大陸既屋係冇升降機, 閒閒地都要行幾層樓梯, 少 D 腳骨力都頂唔住架
掛住阿瑾姨姨屋企個天台, 話幾個月冇拖污糟晒, 一黎到就即刻開工, 呵呵呵~~
兔仔, 幾個月冇見, 你地好嗎?
大膽既媽媽捉左一隻出黎玩, 呢隻灰兔輕飄飄, 不過都令我諗起以前我養個兩隻龍貓, 好掛住佢地~
見我抱小慈即刻忍唔住, 灰兔 D 爪又尖又長, 要抱實一定要俾佢四腳平穩, 萬一佢跳走就好難捉番, 小慈做得好好呀!
非常驚喜阿瑾又煮螺絲螺俾我地食!! 佢話見我地尋晚食得咁開心今日又煮多次, 你是最好的!!!! ^8^ 即刻問埋烹調方法: 用薑蒜起穫, 螺絲螺快炒, 用老抽、紅糖、醋做汁再落少少辣椒就上碟, 很容易又好味既一碟餸, 關鍵係要買到螺絲螺 :p
大陸家居空調係奢侈品, 天氣真係非常熱, 小慈玩到得番件底衫, 小明同昊昊底衫都除埋 >v<
估唔到日日都 30 度, 帶黎既長袖 Tee 全部冇著過, 熱到連爸爸都成日話要買果汁飲, 楊桃汁最好味 ^^
自得其樂既小明
小慈話佢扮緊滑浪
第二站我地去探爸爸既表姐, 表姑媽是也
表姑媽既孫女岩岩出世 20 日, 小慈榮升表姑姑, 小明升 le 表叔, 昊昊做左表舅父, 呵呵呵~
BB 女好似佢爺爺
趁 BB 眼仔碌碌影張大合照先~
呢幾隻雞係表姑媽專登係農場買既走地雞, 俾 BB 媽媽坐月之用, 我坐月個時都食左 70 隻雞架 ^v^ 坐月坐得好, 身體自然好
表姑媽仲教小朋友摘桑子
用力不當就會成手血紅色, 小慈小明, 你地個件係白衫黎架 >.<
阿瑾姨姨既摩托車又出動喇 ^^
今晚我地幫襯呢間亞森飯店, 中國人好早食飯, 難得佢 7:30pm 過後仲有人排隊入座, 有人氣我地即刻幫襯 :)
自己揀海鮮, 煮法就由飯店提供, 我地食左味咸菜炒蜆, 又幾特別喎
餸菜好惹味, 不過偏咸及油膩, 所以呢條清蒸多寶魚零舍好食, 小明骨都食埋咁滯
嘩! 中國都有炒栗子, 不過佢地個穫仔超細好似玩緊煮飯仔咁 ^^ $20 斤超平, 仲會每粒栗子拍扁先賣俾我地, 非常易剝
To be continued....
沒有留言:
張貼留言