1 歲前係真係好多針要打, 小慈當年都要打 6 合 1, 肺炎鍊球菌 & 水痘, 而弟弟係二公子, 怕我地分身不暇唔可以好似以前咁金晴火眼秒秒中睇緊佢, 又怕小慈返學帶好多菌返屋企, 所以弟弟係要食埋輪狀病毒, 預防佢食左污漕野肚瀉虛脫
問左好多人先搵到一個有愛心, 手勢又好既兒科醫生, 以前小慈睇開又近屋企既陳醫生突然離左職, 我幾唔開心呀! 好左而家搵到呢個王醫生, 雖然佢唔近, 要去到大圍都叫做係沙田區, 不過佢真係好 nice, 姑娘又有禮貌, 所以打咁多針我都係 book 番王醫生
弟弟今日好叻, 平時打針會喊, 不過好快收聲, 今日仲叻 d 添, 打完支針細細聲 "丫" 左一下, 冇喊!! 叻仔!
同佢磅重有 8.2kg, 即係 18 磅, 同我預計差不多, 而家轉左 4 餐奶 1 餐純米糊, 我都怕佢會瘦左架, 好在都 ok
而家唯一令我心煩既就係弟弟唔飲水既問題, 不論葡萄糖水又好, 果汁又好, 清水.... 都係唔飲 >_< 好, 我決定出針筒!!! 吱都要佢飲
之後去嫲嫲屋企, 弟弟足 6 個月就非常準時地玩認人, 認地方!!
Oh No~~~ 小慈當年又係咁, 一去到爺爺屋企, 隻腳踏入去都未除鞋就勁喊, 喊到成條走廊都聽到, 仲試過佢喊唔停氣喘又想嘔咁, 攪到我地坐左半個鐘就要走 @.@
真係估唔到連乖巧既弟弟都係咁, 我地只係去左沙巴個個星期冇返去食飯之麻, 已經叫左爺爺嫲嫲係我地旅行期間日日去探弟弟, 等屋企不至於太靜, 俾弟弟見多 d 人, 我仲以為冇見弟弟幾日, 返黎佢會唔俾我抱, 又冇喎, 仲俾左個社交微笑我地 ^^ 暗自高興之際, 點知係屋企冇事, 出街就大件事!!!
24/5 第一次返去爺爺度, 入屋都唔夠 2 分鐘即喊, 仲係大喊面紅大大滴眼淚個隻, 好鬼凄涼, 以為有人打過佢咁款!?! 平時個個抱都得, 呢晚淨係我抱先收聲, 個衰仔, 平時一係唔喊, 一喊係震耳欲聾個隻!! 為免佢發出噪音, 成晚都係我抱住佢飯都唔駛食.....
唔想縱容呢個情況, 越怕既事就越要去面對! 於是, 28/5 端午節又返去爺爺屋企食飯, 今晚係入左屋 5 分鐘, 弟弟望均左間屋一次, confirm 左唔係自己屋企先喊!?! 都係成晚要我抱, 試過姑媽同嫲嫲抱住佢係 ok 既, 點知抱抱下弟弟會突然擰轉頭望下邊個抱住佢, 一發覺抱住佢個個人唔係我就即喊!! 真係 bear 一聲 ....
30/5 今日又返去食飯, 有進步喎! 入屋冇喊呀! 嫲嫲撩佢玩仲笑, 以為佢心情靚啦, 點知嫲嫲一抱過手又喊 @.@ 不過, 都叫做有改善, 我地唔會放棄既!
食完飯預備起程回家時, 嫲嫲搶左弟弟去抱, 同小慈講....
嫲嫲: "小慈 bye bye! 弟弟今晚唔走喇, 留係嫲嫲屋企過夜喇!"
小慈: "..............." 望住未識反應, 嫲嫲再講多次, 跟住抱住弟弟行入房
小慈: "唔好呀~~~ 嗚~~~ 我唔要留低弟弟呀~~~~"
即刻眼圈紅晒流眼淚, 仲係咁指住嫲嫲個背影 dum 地
我地從來都冇咁樣玩 or 試小慈架, 因為我地都好堅守唔係真既野唔講, 唔會試佢個 D
"你唔乖, 鴉烏公會捉左你架!" 或 "警察叔叔鬧你呀, 拉你呀!"
甚至連 "你走呀! 我唔要你呀!" 呢 d 說話, 我地從來都冇講過, 牙齒當金洗, 如果你平時成日都冇句真, 講過既野唔算數, d 小朋友咁聰明, 好快就搵到你既破綻, 唔信你, 當你流架啦!
我都冇估到嫲嫲今日玩 d 咁野, 所以小慈以為嫲嫲講真, 要搶左佢心愛既弟弟, 一情急就喊, 當然我係好心甜, 知道佢咁愛錫咁緊張弟弟, 缺一不可 ^^
不過事後我就要輔導小慈好耐, 同佢講
我: "嫲嫲同你講笑, 而家弟弟咪係度羅, 我地一齊返屋企, 冇留低弟弟"
小慈仲係度嗚咽, 話: "我唔要留低弟弟! 弟弟要返屋企飲奶奶, 跟住訓覺架~~~"
乖女 ^8^
2009年5月28日 星期四
2009年5月27日 星期三
又黎?!?
