第一件兵器

武術班真係好型, 唔止學拳腳功夫, 仲教埋兵器!  小明第一件兵器 -- 雙節棍  ^^

小明問我學完係咪會變李小龍  :D

李小龍, 俾心機呀!

型~

有經驗既家長同我講, 學多幾年, 好快就會全屋都係兵器  @.@

9 歲生日要驚喜之生日禮物

清早起來看, 小慈 9 歲喇!!!!!!!!!  雖然要返學, 但心情靚爆 ^^

小慈家姐, 生日快樂!  祝你身體健康, 讀書聰明 ^^

9 歲既社交能力真係唔錯, 小慈收到同學送既生日禮物, 仲要係 hand made!!  小慈非常驚喜 :)

就係呢位好朋友周綽楠送架!  古靈精怪 ^^

仲有 Joey 姨姨送既禮物, 真係有心, 多謝晒  ^8^

小慈話生日一定要食 buffet、切生日蛋糕同埋收生日禮物, 好好好, 點話點好

開餐喇~~

用刀叉切鮑魚, 夠晒矜貴 ^^

弟弟唔識切, 要爸爸幫手

將肉切到咁薄原來靠機器, 好神奇呀!

主打海膽製品, 但我想食海膽刺身就冇, 全晚我最欣賞花膠響螺燉湯

酒店每晚都切一條三文魚, 肉質真係有分別架

食飽飽, 主角出場!!  趁寶貝女去洗手就放蛋糕上枱, 小慈返黎時見到好驚喜, 擘大個口  :D

Little Miss Birthday  件衫專登買俾小慈女架 ^^

太開心, 話要彈首歌俾大家聽  :)

We Love You very very much, Grace!!!  Happy Happy Birthday and every single day!

天父錫、爸爸錫、媽媽錫、弟弟錫、Vicky 姐姐都錫!  乖就多人錫又抵錫既 ^^

酒店借左支火鎗俾我地, 開心到點完又點, 蠟燭吹完又吹  ^v^

弟弟梗係唔執輸啦

其實係太飽, 但小慈話主角一定要食朱古力牌, 仲問我隻「小慈」係咪我寫?  話好似我 D 字喎  :)

遇上羊仔

小慈話佢冇眼個樣好怪

返到屋企就問我羅禮物, 梗係有預備啦, 點捨得令我寶貝女失望先得架!  不過開始難買野, 屋企毛公仔太多唔會再買, 玩具一來好多, 二來冇時間玩, 三來年齡唔大唔細冇咩岩佢, 又講到明衫褲鞋襪食物唔係生日禮物, 唯有向實用既野進發但又要得意喎, 都真係搵得幾艱難下

一望就知道係盞燈

要出動爸爸幫手搭線, 當然冇咁簡單啦

登登登櫈~~~~~ 亮燈儀式開始

幻彩詠小慈...... 房  ^^

用 USB 播歌音色出奇地好, 小慈最鍾意唱詩歌, 特別係學校早會教既佢更鍾意, 即刻攞詩歌紙出黎對住唱

小慈極度鍾意份禮物, 錫左我 9 啖, 仲話係佢 9 年黎收到最好既一份生日禮物!  真係好鍾意好鍾意, 話鍾意到冇野可以報答番我喎!  傻妹!

媽媽爸爸見到你開心得咁緊要, 已經係最好既報答啦!

Happy Happy Birthday 我既乖女  ^8^

9 歲生日要驚喜之跳彈床

生日正日要返學, 於是提前同小慈乖女慶祝.  返完教會我地去北角, 小慈完全唔知呢度係邊度, 黎呢到做咩野, 保證驚喜 ^^

見到喇, 見到喇~  謎底終於解開

等得好心急, 我地去跳彈床呀!

開心到跳起!!

星期日都多人, 如果平日少人應該仲正

除左彈床仲有其他遊戲, 小慈 & 爸爸排隊中~

就係跳海綿呀!  見過跳水員體操員利用海綿練習, 原來呢度都有得玩

小明準備向後跳

點跌都唔痛呀 ^^

海綿大戰!!

女兒當入樽 :)

呢條彈床滑梯都好好玩

好容易就走到上頂

小明做咩拿住個 Mickey 頭?

原來同小慈一齊夾擊爸爸

爸爸寡不敵眾  >v<

跳左成個鐘, 我同爸爸骨頭已經散晒, 小慈小明就梗係話未夠皮!  難得過海, 去搭叮叮~

坐上層夠涼爽

不經不覺叮叮都加價到 $2.3  1990 年收 $1, 1998 年收 $2, 2011 年加價到 $2.3, 都仲係全港最平既陸上交通工具

本來小慈抱怨緊我飲左佢半支可樂, 我一舉機想影佢個衰樣就即刻轉表情, 笑 C 我喇  :D

驚喜完畢, 晚餐由小慈發板, 寶貝囡話要食日式火鍋, 最開心個個係小明, 兩眼發光同小慈家姐講：「你竟然揀左我最想要食既野, 真係太好喇!」 小慈：「我知你鍾意食丫麻!」

芽菜同蓮藕係小慈最鍾意食既野

小慈話生日願望係一家人開開心心, 健健康康