遲左少少, 錯過左老闆娘製作鍋邊糊既過程: 先將大米用清水浸 2-3 小時, 加清水磨成米漿, 用一個超級大鍋將米漿沿邊均勻澆一圈, 蓋上鍋蓋, 見米漿圈起就用鍋鏟將米卷鏟入鍋入面, 再摻入適量清水, 重覆 3-4次先可以整到好似河粉但薄好多既鍋邊粉, 落漿要非常平均及時間要掌握得好好, 全漳州剩番幾間舖頭識做咋~
鍋邊糊配料多樣, 質地軟嫩, 價錢又平所以好受歡迎, 我都覺得好好味! 呢 D 傳統技術真係要承傳下去先得
食飽飽就出發, 第二站表叔帶我地郊遊, 天氣好應該要多 D 戶外走動, 去新開張既「走天下生態園」
呢度可以玩沙, 不過而家烈日當空梗係影完相就閃啦
凌空既茶壺, 小明研究左好耐點整上去 >v<
好可愛呀!! 狗仔岩岩出世仲未戒奶架
唔覺意俾班小朋友發現 bouncy castle
見佢有頂冇辣 pat pat 就玩啦, 職員話今日第一日開張, 玩具全新俾佢地任玩到夠皮為止
爬到咁高再滑落黎都幾刺激
玩到唔捨得走
終於黎到走天下既正門
真係新開張, 園入面好少人
買飛入場
周圍都係果園呀!
仲有農場既動物
我估上面個 D 係提子
咁都俾弟弟發現隻速龍
好特別既規定, 摘生果可以即場任食, 但帶走就要俾 $20 / 斤
發現芭樂, 即係番石榴
嘩~~ 好新鮮呀!
大粒既番石榴, 農夫會用膠袋包住唔俾雀仔偷食
跟住摘士多啤梨, 估唔到 4 月仲有, 好甜添呀!
好味! 不過太陽伯伯好兇狠, 真係熱到飛起
呢埋樹底玩螞蟻
親子垂釣, 第一次釣魚 ^^
表情認真既三父子
可惜魚餌太鬆入水即溶, 隔離叔叔好勁釣到兩條, 借黎沾下光 ^^
超攪笑吊床, 一坐上去已經掂到櫈, 咁點吊呢?!
千秋係最好既自製涼風機
得一頂帽, 於是我將條毛巾包住弟弟個頭, 意想不到地令佢非常嬌俏 >v<
發現蒲公英
噢! 真係好靚女, 成個村姑咁 ^^
第三站, 表叔帶我地去食自助迴轉火鍋, 淨聽個名都好攪笑
好多野食喎
醬汁都十幾款, 好難相信其中一款叫「味精」, 真係有人點????! @.@
迴轉輸送帶為大家送上好多火鍋材料
利用水流, 隻隻船仔運材料行晒成間餐廳真係好有創意, 可能老闆太體貼員工怕佢地走來走去辛苦, 於是攪到佢地連數都唔識計, 一張枱 4 個人, 3 個唔食辣, 1 個要辣湯底, 第二張枱 3 個人, 2 個辣 1 個唔辣.... 侍應姐姐痛苦地說：「這麼複雜我怎麼記得了???」 天才都俾我地遇到 @.@
小朋友點會放過玩既機會? 話 D 船流得太慢幫手推呀!
橙色衫呢位仁兄就係豪叔叔, 叉腰個位就係佢妹妹阿姿表姨, 好多謝你地今日既招待, 車出車入帶我地去玩仲請食飯!! 多謝晒 ^8^
姑媽帶晒班小朋友返酒店玩捉迷藏, 爺爺帶我同秋秋去按摩, 俾我地遇到架新的士, 今日先落地架咋, 好榮幸 ^^
豁出去! 今日按夠 90 分鐘, 我地揀左經絡油壓
Chairman Mao
時代進步, 連三輪車都電動化, 車伕輕鬆好多
嘻~ 今晚有人請我地食海鮮餐呀! 大家都知道我地超級熱愛食海鮮 :)
好多選擇呢, 不過唔夠我地西貢既海鮮檔魚缸擺得有氣勢好多 ^^
我地今晚包房添呀, 正!
多謝五姨婆, 姨丈公, 路路姑姑 & 姑丈
晚餐食物好豐富, 有鮑魚、龍蝦、魚、蝦蟹螺..... 應有盡有, 好好味!
飯後仲有獻唱 ^^
知道爸爸媽媽坐過電動三輪車, 小慈小明梗係不甘後人啦
車速都好快, 攬實呢位小朋友唔係一個轉彎飛佢出街 :p
今日好盡慶, 玩到冇晒電~
沒有留言:
張貼留言