放左幾日假係屋企, 懶懶地尋日已經冇送小慈返學, 今朝仲懶到唔起身等秋秋攪掂小慈一齊出門口, 仲以為小慈見唔到我就會唔扭我, 點知臨出門口時......
小慈: "爸爸, 駛唔駛等埋媽媽呀?"
爸爸: "媽媽仲訓緊覺呀, 我地要安靜 d, 出門口勒"
小慈: "今日邊個同我返學呀? 係唔係爸爸渣車呀?"
爸爸: "係呀, 爸爸渣車呀, 姐姐送小慈返學"
小慈: "下? 又黎?!?"
爸爸: "........."
秋秋話, 當時真係唔識俾反應佢, 話小慈用詞真係用得太貼切! 仲好話我連出門口同個女返學都懶喎! 哼! 我梗係有我既理由架啦!
自從搬左個玩具櫃去門口, 又執過 d 玩具擺位之後, 小慈而家羅玩具玩好得心應手, 自己想羅咩就羅咩, 不過玩之前都係會問下我先, 好乖咁 ^^
近期更非常鍾意玩泥膠, 一起身已經要玩, 以前只係識將泥膠搓波波, 壓扁, 切碎, 而家已經識加入想像遊戲, 今朝就煮左餐飯俾我食, 叫我渣住個杯, 佢 "不" 俾我, 我問佢呢 d 咩黎架?
小慈: "呢 d 係好辣既奶奶豬肉通粉!"
我: "係唔係即係忌廉肉碎通粉呀?"
小慈: "唔係呀, 呢 d 係奶奶黎架! 呢 d 係豬肉, 呢 d 係通粉! 辣架喎! 食完要飲水, 知唔知道?"
我仲以為小慈講錯左想糾正佢, 點知原來佢真係堅持通粉要用奶奶黎煮, 仲要係辣既添! 真係唔可以睇少佢, 可能將來真係有呢味菜都未定 :DDDD
跟住, 小慈要我將泥膠搓成一個大波波, 佢就將 d 眼耳口鼻砌上個大泥膠上面, 你地睇下幾得意
小慈: "爸爸, 駛唔駛等埋媽媽呀?"
爸爸: "媽媽仲訓緊覺呀, 我地要安靜 d, 出門口勒"
小慈: "今日邊個同我返學呀? 係唔係爸爸渣車呀?"
爸爸: "係呀, 爸爸渣車呀, 姐姐送小慈返學"
小慈: "下? 又黎?!?"
爸爸: "........."
秋秋話, 當時真係唔識俾反應佢, 話小慈用詞真係用得太貼切! 仲好話我連出門口同個女返學都懶喎! 哼! 我梗係有我既理由架啦!
自從搬左個玩具櫃去門口, 又執過 d 玩具擺位之後, 小慈而家羅玩具玩好得心應手, 自己想羅咩就羅咩, 不過玩之前都係會問下我先, 好乖咁 ^^
近期更非常鍾意玩泥膠, 一起身已經要玩, 以前只係識將泥膠搓波波, 壓扁, 切碎, 而家已經識加入想像遊戲, 今朝就煮左餐飯俾我食, 叫我渣住個杯, 佢 "不" 俾我, 我問佢呢 d 咩黎架?
小慈: "呢 d 係好辣既奶奶豬肉通粉!"
我: "係唔係即係忌廉肉碎通粉呀?"
小慈: "唔係呀, 呢 d 係奶奶黎架! 呢 d 係豬肉, 呢 d 係通粉! 辣架喎! 食完要飲水, 知唔知道?"
我仲以為小慈講錯左想糾正佢, 點知原來佢真係堅持通粉要用奶奶黎煮, 仲要係辣既添! 真係唔可以睇少佢, 可能將來真係有呢味菜都未定 :DDDD
跟住, 小慈要我將泥膠搓成一個大波波, 佢就將 d 眼耳口鼻砌上個大泥膠上面, 你地睇下幾得意
影完相小慈先話佢漏左個鼻!!
2009年5月25日 星期一
弟弟 6 個月大喇~~~
今日專登請假係屋企陪下弟弟, 記錄佢 1 日既生活
8:30pm - 6:45am 一覺訓天光 (Yeah!)
6:50am - 7:00am 奶奶 200ml (森永細仔)
8:20am - 11:15am 訓覺 (9:25am 醒過, 冇人理佢又訓番)
11:30am - 11:40am 奶奶 200ml
12:00nn - 12:20pm 洗白白 (因為我影相, 所以沖耐左, 平時大約 10 分鐘)
1:00pm - 1:05pm 水 50ml
1:20pm - 2:30pm 訓覺
3:05pm - 3:15pm 奶奶 200ml
5:30pm - 5:35pm 和光堂純米糊半小碟 (開 3 小羹)
6:40pm - 6:52pm 奶奶 200ml
8:30pm - 9:55pm 訓覺
10:00pm - 10:08pm 奶奶 200ml (係一直都訓緊既, 要整醒佢飲奶!)
