夢

我發惡夢...... 夢見 Jimmy 跌親, 爆晒殼流晒血, 夢入面秋秋同我講救唔番架喇, 同 Jimmy say goodbye 啦!  喊到我死死下, 好唔開心   v_v    但瞓醒就趕返工趕返學, 夢境拋諸腦後

到放工返屋企, 先同秋秋講番我發惡夢, 順便望下 Jimmy... 唔望由自可, 一望 Jimmy 唔見左!!!!   @.@

缸既蓋移開左一半, 但壓住缸頂既野冇塌到所以冇人發現!!  即刻發散晒全屋人搵 Jimmy!  琴底、枱底、櫈底....  所有黑既地方平時佢最鍾意呢埋既地方搵....

終於, 秋秋係鞋架底搵到, 成身都係塵, 縮埋一堆個樣好似好驚咁, 第一件事檢查下睇下佢有冇爆殼.... 冇, 不過近龜尾崩左一塊, 估計佢由窗台掉落地時撞崩左!  即刻同佢沖涼, 浸浴, 俾龜糧佢食... 收起佢座山, 唔俾機會借力爬高偷走  > <

曳曳 Jimmy!!  曳曳!!!

見到嗎?  左邊 pat 崩左一塊好似崩左指甲咁, 好彩冇傷到入肉咋  >.<

平時屋頂壓住三舊野你都有本事推郁, 而家泰山壓頂整夠 4 舊, 冇可能再偷走喇掛?

俾塊山坡佢唔浸水時用, 咁曳, 要軟禁一排架喇, 悶悶地就睇下風景啦, 好少龜可以欣賞河景架!

眼超超都冇用架勒

成件事真係好神奇!!  Jimmy 肥同埋岩岩冬眠完, 我地唔會日日餵佢, 如果唔係發左個惡夢, 我地係唔會咁快發現 Jimmy 唔見左啦!  真係俾佢嚇死!  5 歲喇, 生性 D 啦衰仔!