乖孫好乖真係掃墓, 掃走所有垃圾之餘仲將墳墓抹得乾乾淨淨
嫲嫲, 您在天家好嗎?
我地好掛住您呀
親戚話要跟輩份, 有說由大至細, 有 D 又話由細至大, 不過都知我地係基督徒純粹上去鞠躬獻花, 我地梗係先去拜祭我地最愛既嫲嫲, 再去拜祭嫲嫲既媽媽, 跟住過隔離拜祭埋爺爺既爸爸媽媽, 由細至大, 3 個墓園都好近
連爸爸都係第一次黎拜佢自己既爺爺嫲嫲, 小慈小明既曾祖父母, 回鄉祭祖殊非易事
冇裝香, 冇燒衣, 冇食祭品, 但唔能夠抹煞我地對先人既孝心, 冇祖先就冇我地架喇
郭氏家族都算係大家族黎架, 爺爺嫲嫲各有 9 兄弟姐妹, 9 兄弟姐妹平均每人生 2 個小朋友, 爸爸媽媽我地呢一代又生 1-2 個, 所以都算生養眾多. 呢張相梗係未人齊啦, 每家都有派代表而已
7:30 am 上山, 拜祭完落山都未夠 10:00 am, 巧遇山羊媽媽出車送羊奶早餐, 真係好新鮮呀!! 不過谷奶係好辛苦架, 山羊媽好燥, 弟弟唔好行咁埋
去參觀路路姑姑既音樂室 -- 漳州首家專業流行演唱培訓中心, 好型呀!
課室好大
仲可以夾 band
小明做緊監製, 小慈伴奏, 昊昊錄緊音 >v<
順便練埋琴
路路姑姑, 祝你生意興隆, 桃李滿天下
稍坐一陣, 路路姑姑就帶我地去萬達商場, 新開張做緊首屆寵物節
成個商場都係貓貓狗狗, 弟弟超開心 ^^
雪橇犬
松鼠狗 & 牧羊犬
弟弟話佢最鍾意都係貓
嘩~ 連草泥馬都有!!
佢個樣真係好衰, 睇唔睇到野架你?
竟然見到香港既滿記甜品, 分店已經開到咁遠, 勁呀!
我地今日食客家菜
好味呀! 最欣賞酒煮雞同埋黑椒豬手
估唔到路路姑姑會帶我地去漳州「冒險樂園」, 小慈小明梗興奮啦!
$100 有 93 個代幣, 新入會仲可以抽獎, 弟弟幸運童子手抽多 50 個代幣, 今日可以盡情狂玩喇!!!
遊戲仲要好平, 爸爸用 2 個代幣打爆 Street Fighter ^^
而家 D 遊戲真係幾好玩, 用手不特止仲要全身都郁埋
氣墊球都係 3 個代幣, 真係好抵玩
我完全估唔到 6 歲既弟弟會識玩賽車, 非常有 sense 仲真係過版架佢, 好勁!
全場最好玩我覺得係呢個遊戲, 我地全體出動一齊掉波擊殺敵人, 嗌到聲都沙埋
143 個代幣原來好難用得晒, 玩好耐都仲有成大袋, 於是我地去夾公仔, 為 fing 錢而 fing 錢, 冇計啦, 代幣香港不適用唯有 fing 晒佢
好奸呀, 明明瞄準左又夾到公仔上黎, 點知個爪係會 fing 番隻公仔出黎架! 越玩越激氣邊有得咁茅架?! 於是我夾最近既公仔, 就算佢 fing 都只係 fing 落得獎洞, 嘻嘻~ 策略成功仲俾我一箭雙鵰, 小慈小明一人一隻唔駛爭 ^^
弟弟叫佢做開心青豆
夜晚去食壽司
唔係好放心, 我地冇食迥轉壽司刺身, 淨係叫左炒飯套餐, 費事肚瀉返香港啦! 同埋, 我地志不在食 ^^
呢條叫中山橋, 佢特別在一橋分兩邊, 我地企緊既呢一邊叫城市, 橋既另一邊叫鄉村
咁鄉村同城市有咩分別呢? Da La~~ 就係鄉村可以放煙花呀!!! 小慈小明第一次放煙花呀!
由 Level 1 玩沙炮開始
好多謝阿瑾姨姨車我地黎, 亦多謝姑媽同埋爺爺大量入貨, 掃晒成間舖頭既貨咁買煙花俾小朋友玩
Level 2, 呢支以前成支香, 而家用鋁紙包既煙花唔知叫咩名
Level 3, 滴滴金
越玩越大膽, 唔怕火先可以升 Level 架
Level 4, 龍吐珠! 嘩~~ 影到呢幅相我勁開心! 靚 ^^
一支龍吐珠有 23 發, 好抵玩
四個小朋友好難夾埋一齊吐
終極 Level -- $25 一盒既座枱煙花
向上噴完會大爆炸四圍爆, 大家嚇到雞飛狗走, 笑死~
好好玩呀! 我 10 歲個時係澳門玩過一次煙花, 因為開心記到而家, 相信小慈同弟弟呢個快樂回憶都會存放好耐 :)
沒有留言:
張貼留言