最鍾意洗白白
重要部位我自己洗 :DDD
識得捧住奶樽
基本上, 弟弟係非常穩定既:
15/5 開始食一個星期蒸蘋果, 先係一片, 食完唔夠皮, 第二日係兩片, 到最後成個蘋果食晒, 非常鍾意 ^^
23/5 就開始食純米糊, 簡直係追住黎食, 食完覺得唔夠喉會大喊! 不過都係要循序漸進慢慢加份量, 由一羹去到代替一餐奶麻!
你地睇下佢個為食樣! 就係咁樣食唔夠皮喊喊呀!
弟弟今日著番小慈 6 個月時都有著既西瓜裝出黎玩!
這是小慈
睇下, 弟弟真係大隻過小慈好多呀! 同一件衫, 弟弟有脹爆既效果 ^^
佢兩個原來都有 d 似..... 大家都係 6 個月大比較下先:
頭圍 -- 弟弟 44cm 小慈 42.5cm
手臂 -- 弟弟 6.5" 小慈 6"
腰圍 -- 弟弟 19" 小慈 19"
大脾 -- 弟弟 10" 小慈 9.5"
小腿 -- 弟弟 7" 小慈 6.6"
腳板 -- 弟弟 10cm 小慈 10cm
身長 -- 弟弟 69cm 小慈 69cm
體重 -- 弟弟 18 磅 小慈 16 磅
半歲都係大日子, 買個雪糕蛋糕砌下
弟弟流晒口水
馬騮仔, 似晒你啦
弟弟已經係一名巨 B, 個頭已經大過小慈家姐了
岩岩 6 個月既弟弟飲奶食野最叻! 訓覺都唔錯, 可以一覺訓天光! 要噯佢訓, 不過訓著左係可以放低佢, 識反身, 但都仲係反得左邊姐! Heap up 大約可以支撐 1 分鐘, 俾玩具佢會伸手羅, 會摸人塊面, 扶佢企直腳仔有力, 少少咪腳趾
流口水情況有改善, 已經唔會長流, 但有時都會一堆咁 bu 出黎, 食手既引依然好大, 咩都會放入口, 唔俾佢食仲會呱呱嘈投訴, 都算多野講, 冇人係佢視線範圍會即時大吵大鬧喊喊! 開始認人認地方, 去到爺爺屋企淨係我抱先唔喊 @.@
總括黎講, 我覺得弟弟係一個好正常發展既 BB, 健康快樂就得架勒, 弟弟 ^8^
8:30pm - 6:45am 一覺訓天光 (Yeah!)
6:50am - 7:00am 奶奶 200ml (森永細仔)
8:20am - 11:15am 訓覺 (9:25am 醒過, 冇人理佢又訓番)
11:30am - 11:40am 奶奶 200ml
12:00nn - 12:20pm 洗白白 (因為我影相, 所以沖耐左, 平時大約 10 分鐘)
1:00pm - 1:05pm 水 50ml
1:20pm - 2:30pm 訓覺
3:05pm - 3:15pm 奶奶 200ml
5:30pm - 5:35pm 和光堂純米糊半小碟 (開 3 小羹)
6:40pm - 6:52pm 奶奶 200ml
8:30pm - 9:55pm 訓覺
10:00pm - 10:08pm 奶奶 200ml (係一直都訓緊既, 要整醒佢飲奶!)
最鍾意洗白白
重要部位我自己洗 :DDD
識得捧住奶樽
基本上, 弟弟係非常穩定既:
15/5 開始食一個星期蒸蘋果, 先係一片, 食完唔夠皮, 第二日係兩片, 到最後成個蘋果食晒, 非常鍾意 ^^
23/5 就開始食純米糊, 簡直係追住黎食, 食完覺得唔夠喉會大喊! 不過都係要循序漸進慢慢加份量, 由一羹去到代替一餐奶麻!
你地睇下佢個為食樣! 就係咁樣食唔夠皮喊喊呀!
弟弟今日著番小慈 6 個月時都有著既西瓜裝出黎玩!
