數算主恩係我時時都會做既事, 生日既時候就梗係更加要細數天父既恩典啦! 有人話我好好命, 好順利, 好幸福.... 其實幸與不幸, 都好視乎你自己點樣去理解同接受! 我非常看重我所擁有既人事物, 死左盆怕羞草、冇左個朋友既消息、被一個路人甲不禮貌對待、跌左張八達通..... 以往都會令我唔開心好耐好耐, 好介意, 諗完又諗, 係咪我做錯 D 咩令到件事攪成咁.... 終於, 天父教識我 18 多 --
讀經多，智慧就多。禱告多，力量就多。
聚會多，恩膏就多。愛心多，果子就多。
奉獻多，賞賜就多。順服多，祝福就多。
饒恕多，喜樂就多。讚美多，得勝就多。
想念多，代禱就多。
所以當我遇到開心唔開心, 我都會多謝左天父先! 我知道每件事唔會無端端發生, 背後一定有天父既心意, 求天父教我去面對亦俾我知道佢想我係呢件事上面學 D 咩... 慢慢地, 當我學識凡事交托時, 我對人事物開始冇咁介意, 有又開心, 冇又開心, 真係唔駛咁執著, 天父必顧我, 時時看顧處處看顧, 唔駛怕唔駛煩 no problem! 數算恩典係好重要既心理調整, 半杯水在你面前, 當你睇成「好野! 我有半杯水飲!」 你就係一個好好命, 好順利, 好幸福既人! 知足常樂也 :)
我有 4 位金蘭姐妹, 加埋我 5 個, 係一粒 5 角既星星, 少左一隻角都唔成形 ^^ 一早約定幾忙都要年年為大家慶祝生日, 今年, 因為新里程既關係, 我要求唔止食餐飯仲要送生日禮物, 由我開始因為我最大, 之後就輪到佢地收禮物! 我真係好開心佢地願意額外付出, 令我既生日增添更多更多快樂回憶~~~
多謝 Cherrie 為我揀選今次食鮑魚餐, 好矜貴好受寵幸既感覺 ^8^
人靚景靚食物仲好有水準!
多謝 Brenda 砌到 D 相咁靚! 辛苦晒 ^8^
食住好野仲每道菜之間收禮物, 我真係好開心, 感覺幸福到爆呀!! 好多謝你地既心思, 尤其係 Wendy 話佢祈左禱先去買禮物, 因為只有天父先知道我鍾意 D 咩!! 我聽到真係好感動好感動, 送我既珍珠, 我真係覺得自己係無價之寶 ^8^ Brenda and Cherrie 送我體貼實用既筆 & 風褸, 會令我成日想起你地架啦! 姿姿竟然搵番我地既「唯一」出黎.... 唯一一次 5 個去旅行既相, 真係引起無限回想, 唔得! 我地點可以去得一次旅行咁少, 一定要排除萬難去多幾次先得!!
開心既時間過得特別快, 返到屋企, 兩個小寶貝趁我出左去, 靜雞雞整左生日禮物俾我, 但又忍唔住等到聽日正日先送, 小慈小明真係好可愛啦 ^8^
多謝小寶貝, 你地送既野, 媽媽收到晒! 好乖~
仲有老爺俾既大利是 ^^
一直寵愛我既老公, 多謝你成日俾我想點就點, 多謝你既包容, 係好多既事情上你都俾我話事, 相信我既決定, 尊重我既意向, 真係一點不容易, 讓我地既愛建立在天父手中, 共同養育我地既家, 孕育我地既愛情 ^8^
呢首係我近來成日聽既詩歌, 送俾大家, 我地都係天父眼中既「無價之寶」
Click ==> 無價之寶
曲詞: 方文聰 唱: 謝芊彤
編曲: 陸偉峰 監制: 陸偉峰 楊芷瑩
前我 糞土堆裡渡過 囚禁 困在漆黑的我
全靠你恩手拯救 在泥濘的我
明白我罪疚 還用愛 吸引我
無價之寶 我深深相信 我是你瑰寶
一路牽引 你賜給我 愛子的名份
而你傾倒 滿足的真愛 已令我傾慕
永不撇下我 不丟棄我 相依到老
憑著愛 重新 來日願被指引
憑著信 我便勇敢
沒有留言:
張貼留言