回鄉祭祖 Day 1

習俗上一定要拜祭新下葬先人, 今年係嫲嫲過身後第一個清明節, 雖然我地知道嫲嫲既靈魂已經上左天堂同主耶穌永遠一齊歡喜快樂, 但佢既墳墓仍在地上既時候, 我地做後輩都要按照傳統習俗前來拜祭.  估唔到今年清明節竟然連住復活節, 本來已經冇晒大假既我地只要請 1 日假就可以返鄉下 5 日, 連親戚都話嫲嫲係一個好有福氣既人, 其實全是天父既恩典, 計都冇咁準呢 ^^  所以, 我地全家又返漳州喇~~

為免長假期過關人多所以專登早 1 日出發!  聖誕先返落黎, 事隔 3 個月又返上去記憶猶新, 轉車過關駕輕就熟

真係好多人返大陸, 個幾月前預訂都買唔到返漳州既火車飛要買遠一個站先有位, 所以今趟車飛貴左 D D

朝早 11:00 離開家門, 到達漳州時太陽已經落山

藍天白雲, 兩姐弟望日落個樣真係好攪笑 :)

我地今次入住鑽石大酒店

姑媽話住豪 D 要行政套房, $600 一晚  ^^

真係好大, 大到有偏廳架

兩個廁所, 一個用黎洗白白, 一個用黎爆石, 岩岩好 :D

不過張床冇大到, 一家四口瞓唔到啦!

放低行李我地就去探二姨婆, 原來佢屋企有雀仔

我地今晚食海鮮餐

呢幾隻蟹排得好靚呀!

其貌不揚既呢款螺絲螺竟然超級好食!!  技巧係先啜個尾再啜個頭先可以將肉吸出, 簡直好玩又好食!  個汁正到暈, 點咩都岩味 :p

飯後果食琵琶, 原來要用筷子摔下 D 皮咁就容易剝又唔會黐住果肉, 呢 D 真係冷知識呢!

慢步行返酒店, 經過大街有大量夜市檔攤, 好似我地既女人街好多野賣, 連賣洗頭水都有幾檔, 秋秋對呢檔咸濕野好有興趣不過唔敢食, 大陸實在有太多黑心食品啦~

沖個靚涼先^^  呢個蒸氣按摩浴缸真係好正, 水壓勁 D 出水快 D 就仲正!

To be continued...