這是小慈
睇下, 弟弟真係大隻過小慈好多呀! 同一件衫, 弟弟有脹爆既效果 ^^
佢兩個原來都有 d 似..... 大家都係 6 個月大比較下先:
頭圍 -- 弟弟 44cm 小慈 42.5cm
手臂 -- 弟弟 6.5" 小慈 6"
腰圍 -- 弟弟 19" 小慈 19"
大脾 -- 弟弟 10" 小慈 9.5"
小腿 -- 弟弟 7" 小慈 6.6"
腳板 -- 弟弟 10cm 小慈 10cm
身長 -- 弟弟 69cm 小慈 69cm
體重 -- 弟弟 18 磅 小慈 16 磅
半歲都係大日子, 買個雪糕蛋糕砌下
弟弟流晒口水
馬騮仔, 似晒你啦
弟弟已經係一名巨 B, 個頭已經大過小慈家姐了
岩岩 6 個月既弟弟飲奶食野最叻! 訓覺都唔錯, 可以一覺訓天光! 要噯佢訓, 不過訓著左係可以放低佢, 識反身, 但都仲係反得左邊姐! Heap up 大約可以支撐 1 分鐘, 俾玩具佢會伸手羅, 會摸人塊面, 扶佢企直腳仔有力, 少少咪腳趾
流口水情況有改善, 已經唔會長流, 但有時都會一堆咁 bu 出黎, 食手既引依然好大, 咩都會放入口, 唔俾佢食仲會呱呱嘈投訴, 都算多野講, 冇人係佢視線範圍會即時大吵大鬧喊喊! 開始認人認地方, 去到爺爺屋企淨係我抱先唔喊 @.@
總括黎講, 我覺得弟弟係一個好正常發展既 BB, 健康快樂就得架勒, 弟弟 ^8^
2009年5月24日 星期日
小慈第 1 次去髮型屋
由細到大, 小慈都好少頭髮, 就算我幫佢剪都係修下前面 d 陰唔好插眼, 後面 d 頭髮我從來都唔敢剪幫佢留長, 不過同 d 媽媽朋友傾開, 佢地反而話剪晒 d BB 毛先會刺激生長生 d 濃密 d 既頭髮出黎! 眼見小慈 3 年黎 d 頭髮都冇咩起色, 姑且試下出去俾人剪睇下好唔好 d
第一次去髮型屋既小慈出奇地乖, 坐定定郁都唔郁任剪
不過有偷睇
用一個好特別既風筒幫小慈吹頭, 完成~~~
成個過程都唔駛 5 分鐘, 我由頭望到尾, 我真係睇唔出髮型師剪既同我剪既有咩分別.....
可能小慈 d 毛仔剪黎剪去都係咁上下, 所以下次呢 $50 都可以慳番!
今次當係難得既經驗, 再一次證實小慈係一個好聽話既小朋友 ^^
2009年5月23日 星期六
2009年5月21日 星期四
咩黎架? 新架?
雖然尋日先搭完飛機, 今日都係一切如常咁要小慈返學, 幾怕小慈今朝又問我係唔係去沙灘呀?! 好在, 小慈係問我: "今日係唔係要返學呀?"
梗係要小慈返學啦, 佢唔返學我邊有時間係屋企執下野, 仲去血拼咁呢 ^^
厲害呀! 我今日清理左 2 個行李箱, 洗晒 d 衫, 執好晒 2 個衣櫃幫全家人換季, 又整理好小慈個玩具櫃, 收埋一 d 小慈已經唔玩但遲 d 弟弟會岩玩既玩具, 又羅番 d 小慈應該岩玩既玩具出黎 (例如姑媽舊年小慈 2 歲生日時送既 Dora Laptop), 跟住又羅番 d 碗仔, 小匙羹出黎預備弟弟開始食固體食物時用..... 執好間屋, 我仲有時間出去一田大減價掃貨呢 :)
今日唔駛搶奶粉, 所以行得好他條, 買左隻潛水錶俾秋秋, 佢隻戴左 10 年有多, 我人生第 1 次碌咭買俾佢既 GUESS 正式宣佈瓜柴, 好傷心..... 跟住仲有買左個 $96 既熨斗 & $69 既防 UV 超輕雨傘, 經濟實惠 ^^
大包小包咁返屋企, 秋秋好 like 隻錶因為真係好輕! 仲好俾面咁即刻戴住 :) 獵犬小慈即刻察覺有異樣, 指住爸爸隻手問:
"咩黎架? 新架? 黑色既? 係唔係媽媽買架?"
又指住 d 玩具問:
"咩黎架? 新架? 係唔係媽媽買架?"
成晚都好似播音機咁, 淨係講呢幾句, 真係俾佢笑死!
唉~~ 去沙巴浸濕左部相機, 搶救無效要買過部.... 一定要買啦, 小慈小明咁得意日日都咁多攪笑野一定要影低架! 試機中....... 依?! 第一次用傻瓜機有景深效果喎
不過影室內就一般, 阿仔靚仔撘救
弟弟個肉緊牙痕樣羅番唔少分
兩個一齊坐住 Bingo, 差 d 就攪出狗命
偷影到弟弟鍾意摸住耳仔瞓覺
梗係要小慈返學啦, 佢唔返學我邊有時間係屋企執下野, 仲去血拼咁呢 ^^
厲害呀! 我今日清理左 2 個行李箱, 洗晒 d 衫, 執好晒 2 個衣櫃幫全家人換季, 又整理好小慈個玩具櫃, 收埋一 d 小慈已經唔玩但遲 d 弟弟會岩玩既玩具, 又羅番 d 小慈應該岩玩既玩具出黎 (例如姑媽舊年小慈 2 歲生日時送既 Dora Laptop), 跟住又羅番 d 碗仔, 小匙羹出黎預備弟弟開始食固體食物時用..... 執好間屋, 我仲有時間出去一田大減價掃貨呢 :)
今日唔駛搶奶粉, 所以行得好他條, 買左隻潛水錶俾秋秋, 佢隻戴左 10 年有多, 我人生第 1 次碌咭買俾佢既 GUESS 正式宣佈瓜柴, 好傷心..... 跟住仲有買左個 $96 既熨斗 & $69 既防 UV 超輕雨傘, 經濟實惠 ^^
大包小包咁返屋企, 秋秋好 like 隻錶因為真係好輕! 仲好俾面咁即刻戴住 :) 獵犬小慈即刻察覺有異樣, 指住爸爸隻手問:
"咩黎架? 新架? 黑色既? 係唔係媽媽買架?"
