呢間單車舖叫雲華, 車多又新淨, 好多架單車連紙皮膠袋都未撕添架! $70 一架車包 2 小時, 大小同價
小朋友準備就緒
出發!!!
識得踩一定踩上水壩, 船灣淡水湖風景優美
好難相信, 尋日仲落緊大雨, 今日天氣報告都係話有雨, 但上帝聽禱告, 特別係小朋友信心既禱告, 終於今朝一起身已經天氣清朗, 陽光普照, 最適合進行戶外活動, 感謝天父為我地預備最好 ^^
耶穌光都見到 :)
咩款式既單車都有, 前後孖住踩又有, 大細 3 輪車又有, 大包圍載人載貨前面有 seat 位既都有! 而呢架有帳篷既就岩晒劉明叔叔同佩思姨姨, 小慈好奇又要黐埋去坐, 仲非常好腳力可以一個人負重 300 磅踩郁架車, 勁勁勁!
有人幫手睇仔, 我同秋秋拍拖踩單車去! 來回水壩 3 轉, 第二日個 pat 冇左感覺 @.@
Sweet sweet ^^
阮生教緊小明放風箏
今日好大風, 放風箏冇難度
飛得多高, 去得多遠~
素文姨姨仲帶左呢個攪笑汽球黎玩
吹漲個波再放螺旋槳係頂就可以飛上半空
出左身汗, 最爽就係食杯雪糕車雪糕, 不過天氣熱又多人幫襯, 杯雪糕好「林」呀
跟住我地去三門仔食海鮮, 全日都望住個海 ^^
晚飯既餐廳叫水中天, 搵均晒周圍都唔見既? 海邊黎架喎, 得個招牌? 釣魚會???
嘩~~ 超級驚喜, 原來有船黎接我地去餐廳!! 小朋友上船喇~
無端端有船坐, 真係好開心
好似去左泰國芭提雅旅行咁呀 :)
路程好短, 再加上開得好快我地被拋起幾次, 好爽呀!
小明搶左個船尾位黎坐, 望住摩打將海水分開, 佢話摩西分緊紅海喎
真係好鍾意隻船
我地上左個大浮台, 真係釣魚場黎架
有好多人係度釣魚, 24 小時營業
好舒服呀呢度
提摩太團既團友扮釣魚喇喂
海鮮餐廳有好多大魚係海水入面養住, 保證新鮮
椒鹽鮮魷 :p
但係呢兩隻龜係點黎既呢?
日落呀! 好美, 好美 :)
我地把握機會影多 D 相
3 pair 母女, 都唔會點攪亂, 似樣架 ^^
我個乖囡 ^8^
開餐喇!! 位位 $200 大小同價, 廚房煮咩你食咩, 唔駛點餸, 白飯任裝
呢位小朋友食完扇貝扮自己著左比基尼泳衣
仲擺出誘人豬嘴, 笑死人咩 ^o^
大滿足!! 我好鍾意個蟹粥呀, 太好味了!!
今日好開心, 好多驚喜, 多謝天父俾我地團契有咁美好既時間 ^^
沒有留言:
張貼留言