我們的花園

屋企都種過好多野.... 怕羞草啦, 豬龍草啦, 聖誕樹仔啦, 發財樹都種瓜埋!!  實在冇時間照顧亦唔識照顧 @.@  某日去朋友屋企食飯, 見佢有鑲晒邊既紫羅蘭, 好靚, 忍唔住問佢羅左一塊葉, 竟然同我地屋企咁夾, 一開二, 二開四, 四開八......  就算送左幾盆俾人, 我地而家都仲有 5 盆紫色, 1 盆白色!!  白色個盆係秋秋覺得佢靚買埋番黎既, 春天一齊開花, 真係好靚, 好靚呀!!!

園丁細心照顧, 花開得異常燦爛, 賞心悅目 ^^

小慈小明太鍾意怕羞草, 買過幾盆都捱唔過冬天真係好洩氣, 但又真係鍾意喎, 於是吸收之前既經驗, 我唔再買 BB 怕羞草, 專登去花墟買兩盆大大盆, 一盆死左都仲有 back up 諗住冇衰啦, 點知 2 日就枯乾!!  無理由架?!  明明我買個時 D 泥好濕店主仲叫我兩三日先好淋水格!!?

最後, 秋秋決定解剖驗屍尋出死因, 一倒出黎, 發覺裡面得好少好少泥, D 根根本掂唔到泥, 吸唔到水咪死羅!!  真係冇諗過花墟都出事, 定係佢地諗住你返屋企會換盆呢?  單聲丫麻!  而家仲有一盆枯左少少, 拿拿聲俾番 D 泥佢希望救得番啦!

天父造物真係好神奇, 各按其時成為美好, 野地裡的花朵不種不收也都生長, 所以不用憂愁, 我地盆怕羞草, 真係死過翻生, 而家仲開花添呀!!!!

花期好短, 佢一開花我就影相, 仲有好多花蕾, 好靚!!!

天父多謝你!  秋秋, 你好叻呀!!  每日淋水靠晒你!