又指住 d 玩具問:
"咩黎架? 新架? 係唔係媽媽買架?"
成晚都好似播音機咁, 淨係講呢幾句, 真係俾佢笑死!
唉~~ 去沙巴浸濕左部相機, 搶救無效要買過部.... 一定要買啦, 小慈小明咁得意日日都咁多攪笑野一定要影低架! 試機中....... 依?! 第一次用傻瓜機有景深效果喎
不過影室內就一般, 阿仔靚仔撘救
弟弟個肉緊牙痕樣羅番唔少分
兩個一齊坐住 Bingo, 差 d 就攪出狗命
偷影到弟弟鍾意摸住耳仔瞓覺
2009年5月20日 星期三
小慈第 1 次出門去沙巴5天
由舊年 7 月尾 bit 到 3 張平價機票開始, 我地就 plan 左係弟弟 6 個月未識認人前, 放低佢幾日帶小慈搭飛機! 都有內疚架, 但弟弟咁細個咩都唔識, 帶佢出門只會大家辛苦, 所以, 到弟弟 3 歲時, 我地又帶你去旅行, 一言為定!
今次呢個主要係鴨仔團, 我地跟朋友仔一家出發, 佢地舊年已經去過沙巴 1 次, 知道好好玩又好岩小朋友, 所以我地就跟尾一齊去, 主要都係出島游下水, 食下海鮮, 以 relax 為主, 好寫意~~
我地搭 3:30 pm 機, 一早幫小慈試泳衣佢已經好興奮, 問我係唔係去玩沙? 我話帶佢坐機場巴士, 跟住搭飛機, 再去沙灘游水! 小慈已經開心度咪晒眼 ^^
3 歲先搭飛機好呀, 小慈完全冇氣壓問題, 起飛降落又冇驚, 仲話飛機飛得好快, 又話雲姐姐飄左去, 望到地下 d 島又識問我係唔係好高呀我地? 小慈仲勁鍾意空中小姐, 成日話空中小姐對住佢笑, 又話要去睇下人地做咩, 去同人地傾計, 傾完計返黎見佢左手渣餅, 右手渣糖咁, 真係俾佢笑死! 咁唔客氣都得!
小慈第 1 次搭飛機就有小插曲!! 本來 2 個鐘既機程, 點知去到亞庇機場時有狂風大雷雨, 能見度低降落唔到, 加上機油唔夠唔可以係天空盤旋, 要飛 20 分鐘到另一個機場入油先可以再返亞庇, Delay 左 2 個鐘, 好在小慈訓醒心情好好, 同行又有小朋友一齊玩, 攪下窗, 襟下燈制, 無端端又起飛降落多次, 今次搭飛機印象極之深刻啦! 問小慈搭飛機開唔開心? 小慈答: "開心, 我地係唔係去玩沙呀?"
原來佢由試泳衣開始已經期待去沙灘! 不過我地落機已經係夜晚 9:00 pm 喇女! 唯有同佢講, 太陽伯伯天黑呢埋左, 游水好凍架, 聽日先去游水啦! 小慈本來想發爛, 但望下個天又真係黑晒, 好無奈咁話: "聽日等太陽伯伯訓醒覺, 我地就去沙灘啦好唔好呀?" 咁明白事理真係我既乖女 ^8^
之後去酒店 check in 完再搭的士去食飯, 平時呢個時候小慈已經好夢正酣, 今日又出其地乖冇扭眼訓仲食晒 d 飯添! 返到酒店已經 11:30 pm 同佢沖涼仲笑騎騎, 果然係精神亢奮, 幾驚佢唔知玩到幾點先瞓呀, 好在佢揀完位要瞓中間後, 唔駛 5 分鐘就扯鼻鼾了~~
Day 2
尋晚夜瞓, 今朝 8:15 小慈都未醒 @.@ 拍醒佢第一件事就係同我講: "天光拿? 我地去游水係唔係呀?" 答佢係去游水, 不過要去食完早餐, 食飽飽先有力游水, 小慈開心到即刻好合作咁擦牙洗面換衫, 仲食左 2 隻蛋 & cornflakes 好生性
不過行程有變, 我地原來係要 12:00 pm 前去 Sunday market 身負重任咁整個人名牌先, 跟住去買手信, 再去 Boo Boo Land 兒童樂園玩到夠鐘, 再 check in Shangri-La 我地先可以係酒店泳池游水.....
食完早餐, 好記性既小慈果然就係問我, "係唔係去沙灘呀?" 唯有答佢未呀, 要去買埋野先, 點知, 之後既每半個鐘頭, 小慈就問我一次, "去游水未呀?" 真係唔可以隨便應承小朋友任何野, 尤其係小慈!!!!!
