大眾踩單車單車徑上

天氣實在太好, 測完驗終於得閒, 小明提議去踩單車 ^^

平時只有我地在後面狂追, 今日問好朋友借左兩架單車可以一家四口一齊踩, 唔好睇少呢架淑女車, 勁好踩呀~  出發喇!

其實我地都唔知踩左去邊, 見到單車徑就向前衝!  爸爸係前面開路, 我包尾照顧弟弟, 跟佢車尾真係好辛苦, 呢隻小明踩踩下會突然煞制, 上斜又唔夠力, 落斜又怕佢炒車, 下下要就佢速度我係後面要 S 型咁行真係好考技術, 自己似耍緊雜技.... 弟弟, 你要快高長大條腿生長 D  >.<

可能真係要買枝自拍神棍先掂

沙田真係一個非常適合踩單車既地方, 沿住城門河踩真係好舒服, 好寫意

踩住單車睇日落, 超正!

日日運動身體好, 男女老幼做得到!!