寄養 Jimmy

Jimmy 已經係我地屋企 13 年了, 如果佢係耐寒動物, 我地一定會帶埋佢走!  無奈地, 而家只可以幫佢搵戶好人家收養!  無錯, 就係我地既花園朋友 -- 美麗姨姨 & Peter 叔叔!!  佢地今日更加宴請我地一家, 仲搵番我已經好耐好耐冇見過既老師同學仔, 大大班人 farewell 我地!  真係超級無比極之感動!!

小慈話 Jimmy 識 High Five

去到新環境 Jimmy 驚驚

俾番 D 水佢開心 D

怕忌廉 & 雪雪對 Jimmy 太過好奇, 夜晚瞓覺要搬 Jimmy 入廁所

忌廉你要乖呀!  

Jimmy 話冇眼睇最安全

Jimmy 係呢度其實有同類架 >v<

大隻左好多好多既將軍!!  秋秋用盡九牛二虎之力先抱得起佢

弟弟整左一條 "菜道" 俾將軍!  聽佢食菜食到索索聲好療癒 XDDD

Peter 叔叔仲叫小明企上將軍度, 超勁呀!!  將軍可以載住小明黎行, 轉彎冇難度!!!

小慈輕過弟弟更加容易 :P

入屋同忌廉雪雪玩

紙巾波波都玩左好耐

貓毛超級柔軟

弟弟幻想忌廉雪雪為左搶波會跳過佢 XD

打機唔少得, 你睇弟弟幾好姿勢, 小慈笑得幾開心 :D

開餐喇!!!  今晚食韓燒

正呀!!  太好味

大家都買生果做手信, 全部都係日產但冇重覆 ^^  美麗仲專登請我地食泰國柚子紅寶石, 清甜好味, 弟弟不禁爆出一句 "以後食唔番點算呀?!!!"  笑死大家!  咁都好過從未食過丫麻

超錫小明既 Peter 叔叔美麗姨姨留番一個木瓜俾小明摘, 成棵樹得一粒

美好時光要拍照留念, 呢兩位男士要比較下相機同電話既分別

大合照

多謝美麗既安排令我見番老師同學們!  真係好耐冇見, 大家都冇變!

兩位靚姐姐茜婷茜儀, 我睇住佢地大, 佢地睇住小慈小明大, 好微妙既關係

蒙福既家庭 ^^

感謝天父讓我認識美麗, 邀請我返城潮浸, 又替我地照顧 Jimmy!

我唔捨得你啊~  彼此珍重!  期待再見!

9.1 開學日

YEAH!  近來收得最多既資訊係由學校發出既, 非常緊張咁問大家有冇打針?  會唔會係 9月15日之前打齊兩針??  不論係紙本通告 / 電子通告... 學期尾, 暑假頭暑假中開學前都出過, 非常希望有 70% 人打左針咁就可以全面復課!!  而家 6X% 差少少, 所以 9 月都係返半日, no lunch, 9 月 1 日正式開學!!!  中二小明 & 中四小慈 早晨!!!

影完張相唔夠一秒就跌 Watt, 不停叫好攰!!

梗係啦, 尋晚仲趕緊暑期作業, 做到 11:XX 唔攰就奇 @.@

都唔怪得晒佢, 暑假活動咁精彩日日都唔係屋企, 邊有時間做暑期作業?

一個星期返兩日學校參加籃球班, 太好了!  弟弟終於學識打籃球喇!

亦有繼續跳花繩!  媽媽為左幫助佢地增高無所不用其極

爺爺買左佢地最鍾意既鮑魚, 一開即食, 食多 D 長肉 D!!  鮑魚王子又返黎喇!!

我其實唔係太鼓勵佢地食即食麵, 不過弟弟實在太熱愛呢款蕃茄棒丁麵, 隨心地鍾意食就自己煮, 加隻蛋加塊火腿.... 知喇!  知喇!  知你發育緊喇!

有氣有力就幫手做家丁!  不過呢度買既全部都係佢自己鍾意既零食, 風乾火腿.... 媽媽真係超級錫你架

買左包魚仔幫埋 Jimmy 增肥, 先養肥 D 魚

Jimmy 開餐喇!!  睇住 D 魚仔蝦 Jimmy, 尾隨龜尾 Jimmy 一條魚都唔見係咁望住我地 @.@  弟弟忍唔住出手了!  餵左兩條都 OK, 只係電光火石間 Jimmy 就咬傷左弟弟..... 見紅了!  唉~

冇喇!  暑假就係咁樣過左!  面書大人提醒我之前既 9 月 1 日係點過

Back to School~~~~

幾好, 9 月 1 日放工返屋企好忙咁簽通告寫手冊, 咁辛苦, 9月2日就可以偷懶 XD

努力讀書呀!  小慈小明!!

鬼馬小明子

弟弟由細到大都帶俾我地好多歡樂, 古靈精怪轉數勁快真係唔夠佢黎!  等我耐唔耐就輯錄下佢 D 攪笑野啦!

好似係電視講緊身體柔軟度, 呢位年輕人一野就示範俾我睇佢仲可以同自己講電話

不經不覺變晒大腳八!!  爸爸著 42 號鞋, 小慈小明已經著 41 號直逼爸爸!!  

爸爸表示好高興, 跳晒舞

叫醒佢地返學, 點知轉個頭唔見左人!  搵均全間屋原來係我張床度瞓翻.....

同鄰居既貓依然好 friend

乖既主日學學生有布甸食

乖既仔都有媽媽換隻至愛碟俾你

見佢 IG like 既 page 有時真係笑死我

沖涼時勇救鹽蛇 BB

弟弟話見到佢俾水沖到翻肚已經立即撈起, 都唔知佢幾時跌落水!  好在呆一陣就冇事

可能細得滯未識甩尾, 唔係咁驚嚇甩左九世

Jimmy  話我都俾水浸親快 D 救我

話咁快中一生涯已經接近尾聲, 好在班主任都肯攪下活動俾佢地增進友誼!  專登搵兩日既下午返學校玩躲避盤, 集體攻擊阿 sir 開心到不得了!

班照

醒目仔會企前排踎低

仲有好同學朝朝一齊搭巴士, 一齊行返學, 雞啄唔斷

今日仲碌番張細個相出黎, 真係超級可愛!!!  兩歲已經識單手插袋 XDDD

太愛佢, 一個眼神一個動作一句說話都覺得佢好得意!!  不捨得佢長大