武術考試

小一開學時, 學校有百幾款興趣班以供選擇, 爸爸二話不說為弟弟揀左武術, 話佢個人求其, 希望透過武術學習紀律同埋身手矯健 D 唔好再做輪盡仔.  出奇地弟弟好鍾意武術班, 就算長假期要返學校集訓都冇怨言 ^^

學左大半年, 師傅推薦小明參加章別計劃套路級別試, 一次考 1、2、3 級, 睇晒成張通告我都仲係一頭霧水唔知考咩, 但見係武術聯會舉辦, 師傅又咁睇得起小明, 就參加啦!  點知臨考試前先發現蝦碌, 師傅推荐小明考 3 級, 但小明自己唔知定唔記得只係學左 2 級, 感謝天父俾我地及時發現, 師傅即刻安排補堂加操!  虛驚一場  @.@  聽日就考試喇, 大家俾心機!!

小明最聽陳師傅話, 今日加操完, 師傅對小明好有信心, 話佢一定合格冇問題, 承你貴言 ^^

考試喇, 考試喇!!  一早去九龍公園體育館預備考試, 同弟弟食個薯餅早餐心情大好

搵到自己個名

 186 號選手 -- 郭小明有禮

遇到同學仔

一齊拉筋做熱身

召集喇, 選手們請坐定定

小明準備出場

練半年, 考 8 分鐘, 小明對自己好有信心, 話自己應該有 29/30 分, 只係有一個動作做得唔夠靚扣一分喎

30 分鐘後先有結果, 黎到九龍公園, 小明梗係要把握時間去探佢最掛住既雀仔啦~

黑頸天鵝一如以往梳毛梳好耐, 今日仲好好唱口添

Flamingo 集體沖涼, 成個魚池都係佢地 D 毛

有結果喇!!  依.... 186 號第三級個格淺色到好似冇野咁既?  究竟合格定唔合格?!

搵職員對下穩陣

Yeah!!  係 1、2、3 級都合格呀!!!  叻仔!!  小明極度鍾意呢 3 個襟章

而家考左 3 級, 要去到 10 級先完成基本銅章, 之後仲有銀章、金章.... 慢慢長路有排學

一擊即中, 考核合格 ^^

大會都貼晒 D 章出黎引下你

陳師傅今日做評判, 場內全靠梁師傅同小倩姐姐打點, 辛苦晒你地!

陳師傅獲頒全港最佳推廣大獎!

繼續努力!!