐話出街去公園, 幫佢換好衫著好鞋, 佢都係要拖住我想我一齊去, 我叫佢跟姐姐, 佢竟然答我:
"I want 媽媽度!" 好想去街又唔想離開我, 非常痛苦咁企左係門口大喊 @.@
我真係費事睬佢, 同佢除左對鞋就叫姐姐自己去買餸! 沖涼又係咁, 明明好想沖涼, 姐姐同佢除衫又大喊大叫
"I want 媽媽洗白白...." 真係頂佢唔順呀!
怕且我聽日都係消失罷啦, 一見到我就會病發, 病情仲好嚴重個隻!!
不過姐姐返左黎, 我既壓力即刻冇晒!! 至少半夜佢地喊我唔駛起身理佢地, 亦唔需要晚晚扎醒 3-4 次記住記住幫佢地冚被 @.@ 我呢 10 日夾埋都唔知有冇瞓左 30 個鐘?!
意外收獲就係輕左 3 磅攞! 真係好意外, 本來自己都唔覺, 著左條褲覺得鬆鬆地先發現, 我估就係唔夠瞓加每日身水身汗煮飯既結果, 每次幫佢兩隻野沖涼, 再加拖地洗衫, 我真係汗如雨下, 一日換衫換幾次!! 可惜我唔會因為咁而決定做全職媽媽, 真係唔係好岩我性格, 如果係有工人幫手既全職媽媽就考慮下 :P
終於係接小慈家姐放學, 弟弟係都要跟住我先順便去埋公園玩
自己落樓梯
面圓圓好靚仔 (媽媽又心心眼)
同弟弟玩 peekaboo 影到佢好嬌俏
peekaboo 一開波至少要玩 5 分鐘, boo 到我口水乾
坐靚左先玩滑梯, 佢前幾個月仲係行出去滑架 >.<
沒有留言:
張貼留言