一年一度水餃團拜

人與人之間既緣份真係好特別, 秋秋既呢一班舊同事, 唔講唔覺都識左 13,4 年, 係得佢地「絕對欣賞」秋秋包既水餃, 每次都指定要食, 咁詢眾要求, 秋師傅梗係義不容辭啦~

小明同小慈都好鍾意爸爸包水餃, 非常落力幫手, 今日包左 350 隻, 超勁!!

今年連小慈都識包, 有接班人喇 :)

人齊!!!  呢個陣營暫時係我地新屋招呼既最高人數 -- 18 個!  佢地話仲有好多位可以繼續招呼喎  >v<

各自精彩, 小朋友有小朋友睇電視

打機既打機

入房玩既入房玩

大人仲好笑, 開群組同今日唔得閒黎既同事們 whatsApping  笑爆!

今日仲有 BB 玩, 1 歲既維維唔怕生保真係勁好玩呀!!

可惜我地屋企已經冇晒 BB 玩具, 得番 Bingo 都氹到維維好開心 :)

父慈子晾腳, 哈哈哈哈哈~~~~

Make new friends but keep the old, one is silver, the other is gold

珍惜彼此情誼, 最緊要大家開心!

賣旗

學校賣旗籌款, 小一既小明第 1 次參加, 小三既小慈第 2 次, 夾埋之前幼稚園既經驗, 今次已經係小慈第 4 次賣旗了!  經驗老到 :)

撞到信熙信盈兩姐弟

於是 4 姐弟一齊賣旗, 大包圍一位姨姨, 一人一張貼到人地成手臂都係旗仔

我地一邊行一邊賣旗, 證實屋村街市門口係最多人有散紙, 旗袋即時重左好多 ^^

小一同學仔特別好感情, 恩明與孔繁恩及信盈合照

還旗袋時遇見圖書館彭老師, 小明班主任藍老師及小慈班主任繆老師, 驚喜非常!  俾老師讚一句: 「個旗袋好重喎!」 即刻咩辛苦都唔記得晒 ^^

K1 賣旗 look

K3 小慈 and K1 小明一齊賣旗

小一賣旗

幾次都係安排在地鐵站內賣旗, 今年終於可以遊街了!!  連埋今次 4 次經驗既小慈越來越勇, 一見到有客就同弟弟鬥快衝到埋去截住人地去路, 好狼死下架, 所以收獲唔錯  >v<

不過今日既副作用係見到所有迎面而來既途人都好有衝動上前同佢講: 「早晨， 先生！幫手買支旗丫！我地幫學校籌款呀！」 ^^

探靖僖 BB

真係好心急, 等左好耐終於可以探靖僖 BB 喇!!

1 個月已經由 5 磅增長到 9 磅, 差不多 double 上, 邊個話飲人奶個 B 會瘦架?  靖僖真係好叻叻!!  媽媽同婆婆湊得你好好呀!

小慈好鍾意靖僖, 爭住抱

弟弟就掛住阿 B 姨姨 D 貓多 D, Mini me 任摸真係氹得人好開心 ^^

Laser Pointer 成功引到好靜既金草米落地玩

仲同我地近距離接觸添

我地仲第一次行馬鞍山海濱長廊, 好舒服呀!

行行下仲有兒童遊樂場玩

開心的一天!  靖僖 BB 快 D 識行, 小慈姐姐小明哥哥等住陪你玩呀!

Fun Zone

終於捱完個測驗, 毫無預警地帶左小慈小明去玩!  呢個場第一次黎, 個名改得好好叫「紛鬆」測完驗梗係要鬆一鬆啦 ^^

其實係大型 club house, $80 任玩全日, OK 啦!

任跑亂跳發洩精力

微型攀石場都有

完全估唔到兩姐弟仲有興趣玩車仔

仲要坐得入.......

有彈床

扮死中~

跑幾轉已經面紅氣喘玩到得番件底衫既小明

走均全場發覺呢個流星鎚最好玩

海棉波已經係每個 play room 指定要有既設施

射鎗好玩

鬥快執波都係遊戲之一

玩左 3 個鐘跑到冇晒力, 下次再黎喇~

2015 校際音樂節

今年係第二年參加校際音樂節, 練到滾瓜爛熟既一首歌, 臨門一腳因為緊張, 埋位唔記得對手擺咩位, dead air 一輪先上番軌道, 好在都叫做彈晒成首歌, 仲彈得幾好添架, 不過你 dead air 咁耐邊可能會高分, 於是今年冇左隻 merit 了.....

參加比賽, 目的都係為左訓練個膽, 今次就係一次好好既示範, 就算你預備得幾好, 臨場發揮唔到都冇用, 大家都係咁樣練習, 去到比賽, 邊個發揮到就係嬴家, 所以幾時都要預備充足, 仲要有平常心, 呢份功課你媽媽都仲學緊, 加油啦, 小慈!  比賽學識輸都係一份功課黎架!  況且, 媽媽覺得你冇因為發揮唔到而即刻放棄, 都有努力完成比賽, 已經非常有進步!

繼續加油, 出年再黎過!

第 51 屆學校舞蹈節

小慈 3 年級加入學校中國舞班, 今日代表學校參加比賽, 6:45 am 返到學校真係史無前例

8:20 am 要出車到比賽場地, 所以就要晨咁早返黎換衫化妝 Set 頭

流水式作業..... 一位家長負責搽粉底, 一位負責畫眼眉, 眼影, 眼線, 搽胭脂, 唇線, 搽唇膏.... 非常快手 1 個鐘頭攪掂晒 23 位小朋友

小慈個頭係我 set 架 ^^  業餘化妝師係咁上下啦~

係人都話小慈個嘴好細, 要好小心怕畫埋佢 D 牙, 笑 C 我 :)

呢三位靚女飾演「人類」

因為對手係青蛙 ^^

同好鄰居影張合照先

仲有辛苦晒蘇老師今日 OT

交通非常暢順, 準時到達比賽場地

媽媽都好多年冇黎高山劇場喇!

唔同晒樣

大合照時間!  班青蛙隻隻肥嘟嘟真係好可愛~~

後台排隊準備出賽

佢地係第四隊 -- 漢族舞 「捉青蛙」

Good Show!!

台上英姿

青蛙拒捕, 人類與青蛙拔河

佢地嬴得甲級獎!  Yeah!

真係好幸福, 每個參加比賽既同學都有番張「甲級」證書, 超正呀!

辛苦晒課外活動呂主任!!

又加添左舞台經驗喇, 小慈!  今次仲係第一次做主角添!  叻叻 ^^