雖然我都係一個言出必行既媽媽, 不過有時 d 野係要等架麻, 耐性有限既小朋友都係唔好將未發生既野, 咁快講俾佢地聽!! 好在, 小慈都受氹, 同佢講玩完波波池先去游水, 佢都 ok! 呢個 Boo Boo Land 即係類似冒險樂園, 小慈玩得好開心!
原來個衰妹仲遺傳左我地既大膽因子, 鍾意玩機動遊戲!!
玩完 Boo Boo Land 又問我游水未呀? Bang Bang 聲即刻去酒店 check in, 換泳衣即刻跳落泳池! 真係怕左佢呀! 追我 9 條街.....
14 個月時買既蜜蜂裝, 36 個月都仲著到呀! 勁~~
Day 3
今朝終於可以好肯定咁同小慈講: "去沙灘玩喇~~~"
我地帶左 1 個 26 寸同埋 1 個 14 寸既行李箱, 隻 26 寸入面全部都係小慈既沙灘玩具, 其中包括 1 隻可以坐 2 個人既橡皮艇! 爸爸好堅持要買, 因為佢話冇咩幾何有咁大地方俾你放艇玩而又唔會撞到人, 仲話坐係上面餵魚都不知幾寫意! 咁..... 咪買羅, 不過一隻艇已經霸左半個行李箱, 跟住仲有水泡, 水袖, 支支水槍, 沙灘玩具, 沙灘蓆, 仲有乾糧...... 一個 26寸喼可以放得晒已經係一個奇蹟 @.@
住香格里拉既一個好處就係可以慢步行去碼頭即刻坐船出海去島玩, 非常方便, 小慈第 1 次坐大飛出海, 心情興奮未識驚, 去到海中心開始拋高拋低小慈開始面青, 不過我同秋秋扮晒開心又 wee wa 鬼叫咁, 小慈就當玩, 仲識同我講: "船船 up and down, 好快呀!"
就係呢隻艇吹左爸爸 20 分鐘 @.@ 好在有帶泵, 用口吹佢要人工呼吸都似!!
沙巴真係好靚, 水清又多魚, 你睇, d 魚為食到唔驚人, 手指照咬! 浮潛緊呢個係我黎架, 勁呢?!
回程時又大風, 又大雨, 加上大飛速度快, d 雨打埋黎好痛, 要用大毛巾包住小慈, 衰妹仲要我連個頭都同佢包埋, 成船人都望住佢笑
Day 4
尋日出左 2 個島, 今日再出多 1 個!! 一早起身終於見到耀眼陽光真係好開心! 就係呢袋沙灘玩具小慈堅持要自己揹住, 視為命根架!
好鍾意呢條裙款泳衣, 知道自己著緊裙係咁話: "好靚呀~~"
一時游水, 一時玩沙
又你睇佢幾忙
今日勁開心, 因為我地竟然見到毛仔, 仲搵到佢屋企!!
同電影一樣, Nemo 真係只會出出入入個堆軟珊瑚, 唔會行開, 我地勁同毛仔影相~~ 超開心!!
沙巴呢幾日既天氣係好奇怪, 朝朝間中有太陽, 但一到下晝 3:00 就會落大雨, 想係沙灘玩耐 d 都唔得! 不過小慈都要瞓晏覺, 所以朝早玩完返去瞓醒晏覺, 夜晚再外出覓食就 very good!
我地今晚仲破紀錄咁 3 個鐘頭食 3 餐!! 由 5:xx pm 食到 8:xx pm, 先係去食肉骨茶, 再去食意大利餐, 主要係俾小朋友食意粉 & 飲湯, 之後再食海鮮餐!! 真係飽到行唔郁 @.@ 我地由意大利餐廳去雙天海鮮酒家時, 只係行緊去羅位之麻, 小慈已經意識到又係去食飯, 即刻唔肯行拉我向後, 想喊咁既表情同我講:
"媽媽, 我唔食飯喇~~~ 小慈食左喇! 我好飽呀~~~"
咁陰公... 我即刻安慰佢 "小慈食飽, 不過爸爸媽媽未食飯, 仲係好肚餓喎! 我請小慈坐低我俾印仔你玩好唔好?" 咁先氹到佢坐低咋! 對於唔好食既小慈, 要佢坐飯廳又陰公左 d ! 佢點會明白我地咩事要一晚食 3 餐飯先得架?!! LOL
Day 5
小慈今朝訓醒又係問我係唔係去沙灘呀? 我都想, 不過今日要搭飛機返香港搵弟弟 lu~~ 點知小慈聽到即刻唔開心, 話: "我唔要返香港, 唔搵弟弟呀! 要去沙灘玩沙, 搭船呀~~ "
我梗係唔睬佢啦, 媽媽好掛住弟弟, 真係牽腸掛肚呀陰公! 我仲以為自己冇咩野, 工人姐姐都照顧得佢好好, 又勁錫佢, 點知原來我一日唔錫過塊肥豬面係會周身唔舒服既! 我已經好叻架勒, 小慈 bb 時, 我一日都冇離開過佢架! 諗番以前又真係緊張過龍 :p
雖然冇得去沙灘, 但帶左小慈去酒店 playroom 玩, 佢都好開心
搭回程機返香港時有人係機上面嘔, 於是就全機人唔俾落機, 衛生署要幫事主一家檢查及量體溫! 你地睇下幾大陣象....
後尾知道係有個姐姐仔食錯野所以嘔, 差 d 仲以為要原機折返, 去多轉沙灘先返香港添~~
呢個 trip 期待左好耐, 一如預期, 真係好 relax, 好開心, 一家人曬到黑晒, 好健康 feel
鳴謝朋友仔為我地鴨仔一家安排左一個咁舒服好玩, 又抵玩既 trip! 多謝晒 ^8^
今次呢個主要係鴨仔團, 我地跟朋友仔一家出發, 佢地舊年已經去過沙巴 1 次, 知道好好玩又好岩小朋友, 所以我地就跟尾一齊去, 主要都係出島游下水, 食下海鮮, 以 relax 為主, 好寫意~~
我地搭 3:30 pm 機, 一早幫小慈試泳衣佢已經好興奮, 問我係唔係去玩沙? 我話帶佢坐機場巴士, 跟住搭飛機, 再去沙灘游水! 小慈已經開心度咪晒眼 ^^
3 歲先搭飛機好呀, 小慈完全冇氣壓問題, 起飛降落又冇驚, 仲話飛機飛得好快, 又話雲姐姐飄左去, 望到地下 d 島又識問我係唔係好高呀我地? 小慈仲勁鍾意空中小姐, 成日話空中小姐對住佢笑, 又話要去睇下人地做咩, 去同人地傾計, 傾完計返黎見佢左手渣餅, 右手渣糖咁, 真係俾佢笑死! 咁唔客氣都得!
小慈第 1 次搭飛機就有小插曲!! 本來 2 個鐘既機程, 點知去到亞庇機場時有狂風大雷雨, 能見度低降落唔到, 加上機油唔夠唔可以係天空盤旋, 要飛 20 分鐘到另一個機場入油先可以再返亞庇, Delay 左 2 個鐘, 好在小慈訓醒心情好好, 同行又有小朋友一齊玩, 攪下窗, 襟下燈制, 無端端又起飛降落多次, 今次搭飛機印象極之深刻啦! 問小慈搭飛機開唔開心? 小慈答: "開心, 我地係唔係去玩沙呀?"
原來佢由試泳衣開始已經期待去沙灘! 不過我地落機已經係夜晚 9:00 pm 喇女! 唯有同佢講, 太陽伯伯天黑呢埋左, 游水好凍架, 聽日先去游水啦! 小慈本來想發爛, 但望下個天又真係黑晒, 好無奈咁話: "聽日等太陽伯伯訓醒覺, 我地就去沙灘啦好唔好呀?" 咁明白事理真係我既乖女 ^8^
之後去酒店 check in 完再搭的士去食飯, 平時呢個時候小慈已經好夢正酣, 今日又出其地乖冇扭眼訓仲食晒 d 飯添! 返到酒店已經 11:30 pm 同佢沖涼仲笑騎騎, 果然係精神亢奮, 幾驚佢唔知玩到幾點先瞓呀, 好在佢揀完位要瞓中間後, 唔駛 5 分鐘就扯鼻鼾了~~
Day 2
尋晚夜瞓, 今朝 8:15 小慈都未醒 @.@ 拍醒佢第一件事就係同我講: "天光拿? 我地去游水係唔係呀?" 答佢係去游水, 不過要去食完早餐, 食飽飽先有力游水, 小慈開心到即刻好合作咁擦牙洗面換衫, 仲食左 2 隻蛋 & cornflakes 好生性
不過行程有變, 我地原來係要 12:00 pm 前去 Sunday market 身負重任咁整個人名牌先, 跟住去買手信, 再去 Boo Boo Land 兒童樂園玩到夠鐘, 再 check in Shangri-La 我地先可以係酒店泳池游水.....
食完早餐, 好記性既小慈果然就係問我, "係唔係去沙灘呀?" 唯有答佢未呀, 要去買埋野先, 點知, 之後既每半個鐘頭, 小慈就問我一次, "去游水未呀?" 真係唔可以隨便應承小朋友任何野, 尤其係小慈!!!!!
雖然我都係一個言出必行既媽媽, 不過有時 d 野係要等架麻, 耐性有限既小朋友都係唔好將未發生既野, 咁快講俾佢地聽!! 好在, 小慈都受氹, 同佢講玩完波波池先去游水, 佢都 ok! 呢個 Boo Boo Land 即係類似冒險樂園, 小慈玩得好開心!
原來個衰妹仲遺傳左我地既大膽因子, 鍾意玩機動遊戲!!
玩完 Boo Boo Land 又問我游水未呀? Bang Bang 聲即刻去酒店 check in, 換泳衣即刻跳落泳池! 真係怕左佢呀! 追我 9 條街.....
14 個月時買既蜜蜂裝, 36 個月都仲著到呀! 勁~~
Day 3
今朝終於可以好肯定咁同小慈講: "去沙灘玩喇~~~"
我地帶左 1 個 26 寸同埋 1 個 14 寸既行李箱, 隻 26 寸入面全部都係小慈既沙灘玩具, 其中包括 1 隻可以坐 2 個人既橡皮艇! 爸爸好堅持要買, 因為佢話冇咩幾何有咁大地方俾你放艇玩而又唔會撞到人, 仲話坐係上面餵魚都不知幾寫意! 咁..... 咪買羅, 不過一隻艇已經霸左半個行李箱, 跟住仲有水泡, 水袖, 支支水槍, 沙灘玩具, 沙灘蓆, 仲有乾糧...... 一個 26寸喼可以放得晒已經係一個奇蹟 @.@
住香格里拉既一個好處就係可以慢步行去碼頭即刻坐船出海去島玩, 非常方便, 小慈第 1 次坐大飛出海, 心情興奮未識驚, 去到海中心開始拋高拋低小慈開始面青, 不過我同秋秋扮晒開心又 wee wa 鬼叫咁, 小慈就當玩, 仲識同我講: "船船 up and down, 好快呀!"
就係呢隻艇吹左爸爸 20 分鐘 @.@ 好在有帶泵, 用口吹佢要人工呼吸都似!!
沙巴真係好靚, 水清又多魚, 你睇, d 魚為食到唔驚人, 手指照咬! 浮潛緊呢個係我黎架, 勁呢?!
回程時又大風, 又大雨, 加上大飛速度快, d 雨打埋黎好痛, 要用大毛巾包住小慈, 衰妹仲要我連個頭都同佢包埋, 成船人都望住佢笑
Day 4
尋日出左 2 個島, 今日再出多 1 個!! 一早起身終於見到耀眼陽光真係好開心! 就係呢袋沙灘玩具小慈堅持要自己揹住, 視為命根架!
好鍾意呢條裙款泳衣, 知道自己著緊裙係咁話: "好靚呀~~"
一時游水, 一時玩沙
又你睇佢幾忙
今日勁開心, 因為我地竟然見到毛仔, 仲搵到佢屋企!!
同電影一樣, Nemo 真係只會出出入入個堆軟珊瑚, 唔會行開, 我地勁同毛仔影相~~ 超開心!!
沙巴呢幾日既天氣係好奇怪, 朝朝間中有太陽, 但一到下晝 3:00 就會落大雨, 想係沙灘玩耐 d 都唔得! 不過小慈都要瞓晏覺, 所以朝早玩完返去瞓醒晏覺, 夜晚再外出覓食就 very good!
我地今晚仲破紀錄咁 3 個鐘頭食 3 餐!! 由 5:xx pm 食到 8:xx pm, 先係去食肉骨茶, 再去食意大利餐, 主要係俾小朋友食意粉 & 飲湯, 之後再食海鮮餐!! 真係飽到行唔郁 @.@ 我地由意大利餐廳去雙天海鮮酒家時, 只係行緊去羅位之麻, 小慈已經意識到又係去食飯, 即刻唔肯行拉我向後, 想喊咁既表情同我講:
"媽媽, 我唔食飯喇~~~ 小慈食左喇! 我好飽呀~~~"
咁陰公... 我即刻安慰佢 "小慈食飽, 不過爸爸媽媽未食飯, 仲係好肚餓喎! 我請小慈坐低我俾印仔你玩好唔好?" 咁先氹到佢坐低咋! 對於唔好食既小慈, 要佢坐飯廳又陰公左 d ! 佢點會明白我地咩事要一晚食 3 餐飯先得架?!! LOL
Day 5
小慈今朝訓醒又係問我係唔係去沙灘呀? 我都想, 不過今日要搭飛機返香港搵弟弟 lu~~ 點知小慈聽到即刻唔開心, 話: "我唔要返香港, 唔搵弟弟呀! 要去沙灘玩沙, 搭船呀~~ "
我梗係唔睬佢啦, 媽媽好掛住弟弟, 真係牽腸掛肚呀陰公! 我仲以為自己冇咩野, 工人姐姐都照顧得佢好好, 又勁錫佢, 點知原來我一日唔錫過塊肥豬面係會周身唔舒服既! 我已經好叻架勒, 小慈 bb 時, 我一日都冇離開過佢架! 諗番以前又真係緊張過龍 :p
雖然冇得去沙灘, 但帶左小慈去酒店 playroom 玩, 佢都好開心
搭回程機返香港時有人係機上面嘔, 於是就全機人唔俾落機, 衛生署要幫事主一家檢查及量體溫! 你地睇下幾大陣象....
後尾知道係有個姐姐仔食錯野所以嘔, 差 d 仲以為要原機折返, 去多轉沙灘先返香港添~~
呢個 trip 期待左好耐, 一如預期, 真係好 relax, 好開心, 一家人曬到黑晒, 好健康 feel
鳴謝朋友仔為我地鴨仔一家安排左一個咁舒服好玩, 又抵玩既 trip! 多謝晒 ^8^
訂閱：
文章 (Atom)